正宗大頭B?!
其實…… 我又唔覺得佢頭特別大, 只係度左出黎, 多左少少咋麻…
上回講到要見e生…….
唉…….. 入到房就知今次c梗…… 呢位e生上次已經見過, 一個字: 串!!!!
10個串, 我會俾佢11個串囉……..
e生: (度度度)…… 無野呀, 都無問題, 洗乜見我o者~
我 : (關我鬼事, 我夠唔想見咯) 但其實佢上個月跌親個頭, 怕唔怕…….
e生: 下? 即係腦積水呀? 咁唔知架喎, 呢度又無儀器, 你驚咪自己入e院同佢照下囉~~
我 : (心諗: 洗唔洗咁串呀?) 哦…..
e生: 總之佢就無問題啦, 不過係呢一個moment咋!!
我 : (e生你洗唔洗咁推個波呀?) 哦….. (除左哦, 仲可以講乜?!)
e生: 無事架喇, 咁鬼精靈有咩事丫….. 其實你自己平時都可以度架啦, o係屋企度同o係健康院度咪一樣~
我 : (e生, 我樣樣都o係屋企搞掂, 你就渣兜架喇喎~~~)
搞左十幾分鐘就打發我走……. 唔知係咪怪我阻住佢收工…… 但都唔關我事架, 真係…. 
不過都有個意外收鑊……. 因為佢幫心肝度埋高, kekekekekeke…… 
63.5cm咋……撞鬼……. 矮到丫~~~~ 
不過算啦, 我睇返自己個高度, 都係去到25%條線…… 心肝得10%, 仲想點?! 唯有等佢大個o的同佢做多o的運動啦~~~~ (早知搵個高少少既老公啦, kakakakakaka!!! 
)
(280)
63.5 cm邊度矮呀!咪差不多, 我諗你唔好同d”高人”比囉, 佢0地遺傳父母高,我0地咁,個囡63.5仲想點…..冇辦法啦…我個囡….都唔知幾高啦….不過我估你個囡63.5,我個囡咪最多64cm…haha
sd
我夠唔想我個園排”第一”啦
個醫生D態度又真係幾差喎…
又會咁串既?
都話政府既唔掂, 我果邊果間都不徨多讓…
有時唔係因為偏見,但政府醫生D態度……
係呀, 女e生, 都幾大年紀………
係超差……..
可以咁講啦, 講半句俾人串十句, 勁無奈..
你o個邊又係架? 真係陰功………
我淨係唔想佢排”第一”o者…..kekekeke