別了, 彩虹牌 [序]
隨住靖天6個月大, 係時候, 要同彩虹牌講byebye…
6個月既時間一o的都唔長, 能夠俾到彩虹牌靖天, 當中遇到既問題, 實在多不勝數….
可以的話, 其實好想俾靖天食到佢自然離乳…… 
可恨彩虹牌既量成日都時夠時唔夠…. 加上工作漸忙, 假日又好想同心肝呢度去o個度去, 閒時放工又想攬實佢痴住佢, 同時間, 亦都想給c6多點關愛….
作為一個全泵型既在職媽媽, 著實要做既功夫係好多: 返工, 餵奶, 整彩虹牌, 洗野, 清毒, 然後又返工, 餵奶……… 從無間斷… 風兩不改; 就算病到cc下, 都照樣6點起身, 彩虹牌, 餵奶, 返工…… 其實話唔辛苦唔攰, 就呃人….. 
想唔餵彩虹牌, 真係十萬八千個理由……. 好多既借口……
我恨自己唔夠堅持, 唔夠恒心, 
一到6個月就想放棄……..
但同時我亦都怪自己未盡全力幫助靖天發展….至少晚上, 我該多給點時間與她談談天, 說說地…. 
兩者之間確實好難取個平衡……
另一方面, 為左彩虹牌, 亦都冷落左c6…. 因為除左靖天, 就係彩虹牌, 莫講話第1位, 佢連第2位都唔係, 實在有愧….. 雖然靖天係我心肝, 但同樣地, c6亦都係最愛…. 無c6, 就無靖天… 我唔可以打完斎唔要和尚架喎~ 
思前想後, 都係決定放棄彩虹牌, 希望可以騰返多一點時間, 陪陪靖天, 陪陪丈夫…. 或者咁樣, 先係一個完整的家庭吧?!
彩虹牌, 原諒我既自私, 但靖天, c6, 同你, 我無辦法唔選擇我兩位摰親;
靖天, 原諒媽咪既自私, 
唔係唔想給您最好, 但媽咪唔想顧此失彼…. 您同我既關係先係最重要!
c6, 謝謝你過去6個月黎既支持同埋體諒, 我知道因為彩虹牌, 不但冷落左你, 更加要你承受左唔少我既脾氣….. 
過去6個月想增加產量而費煞心思…… 現在, 又要因為停產, 而想想計子….. 
(216)
都好既, 做了決定, 可以多點時間真係”親子”, 大家都會開心
你已經做得好好, 可以咁堅持餵到靖天到6個月, 最難得你不如其他有些媽媽好易有超多奶, 但你都有盡所以法子去幫自己, 幫靖天, 對自己有交代了
你終於諗通咗. 我都覺得留多啲時間比靖天同你老公仲好, 佢哋兩個都需要多啲時間同你溝通o架嘛~
我覺得你好叻喇,為咗靖天,你可以咁堅持!!!回想起初初我都想喂人奶,可惜我小之又小,冇辦法滿足我個仔而放棄,但就算可以喂到人奶,我都只會喂3個月,因為我知道真係好辛苦,所以你真係好堅架,你已經比咗最好嘅靖天,佢將來一定鍚晒你呀
所以我先更佩服你, 就係唔係多奶, 但你都用盡方法去令自己多奶, 可以keep住比靖天最好既野
不過唔緊要啦, 你都做左決定, 我相信你都諗真晒, 知道咁樣係對靖天, 靖benny同對你好既決定先會做, right? 既然都做左第一步, 努力執行埋第2, 3 , 4步佢!
六個月係唔短嘅時間,靖天會明白媽媽的心意.
人生實在有太多嘢要作出選擇，我為你作出最後決定而高興，既然無嘢係可以做到或選到 perfect，唯有用心去作，盡力去做，你兩位摯愛一定感受到o既！^^
其實琴日同你msn, 你無意間叫我繼續落去, 我真係好surprised, 因為身邊係無人叫我繼續的……. 搞到我又十五十六好想餵埋落去, kakakakaka!!
anyway, 我只想靖天好……..如果我係係一個富媽媽, 你話幾好呢…….
林師奶, 多謝你既支持;
都冷落左c6咁耐, 係時候要….. 搞返慶佢…..kakakakaka
多謝你呀, 好窩心………
我都希望靖天錫曬我, 接左我呢份小小既心意……
多謝你, magmag~~~
hope so… thanks, Boosaa
little-angie, thanks …… really thanks~~
it’s very warm