靖天下水禮!!!!
等了又等….. 唔係落雨就唔得閒, 終於今日可以行個下水禮喇~~~
因為中午出左九龍, 搞到4點幾先返到屋企…….
好彩心肝都俾面無扭計, 
落到泳池都5點幾…… 天氣都開始陰, 但天氣都熱, 拿拿臨落水玩一陣……..
個bb池都幾多bb喎, 有一個係10個月大既, 一落水就喊….. 可能驚卦;
另一個就歲幾, 自己識玩咯, 犀利犀利~~~
靖天就6個半月, 最細, 其他媽咪都好驚訝點解咁細個就帶佢黎游水……. 當然我係唔會理, kakakakkaka!! 
玩左半個鐘度, 近6點天真係開始黑又開始大風, 都係上水走人….. 雖然唔係幾捨得….. 唯有下次再玩~~~~ 唔知下次可唔可以去海灘同陽光玩遊戲呢?! 
出發前影張相先……. 靖天既浴袍似唔似打boxing o個o的? kakaka!
爸b同靖天的合照, 可惜靖天顧住咬野話之你!
靖天的泳照…… 好有型既呢…..
(多謝林師奶早前送俾我地既hello mimi船仔, 唔係靖天都無得玩….不過其實媽咪係好憎hello mimi的………kakakakaka!!!! 不過林師奶送到, 我梗係要用盡佢啦, hoho)
靖天: 咁多水…….. 好玩過平時沖涼喎~~~~
大小姐靖天………
靖天: 隻鴨仔…..咁似我屋企o個隻既?
另一位媽咪幫我地影全家照, yeah!!!!
靖天: 媽咪我唔係花, 唔好灑我…….
靖天: 我要自己玩呀, 俾我俾我!!!!
靖天: 等我試下同屋企o的水既味有無唔同先…..
(320)
好開心呀, 可以去玩水水, 靖天都玩得好自在冇驚好叻女.
我估我帶哲哲佢會勁喊…
p.s. 靖天好似….唔同左樣??
之前同佢沖涼都好似攞佢命咁, 咪啦, 或者等大多少少先
靖天越嚟越精靈啦！^^
靖天好叻力喎~ 一d都唔怕水 仲有呀! 個hello kitty水泡好令呀! 我好鍾意呀
玩得半個鐘就走, 蝕呀~ 下次記得早啲靖天去泳池o刺!
喂, 唔好意思, 我唔知你最憎 hello mimi, 不過我諗住靖天係女孩子嘛, 唔係買 mimi 就係買 melody…..我揀 mimi, 因為我鍾意囉~
靖天件泳衣同隻鴨仔好襯!
叻叻!唔怕水仲玩得咁開心.
Why no bikini? I mean veronica’s daddy….
係呀, 佢真係好似唔多怕水……kakakakaka, 你又買返個;
係囉, 真係蝕曬本….下次真係要早少少落去先得;
同埋唔洗唔好意思啦, 因為我知靖天勁鍾意個mimi囉….. 佢一望到就係咁咬係咁咬…….. 抵返曬啦, haha
下星期唔落雨再帶佢去過, hehe
係喎, 佢同o的鴨好鬼有緣
佢著bikini? 我怕……….. 俾警察拉……
咁要試下喎, 或者哲哲愛水呢…….
靖天個樣…. 唔係丫, 係咪幻覺呀?