別了, 彩虹牌 [疑惑篇]
上次打完篇野後, 好意外地有朋友問我係咪真係唔再餵, 搞到我又次十五十六….
之前話減產, 其實都只係減左少少…..因為根本就無減少泵既次數……
後來屈指一算, 原來心肝一日只係食4餐奶, 加一餐糊仔, 如果我只係餵佢3餐, 補一餐奶粉, 實則我只係需要1x安既份量就足夠…. 諗諗下又唔係難喎…. 
依家改為出產兩次, 雖然個量仲爭少少先夠佢3餐, 但係諗落, 又好似又唔係好難…..
但係問題就黎…. 究竟我咁補1餐奶粉+2餐彩虹牌, 同我俾曬全部奶粉佢, 其實係咪都係一樣?
以前餵彩虹牌, 都係想靖天既抵抗力好o的, 如果食少左彩虹牌, 咁情況又係咪都一樣?!
餵左半年, 加上引入左固體食物, 開始對”點解要餵彩虹牌”呢個問題好模糊….. 有時都會諗: 點解我要餵彩虹牌呢?! 最衰係靖天係”mix”, 食過奶粉, 其實對於彩虹牌既效用又會有幾大?!
真係好疑惑…… 
坊間好多文章都係講”全人奶”既好處, 但又好少提到我地”mix”左有咩分別….. 實在係頭痛, 頭痛…….
(167)
泵小幾次, 感覺無咁辛苦囉~
其實時間好快過架咋! 不過當然最重要係唔好比壓力自己啦! 如果真係覺得太辛苦, BB腸胃又無咩野, 其實停左佢都無可厚非~
米B因為重有D便秘問題, 所以我想停都唔得 :p
我而家都係mix, 其實效果如何無人講得埋, 不過一般都話食小小點都好過唔食.
我個人覺得, 響呢個轉固體食物階段, 人奶的作用是減輕BB腸胃的負擔, 因為始終人奶比任何食物都容易消化. 另外都係加強身體抵抗力之類啦.
我成日都好想停, 但諗下諗下又想捱多半年, 成日都好矛盾…
你知我一定點都支持你! 上次同你講其實依家減左奶既餐數, 你未必需要餵得咁密, 應該冇咁辛苦. 當然我唔係餵果個, 講既就輕鬆啦, 但我相信以前咁辛苦你都support到比靖天, 依家應該問題唔大
mix咪仲好…你唔見mix d小朋友好鬼靚咩? 吸收晒兩者最好既野, 可能靖天吸收晒奶粉+人奶既日月精華, 天下無敵! (不過我又想話你實插我人奶應該包括埋奶粉冇既野…哈哈!)
唔係只有你15/16, 我對奶粉萬分抗拒, 都動搖過, 一剎那咁多, 事源我愈黎愈瘦, 抱B都唔係好夠力, C6又話都餵左6個月啦, 咁咁咁咁喎 …
我又諗BB食得好好地, 我又餵得輕鬆, 唔餵又唔代表我一定會重番 …. 咁咁咁咁 … 又繼續餵啦~
唔好咁疑惑,雖然我自己唔係餵人奶, 但係如果你自己仲support到 mix都唔係一個問題, 我自己覺得一來靖天已經加入固體食物, 已經係mix左其他食物, mix 奶粉個原理都一樣 (hehe, 呢個係我自己諗), 最重要自己handle到, 唔好覺得辛苦, 又可以spare到時比靖天同老公, hehe
kakaka, 你明知我插你又講?!
其實我都係想知多o的o者…… 我好奇丫麻;
餵到瘦, 我又想咁喎……… 可惜我唔係, 唉….
但既然你餵得好好, 要繼續努力啊!!!!
我明白的啊…… 其實都係我自己太多心想了解o的囉.
好羞愧,傲衡一開始只係食咗個半月mi×奶.你睇佢依家未又係咁大隻!不用太擔心.
千祈唔好咁講自己啊~~~
嘩, 傲衡直情勁啦!! super~~~~~
估唔到有人同我既想法一樣…. 其實依家泵兩次, 好快個女都食2餐固體, 又可以食少餐奶粉…. 同埋我成日覺得佢食左人奶, o的便便就順少少, 無話會焗到肚痛唔舒服或者o的便便好差咁…..
都8月, 我捱到年尾都餵到1年….. 好似好快, 但又好似好耐咁…….
原來米b有便秘, 難怪難怪, 我都覺得食人奶o的便便暢順o的….. kakak!!!
依家泵兩次, 再少就…….. 唔洗泵架喇…. 我都仲爭扎緊…