『咱們仨』@ 暢游大清水 [暢泳篇]
因為小小障礙, 搞到遲左到步…..
出到去都成10點…… 結果係…..無位泊….. 仲要唔俾入….. 
於是c6就去左個遠成條街既停車場….. 結果都係無位…. 咁o岩靖天要開餐, 咁就邊等位邊餵佢食左野先~~~ 真係時間剛剛好, 靖天呢頭食完佢兜粥, o個頭就有位…… 搞掂曬就再搭返的士入去…. 去到沙灘真係好熱好多人, 仲係咁望住靖天…… 
好似未見過bb咁…….
搞掂曬, 就梗係拿拿臨落水啦……..
靖天: 媽咪, o的水好凍耶………. 不過o的水有魚魚既?!
不過唔知係咪太曬, 一向"見光死"既靖天, o係咁曬既環境底下, 成程黑口黑面…. 喳都唔笑…. 仲不時扭計……
實在太………多人….. 靖天去到唔夠半個鐘, 已經打曬喊露想訓覺….
影完上面呢張相, 相機就無電…….. 實在太…….. 失望了! 咁辛苦山長水遠出到黎, 影得10張相都無…….. 問同行既朋友借相機啦…. 點知….
李氏一家叉好電, 但無帶出黎;
維氏夫婦以為叉好電, 囉到出黎先發現原來叉唔到….
結果只得屎爺有機…..
(真係六合彩又唔見中….)
臨尾影多幾張合照, 收工……… 不過真係好失敗, 竟然帶左部無電既相機…….
靖天: 好鬼曬呀…… 收工未呀~~~~
唔知心肝係怕因為o的水太凍?定個太陽太曬?! 全程黑面, 玩唔夠幾個字就黑面, 點引佢點逗佢, 出埋人肉公仔 — 爸b, 都係無里表情…..
不過都好….. 肯浸o係o的水度, 又用曬兩個水泡去玩, 算係咁啦……
玩到3點幾就沖涼, 執野玩衫走人!!!! 
=========================
~~『咱們仨』心聲~~
其實靖天都算好乖好聽話, 又肯食粥仔, 又肯食奶, 只係好似唔係太習慣個環境, 扭下計, 又訓下覺咁;
曬得一身健康膚色…. 靖天都唔例外…. 可憐媽咪我…..因為顧住睇住靖天都懶得補防曬搞到….. 黑忟忟…. 嗚嗚!
第一次食蝦條, yummy!!!!
第一次出街食粥仔, 
無得頂!!!
落到水就係咁飲o的咸水, 飲到津津有味!!!
如果唔係驚心肝會便便, 都唔會同佢著條游水片; 全日俾條濕透既片"葉"住, 我都特佢辛苦!
爸b去到尾段已經謝曬…… 仲話靖天未懂性前都唔會再同佢游水 (kakaka, 抵死!)
多謝magmag既意見, 買左枝chuchu防曬, so far都仲未有曬傷既現象;
游海水都唔算驚, 臨尾同心肝沖身時, 因為o的水太涼, 凍到佢扎扎跳….. 一路沖一路跳, 不知幾驚嚇親佢….
咸水照頭淋都唔識喊…… 醒也? 笨也?!
爸b整既瑞士汁雞翼同埋菠蘿腸仔真係好好味, 謝謝c6;
因為泓哥哥唔敢落水, 於是就借出船仔一條, 點知…… 回程時就變左titanic… (對你唔住呀, 林師奶~~~~)
望望身邊既美少女, 就知自己減肥都算尚成功…… kakakakaka!!!
回程上到車什至返到屋企就鬼打咁精神, 仲不停講野好似o係度不滿我地今日既安排…. 
雖然好辛苦, 好麻煩, 但著實又真係好回味….. 希望快o的到下一次啦!
(176)
通常都係咁，預備好所有嘢，點知到最後都會漏減 d……
靖天好叻，唔怕咸水喎！佢灑完之後 d 皮膚 ok 嗎？其實响海灘留咗幾耐呀？
嘩~ 靖天好開心呢﹗第一次“出海”都成功架啦﹗靖天個樣都唔驚驚呀﹐難得同爸爸媽咪去玩﹐enjoy the sun 一定開心啦﹗
我都想帶幸諭去大清水呀, 不過對我嚟講太遠啦,
要一袋二袋咁搭巴士去, 實在太辛苦~
我都好想去…不過我未減肥……
關咩事架……….
我都未減肥成功, 都係不宜着得小布~
條船唔緊要啦~ 吹氣嘢實係唔襟~ 佢都 “希生” 得抵, 靖天妹妹又坐過, 又借過比泓哥哥出海~
有關相機蝦碌嘢, 我個 fd 都試過!
舊年陪個fd 去試婚紗, final round, 梗係要影相啦!點知, 佢有叉電, 有帶相機, 不過無帶 ram card lor. 笑到我肚痛!!
最失敗莫過於帶左冇電既相機, 呢樣野我好痾哥一定要叉足先比走!
咦!靖天唔止多水泡,泳衣都多喎!嘻嘻!有冇三點色呀?
不過真係小心太曬,曬到變黑豬仔.
多謝林師奶既體諒呀! 嗚嗚
真係千祈百怪;
本來帶大機麻, 但我嫌太重, 咪無帶囉, 求其囉部細機就走, 點知……原來無電
哈, 真係有三點式架, 但太大件, 出年先著, kekekeke
我同佢狂搽防曬架喇, 不過算啦, 佢本身都係黑豬仔, 曬黑多少少都無所謂, keke
係囉, 真係失敗, 希望今年有機會去多次啦;
曬完皮膚ok呀, 完全無問題……
o係海灘留左約5個鐘度啦~~~
希望下次去, 佢識得笑多o的啦
如果搭巴士都真係幾辛苦…… 太遠麻