第一次去開倉
去左只係短短30分鐘, 就搞到咁樣出返黎…… 
好多謝好多謝舊同學pinky報料 (估唔到o係bk會撞得返個校友) 
星期六下午收到電話話葵涌有開倉, 全部歐美牌子, o的衫勁平….
心思思於是星期日就去望下….
準備好揹帶, 現金, 背心短褲…..
點知唔知係咪時間尚早, 無乜人, 買得超舒服…. 
短褲仔一條, 價值一蚊雞~!!!!
睡衣一套…… $18
寫明話for 6-12months, 點知可以大件成咁~ 
衫仔兩件, 都係10蚊唔洗一件~
燈芯絨既裙仔同工人褲…. 燈芯絨料出名唔平…..
點知件件都係10蚊雞, 10蚊雞!唔買對唔住自己~ 
主力幫心肝入秋冬貨, 褲仔當然少不了….. 每條褲仔都係十零蚊~ 抵! 
又一條燈芯絨既褲仔……不過都幾…男仔耶~
好難想像靖天已經就黎8個月, 但仍然係要著3m碼…
仲要明知3m會好長…. o的歐美bb係咪真係大件成咁?! 
9蚊條冬天長褲……. 唔買可能會俾雷劈咯!
買返件厚褸仔, 雖然紅色娘娘地, 但粗著不失為一個好選擇~
20蚊o者…… 豪俾佢啦!~
十幾樣野埋單加埋都唔洗200…… 仲想點?!
下次有開倉記得單聲呀, 老友記~ 
(228)
要格多幾間,不過真係幾靚 xdd
因為TAOBAO個D已經好多啦 XDDD
美順都係開倉,貴少少但靚過呢間好多!你得閒去我FB,一一著個件WINNIE都係$28 JAR
嘩! 真係好平呀! 但location 在 葵涌 真是有點遠!
有點兒遠啊, 地鐵站行過去都有排行……
我上年都有去呢間,反而今年冇去ar!你留意美順啦,仲靚!!!
我地d款原來唔同喎, 除左燈芯絨果d
做咩今年唔去呀?
美順………. 乜黎架?
我仲以為會一樣添……. ~.~
淘寶有時都幾煩……… rate 高左, 有o的都唔多抵麻…..
係啊…… 不過我買得太多俾靖天, 呢排都抖緊…… kaka