別了, 彩虹牌 [繼續減產篇]
話餵唔餵, 都仲繼續緊……放不低, 始終放不低…
隨住靖天一天一天咁大…. 佢亦變得食得定時~~~ 唔需要我操心佢長唔長肉, 增唔增磅, 因為我知道, 食量正常既佢, 係會好努力咁令自己變大變大變大…..
由一日4次, 一日3次, 到依家一日2次….. 輕鬆好多, 自在好多, 但好時, 產量亦不斷減少…. 知道好快既一日將會變成一日1次, 然後, 彩虹牌就會慢慢咁消失……
話咁快就8個月…. 雖然靖天可以享用全日彩虹牌既日子好少, 但亦都好慶幸靖天身體一直無乜大問題, 亦都好精靈…. 實在係托賴…… (成日都覺得係彩虹牌既力量, kakakaka!) 
近些日子, 產量開始越見不足, 定時去泵, 泵清左, 都係少左份量….. 思前想後, 相信係休息問題…. 懶玩媽咪每晚都12點訓, 第2朝就6點起身準備餵奶返工, 雖然6個鐘對於好多人黎講已經好多…… 但係訓得少, 產量自然少左, 有時訓多左1-2個鐘, 又會發覺產量突增….
然後阿姨問起, 媽咪知道, 都會話我: 下? 你仲餵緊….. 你癲夠未?! (點要餵得耐就係癲呢?!)
然後朋友知道, 就會話: 你好勁呀…… (有幾勁, 不知幾羨o個o的餵到2-3歲既奶媽~~)
靖天對奶既需要減少, 自己想多抽點時間拍下拖享受下”戶外活動”, 工作不定時, 成日要o係街搵地方….. 都係我對彩虹牌開始卻步既原因….
靖天越大, 發覺其實除左彩虹牌, 我仲有好多野可以做…. 奶, 似乎已經唔係女兒既全部….
黎緊打算日泵一次…..等自己唔好再o係黃昏時間因為要搞彩虹牌要一而再再而三咁推掉c6既約會… 放工趕回家泵奶, 又要餵靖天, 一個唔好彩撞著心肝痴身又要抱住黎泵, 又仲點有心情同時間一家三口咁出去食餐飯, 行個街?! 呢個幾月, 已經無數次咁推掉c6既小約會….對不起啊, 老公~~~~ 
~~~~~~~~~~~~~~~~~~~~~~~~~~~~~~
後記: 我絕對欣賞自己
勇於接受自己唔夠產量俾靖天, 亦都樂於寫在自己既卜入面, 同朋友們 (可能卜是公開的, 部份並不是我朋友啊!!!
), 同靖天, 同爸b, 分享我點點既心事…..
由最初朋友們不停鼓勵, 支持, 教我點做點做, 到學習放低, 處之泰然; 餵彩虹牌, 係我湊靖天既一個milestone, 要知道, 在職媽媽 + 全泵型 + 全人奶, 實在不易….
雖然我做不到最好, 但至少, 我真係, 真係, 真係, 好俾心機~~~~ 
靖天, 爸b, 你們會給我掌聲吧?! 
(172)
啪啪啪啪啪!
雖然遲, 但點可以少左我既掌聲~~
遲左2年喎, 台長!!!!!!!! xdxdxdxdxd
當然值得鼓掌讚賞啦！^^
sorry,留遲0左,我一定俾掌聲你,仲要大大聲添
其實係0架, 我0地要返工,真係好難兩邊兼顧,你已經做得好好啦, 少0左咪少0左囉,好過有d人明明冇又扮有要夾硬0黎
唔好理d閒人點講,自己做自己0野,因為呢度係你地頭係你0既blog嘛,用0黎記低靖天0既事0既地方
在這裡記下一切, 日後會明白的
點會淨係得掌聲咁少?
我同靖天都知你好辛苦! 多謝媽咪你咁多個月黎既堅持!!!! 今晚我同靖天一齊錫晒你!
作為你0既忠實粉絲, 當然要橕下你啦…!!
我個囝就係因為無得”享用”, 所以病倒了 ~~
身為媽咪, 我覺得餵人奶的媽咪好偉大, 餵人奶的在職媽咪更偉大…
總之就”偉大”到爆呀 >>>>
我也給你掌聲
謝謝, mag
梗係要………..
多謝你啊, 粉絲媽咪~~~
哈哈……….. :)
些些……..
我都為你鼓掌架!!!