『咱們仨』的第二輯寫真
2008年9月5日, 靖天踏入第8個月, 我地又去左STUDIO影相喇~
因為上次都影得幾辛苦….. 身水身汗, 爸B又顧住相機顧唔到我, 我又顧住靖天顧唔到個樣…..
所以今次都係決定俾錢人影….. 咁就自在好多麻~~~~
本來打算去studio123影, 但聽聞話佢地做得太濫, 好多用品同埋衣服都好污髒, 有o的媽咪仲話bb著完o的衫仔有敏感…. 為免靖天既濕疹翻發我有機會屈佢, 所以都係揀過第2間…..
上bk 見到mybabyface studio 有promotion, $450 包33張相, 4個造型…. 好似都得得地…. 知道佢都好full, 咪拿拿聲打去book囉….. 可能我地唔介意任何時間日期, 所以一book就book到星期五既上午, 唔洗等咁耐…. 
朝早搞掂所有野……. 出發!~~~!!!
因為勁塞車 (爸b囉….. 行錯路~~~) 搞到靖天要o係車上食粥 (好彩佢勁比面… 好快食完~~) 泊好車我地仲有時間去m記食個早餐…… 準時11點上到去, 上一個客都仲未走…….
個姐姐叫我地揀造型……. 跟住好快就開始影喇~
可惜……. 因為太多陌生人, 靖天好奇+緊張 = 木口木面……..
全程點引佢都唔笑…… 攝影師唔知係咪無癮, 唔洗30分鐘就影完4個造型….. (上一個客仲揀緊相….. 
) 換返o的衫, 靖天扭左兩扭就訓左咯……
全程影左116張相…. 初初都諗住唔揀, 一次過要曬算, 但影完後覺得攝影師未盡全力, 加上靖天全程黑面, o的相都唔荒令啦~~~~!!! 於是就花小小時間揀返33張算….. 著實又幾難揀….. 因為….真係麻麻地~~!!! 
造型方面都無乜特別…….. 不過幾百蚊, 影輯相, ok啦~~~ 
~~~咱們仨@第2輯寫真~~~
造型一: 親子裝"碌"
上淘寶買左件好簡單既親子裝….本來唔係著呢款,
但時間關係 + 靖太太細粒,
買唔到想要既親子裝… 唯有等下次;
痴痴呆呆的靖天……
靖天: 爸b媽咪你地唔好咁熱情啦……
造型二: 中國"碌"
熱愛中式既我們, 梗係要同靖天扮下中國娃娃啦,
可惜…. "著起龍袍都唔似太子"…. 
難得會笑既靖天… 仲有"酒lup"架….
靖天: 我係女子十三樂坊新成員~~~!!!
造型三: 浴堂"碌"
bb仔, 梗係要影返o的光脫脫既相先過癮啦~
但靖天仍然係…. 小小童真都無, 反而黎輯爆笑肉照~
靖天: woo….. 個攝影哥哥巧令仔呀~~ (大家看到她pat口水麼?!) 
靖天: 都係有返小小儀態…… 抺抺嘴先~~ 
造型四: 人有三急"碌"
呢個造型唔洗問都o係n個bb身上見過,
本來唔想揀呢個, 但真係揀無可揀…. 算啦~ 
靖天: 媽咪, 既然有個馬桶, 我都係開返個大先!~
靖天: 唔…….唔…. 呢排無乜飲水… 痾唔出呀!~!! 
(354)
你們的那一套家庭裝(Me, Mom, Dad)在哪裡買的呢 ?
PS: 我今天第一次路過，好多資料。
靖天d口水真係好勁呀!!!!
呵呵, 我個妹問我係咪假的……
浴堂LOOK 同 厠所 LOOK 都OK呀!
尤其以厠所 LOOK 最好笑!!
haha, 輯相 d 造型好得啊~ 好令啊~
點解靖天會有咁大 pat 口水o架?
老實講, 有點失望, 我覺得平時你地同靖更影既仲高水準, 一係間野唔掂, 一係真係靖天不在狀態, 唔夠傳神. 不過我幾鐘意你地親子裝個look, 好warm~
早知係咁幫襯123仲好…..多o的造型;
靖天鑊鑊影相都不在狀態架啦….
我覺得好明顯係間野差……
Hi, 靖天媽媽, 我都係在 babyface 度影架, 我 mail 我個相部比你吖, 我都係覺得好一般咋~~~
真係好求其喎~~之前我朋友上年影mybabyface都好好,我自己o係studio123影都ok~~
靖天好大個眼袋啊~~~
一家三口影個張ok呀,女女好似爸爸
收到喇…. 你o個o的令好多啊!
係呀, 佢夜訓麻, 遲o的有埋黑眼圈添呀!
小敏謝謝你…….. :)
我都想知點解靖天可以有咁大PAT口水收埋O係口度….巧恐怖~~!!!
不過不失………
你好, 家庭裝o係淘寶買架…. 你想要間shop我email俾你丫