靖天厭食的謎團
9個月既最後一日, 靖天都係決定做多次豆腐……… 
不過今次有少少新意….. 靖天今次學人腸~~~胃~~~炎~~~……
靖天厭食搞到我頭大左2個幾星期… 呢個星期開始, 靖天既便便開始變得好稀好稀… 同痾水無乜分別…. 只係佢keep住一日1-2次, 身邊老老嫩嫩都話佢痾”吽牙C”….. 所以早前都無乜太著意…. 
但係前兩晚開始發覺一接完心肝返屋企等訓覺既時候佢就”bi-li-ba-la”咁放屁…. 有時訓著左都係咁放…. 諗下諗下都係唔多對路, 佢已經無食粥, 又無食飯, (即係咩固體都無食)… 剩係食奶點可能會咁多屁屁?!
眼見靖天唔食固體不特止仲要連奶都越食越少, 所以都係的佢去見下e生….. 求個安心~~~
入到去, e生問左咩事, 然後左探探, 右探探, 上按按, 下按按…. 結論就係: 輕微腸胃炎…. 
因為咁, 所以靖天無胃口……喎…….
雖然呢個e生e好左靖天既濕疹, 但今次我反而就……有少少半信半疑…….
佢話食完藥約4-5日靖天應該會有返胃口……. (o的藥真係咁勁?!) 
再問點解心肝無端端會腸胃炎…… e生話…無得解~~~ 
總之食左藥會好…. 都係想問個明白o者…… 唔洗咁串麻……
例牌啦, 牛奶唔食得… 要轉飲豆奶…
幾經辛苦夜麻麻o係荃灣搵到呢罐….
夜晚開俾心肝, 嘩, 臭到丫…… 好腥豆味呀!!!!
難怪靖天食左5安半就唔要… 我都唔想迫佢, 臭成咁…..
返到屋企餵藥…. 爸b一攞枝藥出黎, 佢就驚叫: 枝藥倒瀉左呀~~~~!!!!
1/3都無….. 多少少都唔俾..犀利犀利…
咁我都同爸b講, 3日藥係咁上下…. 爸b就依依哦哦…. “俾左二百幾蚊… 加多少少spare都得卦”…. “咁唔俾倒瀉架….”……… “咁陣間靖天唔飲lur左咪唔夠囉”……. 成個八佬咁… 
同上次樓下睇鄧e生, 真係差好遠……
有好有唔好啦…..
劉e生開藥份量咁fit, 想你偷雞儲起佢第時再食都唔得啦….. 係咪有e德呢…. well~~~~
靖天不嬲食藥都麻麻地, 對上次我餵佢食藥係6個月前…… 依家大個女喇, 至少無爆喊… 但又係作曬嘔, 打曬冷震咁囉….
心肝呀心肝, 您拿拿聲食曬o的藥就唔好再唔舒服喇, 好無?!
我知你依家都好精靈, 不過如果您肯食返野, 無肚仔唔舒服, 咁就會更加perfect囉~~~ 
(424)
知道原因就好啦, 希望靖天快d好返, 聽完你個經歷, 又知多左d野
試左先啦, 唔好咁擔心, 我都係而家先知原來雅培有bb豆奶
咁希望靖天快 d 好番，唔洗 4-5 日就有番胃口啦！^^
哎呀…….. 原來係咁……..
其實bb咁細, 唔識講比我地聽, 真係好慘,
我地又幫唔到佢……
原來豆奶好臭架?! 我都唔知道, 不過而家d奶粉好難買得到…
希望佢快啲有番胃口啦！
噢 .. 靖天病病呀 ….
祝早日康復呀 !!
醫生都係咁架啦 … 驚死我地亂俾藥孩子食咁 !!
啲藥水真係好少喎…..
希望靖天快d好返!
唔洗再食藥啦~
希望啦…… ~.~
我初初連荷花問埋都無, 點知o係百佳買到, 唉;
咪係囉, 乜都唔識講….. e生話佢搞緊肚痛, 都唔識o岩…… ar曬
好大陣草腥味架….. 總之就怪啦~~~~
>.
謝謝有心了
係囉, 多少少都唔得;
少得可憐~~~ :(
承你貴言呀, AUNTIE VICCI~~~
唉……… 我好怕靖天唔係因為咁而唔食野
唔肯食架, 幾安都好過無囉;唉~
係喎, 我都係靖天有事先知, 除左雅培都唔知仲有咩牌子有; 因為百佳得佢有咋