身患絕症的靖天
都係我唔好….. 咁就害左您一世…. 
早幾日既一個半夜, 心肝無端端喊醒, 見到佢流曬鼻水咁…. 都嚇一嚇, 半麻麻訓得好地地, 做咩流得咁勁?! 無可能冷親啊, 著左咁多衫……
然後成晚佢都訓唔到, 因為…鼻塞….. 抖唔到氣…. 
拖左1日, 見佢都流唔停, 就的左佢睇e生…
左照照右聽聽, 都係話佢有少少鼻水, 然後我就問e生: 佢會唔會係鼻敏感….
e生竟然好快口咁話: 唔出奇架, 佢有1/3機會有… 咁你有架麻 (家庭e生就有呢個好, 佢會記得我地既record…….
), 我再問: 咁爸爸都有呢…. e生話: 咁加多1/3囉…..
即係, 靖天有66.67%係鼻敏感……
查返過去紀錄, 原來對上3個月, 靖天都探過鄧e生一次…. 一個月一次, 真係出糧都無咁準!!! 
其實只要食1-2次藥, 心肝就唔會再流鼻水, 亦都唔會有其他唔舒服……
友人問我點算? 咪唯有等佢大個少少搵個專科睇下, 跟住搵o的藥看門口, 同埋o的噴鼻既藥過佢囉……
靖天, 對唔住呀, 鬼叫我陀你時發過幾次鼻敏感, 令到你都有埋….. (當年巫e生已經同我講得好清楚… 
) 只係無諗過您咁快就發o的敏感出黎o者…..
(269)
嘩！你個標題好嚇人啊！鼻敏感都未肯定，希望唔係啦！
嘩, 咩絕症呀, 嚇得我吖…咪咁講啦, 雖然有點手尾長, 但游水真係有用, 有機會斷尾ga
咁我唯有出年就帶佢多游水啦, 你地個個都咁講…… xdxdxdxd
我啋…啋啋啋… 大吉利事 …小小鼻每感姐…嚇得我丫…唔準再咁話”我個囡”呀…
哈哈…….玩下o者…….
邊個話係絶症,我都係游水游好左 xddd
如果你咁講 .. 我咪仲害得聰兒慘
G6PD + 皮膚敏感 + 鼻感敏 + 氣管敏感 @@
唔知仲有無添喎 !!!
唔好怪自己呀 @@@
係上天俾佢既考驗 ; 經過左就成功架啦 !!!
噢……. 真的嗎?!
靖天都有氣管敏感啊 (唔關我事……xd)
其實都係少少歉疚, 唯有多點照料佢囉;
等佢大個D… 帶佢去學游水啦…
我以前細個都有鼻敏感… 游左水之後就冇啦~~
不過而家又有番… 因為… 我太耐冇游水…
鵬
係呀, 游水真係會同佢學….. 多謝多謝
哈哈…… 咁講o者…….
…… 我諗, 無十成都九成….. ~.~