『咱們仨』燒烤去~
靖天: 『又係一頓我無得食既晚飯…..』
想bbq已經有一段日子…. 對上次係同MS既同事們…. 靖天o個陣得9個月大….企都搖下搖下, 加上天氣太熱, 燒左一陣我地已經頂唔順….. 
隔左5個月, 靖天已經變左大bb了…. 加上天氣都尚算涼快, 所以就近近地去左附近既”富泰燒烤樂園“試下…. 真係物價高漲…. 是日每位收費75元, 另加15蚊開烤費…. 以為會好多人, 點知又唔算.. 加上個場真係好大, 所以燒得特別舒服……
o的食物都幾好味啊, 唔會太濃, 連番薯都有返少少質素, 實在係唔錯唔錯….
場入面仲有個小遊樂場, 靖天都忍唔住玩左幾轉…… 
趁心肝仲未”發癲”, 我地拿拿聲影返幾張合照…..
無笑容就例牌, 至少無好似早一日咁狂喊已經還得神落…… 
心肝呢一晚真係好乖啊… 只係間唔中扭下抱…. 似乎情緒又穩定了多一點點了…. 
靖天, 要多謝您給爸b同媽咪一個寧願的晚上啊….. 
燒左2個半鐘, 就byebye返屋企沖涼餵奶了….. 
(179)
靖天無得食都肯坐定定都比足面囉！
富泰個場真係幾好 ?? 我未去過呀 !!!
上次去 藍地 個個就麻麻地啦 @@
不過一落輕鐵就到 .. 方便取分咋 !!
下次都去下呢個至得 @@
但我都仲係好怕凍…
你地已經好夏天啦著得!
咁靖天食咩呀??
d野食咸唔咸? 我覺得呢d燒烤場d野食好咸, 同埋一包包既又份量少, 一d都唔抵, 但我都好想去呀, 幾時一齊呀?
我之前去赤柱定唔知淺水灣係一包鍚紙咁比你, 食晒就冇, 食到我鬼咁口渴, 迫住又要同佢買貴汽水!
你巧勇敢啊！著短褲……..冇蚊咬你咩??
無啊… 同埋生左靖天我好怕熱, 去bbq梗係著返條短褲穩陣o的, 嘻~~~
你去o的咁高尚既地方bbq梗係啦…… 哈哈~~~
靖天又點會無份呢… 小吃多滋味咁囉, 嘻!
唔咸呀, 所以好好味囉, 味精味唔算勁, 值得再去再去~~
一包包? 唔會架喎, 呢o的自助燒烤係你要幾多夾幾多麻…. 點會一包包呢~~
你幾時得閒先得架…..
係呀….. 無介紹錯, 信我, 哈哈!!
因為我地成日bbq架…. xdxdxdxd
哈哈… 你不嬲都怕凍既…….
哈哈, 我實在太怕熱了………
係呀, 佢無狂扭計已經托賴了