靖天: 『整咩本來一個靜靜既地方會咁嘈架?!』

去完心經簡林, 跟住坐巴巴去大澳……

已經係中午時份…. 人真係好鬼多…… 好多人排隊….. 仲要寫30分鐘一班車….. 又熱….

還好, 應該改左班次, 等左10分鐘就有車了!!!

以為有排坐, 點知15分鐘就到達目的地……

不過假日關係, 真係超….多……. 人!!!!!!!

看過傳說中既棚屋….. 好得意….. 好有"馬來西亞高腳屋"feel~~~

然後勁多海味賣….. 但又好貴….. 幾片花膠賣… 500個大洋…. 嘩!!!!!!!!!!!!

大澳的"高腳屋"…. 靖天看得入神

人太多, 靖天未能下車走走…
去到一棚屋見人少少, 決定俾心肝走走看…
不過條"那"好闊… 還是拖住好!!!

超大條咸魚呀!!!!!!!!!!!

走馬看花, 兜左個圈, 就坐返巴士回程落東涌……

搵個地方餵左奶, 換過片, 就帶靖天出左東薈城對出既噴水池"參觀"一番…..

食過奶後的靖天….. 要搓搓肚仔…..  成個麻甩佬咁…

靖天真係有點兒露體狂……..

行行下, 無端端又要走黎推車仔…

呢個噴水池第一次見到已經好心動…. 當年仲幻想如果第日有小朋友, 一定要帶佢黎玩…

見o的小朋友玩到全身濕曬, 真係好鬼過癮~~~

靖天一如以往, 初時"驚驚", 跟住"呆呆濟濟", 然後開始黎料… 最後係HIGH左….

靖天: 『嘩…… 水呀!!!!!!!』
(左中圖), 靖天依家驚驚的新手勢….. 挺可愛的!!!

初時靖天只係對地上既xx (唔識形容) 感興趣, 來來回回走上數遍

研究一番後, 心肝終於知道"得意", 識笑了
中間休息時, 靖天仲去o的"long-long"到搵水柱…

靖天熟習左環境後, 就係咁踩o的水….

再隔多陣, 開始敢去"掂"o的水… 仲想走埋去…..
無帶後備衫仔既我們, 當然唔想俾靖天濕身回家呢~~~

玩左陣, 心肝已經嘗試去"捉"的水柱!!!

捉到? 捉唔到? 捉到? 捉唔到?

最後, 爸B決定帶靖天衝過水柱……

玩玩下, 忽然有個姐姐走埋黎向我點點頭頭意….
已經見慣不怪的媽咪, 就點點頭, 叫爸B準備影相…
做什麼? 呢位姐姐想跟靖天拍照啊!!!!

印象中已經不是第一次靖天給途人抱起拍照….. 呢位姐姐應該係見到靖天扮"乖女"的樣子傻傻的, 給吸引了.. 所以想跟靖天影張相留念吧?!

事後爸B問… 三唔識七, 影黎有咩意思?! 連靖天叫乜名又唔知…. 其實媽咪都唔知…… 不過人家都係欣賞靖天的傻氣先想同心肝拍拍照, 影張相又無損失既, 無相干呢!!!!

玩左大半個鐘, 本來諗住回家算了, 但爸B話好想去影日落….. (咁浪漫?! )

爸B話好靚…. 但又怕我地攰…..

諗住都一齊去行下啦, 點知轉個頭爸B又話行好遠, 會好熱…. (乜都佢講曬! )

結果, 還是去了…..

(199)

Comments

comments