Kidz-n-Us – 試堂記
早兩個月o係BK 得知荃灣有間英文playgroup好出名, 又話教得好好, 連試堂都要等好耐….
上佢既網站睇過…… 好似真係幾吸引…. 不過價錢就貴少少… (1歲班要2000蚊, 8堂, 90分鐘) 
結果….. 還是打去約試堂, 睇下有幾勁…..
等左個幾月….. 先排到試堂, 還好平日可以安排請假.. 如果排星期六/日, 導師都講明, 真係有排等……. 
遲左少少去到….. 還好仲未開始….
全班連埋靖天有6個小朋友.. 應該都差不多大吧?! (又話好full, 但得6個小朋友, 都無full house?!) 
課室尚算整潔, 夠光猛, 樓底都可以接受, 最緊要, 有窗!!! 
雖然痴左”遮光紙”, 但都透到少少陽光, 唔係四邊牆感覺已經好唔同…. 
熱身既玩具….. 細細件, 感覺有少少”爛容容”….. 不過算啦, 都係5分鐘既熱身時間… 咩玩具都無所謂了….
老師當然係外國人….. 好大聲, 好夠中氣…. 仲好誇張….. 
或者想吸引小朋友注意吧?!
頭15分鐘係唱歡迎歌, 老師續個走埋小朋友到say hello, 靖天有少少怕醜, 還好, 都識得同老師揮手say hi, 仲識hi-5 
跟住15分鐘就係我最唔鍾意既….. Flash Card…… 
呢位老師flash得無上次Jolly Kingdom咁熟了… 成日kick住kick住咁既?! 
不過靖天望下又行開下, 望下又行開下…… 興趣好低…..
跟住15分鐘就唱下歌仔, 跳下舞….
之後就茶點時間…. 小朋友們排排坐, 嬸嬸俾左o的餅餅, 靖天食得慢… 但還算吃得快…. (見到身邊既小朋友極速咁將o的餅塞曬入口, 都有點點兒羨慕…. 平時佢地食飯食粥, 都應該係咁乖巧吧?! )
茶點完畢, 老師就一人派左一張工作紙, 俾左o的小圖片做貼圖; 又派左顏色筆俾小朋友填顏色…. 靖天初時都肯貼下圖… 但一要佢塗顏色, 就扭計想走路…..
做左15分鐘小手工… 跟住就係教Letterland Phonics時間, 呢一堂教左”F”, “G”, “H”, “I”, 可惜, 靖天又係望兩眼, 就走左去……
最後15分鐘, 就係bubbles time…. 跟住唱埋byebye歌, 就排隊放學…..
===============================================
90分鐘既課程, 靖天可以集中老師講既野都可能有15分鐘…..
其實唔好話靖天, 連我係佢媽咪, 都悄嫌少少悶…..
老師唱既歌仔, Melody同埋歌詞合併上黎感覺… 總係怪怪的, 或者聽慣一o的經典英文童謠, 呢間中心既歌仔係自創, 所以暫未能接受…. (連美語世界o個o的hello song, up&down… 都比佢更順耳…..)
老師極度豐富既表情…. 同埋相當夠中氣既聲線…. 令靖天初時都好似”驚驚”地…. 作為一個家長, 看上去, 感覺就有點兒”突兀”….. 但明白, 老師咁做都係想吸引小朋友既注意力….
===============================================
雖然靖天集中精神既時間好少, 但令我意外既係, 俾flash card flash 完, 俾老師”um”完, 佢真係又講到好幾個英文生字… 俾個熨斗佢教佢講”iron”, 佢又真係講到, 連老師都有點兒意外…. 還有俾個”bear-bear”佢, 佢又會自覺講”bear”…. 老師教唱”刷牙歌”, 講”teeth”, 佢都講到個”teeth”, 仲學老師咁扮刷牙…..
在靖天既表現來看, 此playgroup實在非報不可…. 短短90分鐘已經學曉點點東西… 上多幾堂, 心肝可以做個小神童了…..?! 已經唔係第一次令我覺得FLASH CARD 或者相關既英文playgroup可以幫到靖天…. 有時會諗: 其實我地係咪抹殺緊佢學習既黃金機會?! 
然後, 忽然想起, 其實屋企可以俾靖天學英文既配套係零!!!!! 無flash card, 無ABC圖片, 得幾隻英文兒歌 + 兩本已經俾靖天睇爛左既英文故事書…..
靠佢一星期90分鐘, 似乎可以變神童既機會, 即係細左好多…..
返去同爸B商量, 佢一聽到要200個大洋一堂, 就即刻擰曬頭….. 
又真係貴左少少既….
===============================================
其實呢個playgroup既課程係十分緊湊, 亦都相信小朋友其實會有所得著;
老師專業得黎, 最令我欣賞既係佢地既耐性…. 好似靖天成堂都走來走去, 又搞老師既教材, 但係老師只係笑笑口, 無叫佢keep quiet, 無叫佢返埋位…. 跳舞時佢走去搞搞震, 老師仲走埋佢撩佢玩, 攔住佢唔俾佢掂o的教材……
班入面有個小朋友唔知咩事係咁喊, 老師又好有耐性咁引佢笑, 又俾小玩具佢玩…..全程, 係無黑面…… 
even 連baby buddies, 都做唔到咁細心…….
老師既”表現”令我覺得佢好尊重小朋友, 亦都好明白小朋友未能100%專注上堂既心理…. 實在不得不讚!!!! 
課程既架構亦都相當豐富, (不過嫌豐富得濟就真….) 乜都有, 乜都講…. 連phonics都會花幾分鐘略略帶過… 至少, 可以俾小朋友有個印象, 到佢地大個小小可以更易上手….
===============================================
最後….. 爸B同媽咪還是決定繼續俾靖天上bABY bUDDIES…… 不想給靖天太大壓力, 也不想令自己太辛苦… 輕輕鬆去唱一o的琅琅上口既歌仔, 聽下故仔, 玩下玩具… 總好過堂堂俾老師flash同埋講phonics……
媽咪…..還是需要多一點時間去接受閃咭….. 
(243)
首先, 我想講, 我無意中去到你呢個blog, 無意中睇到你同你bb上完playgroup試堂d感受, 我覺得你寫得好好, 好中肯, 可以俾到意見我地, 希望你可以寫多d你既經驗同大家分享, 加油呀~~
我也是說實話, 沒有半點虛假, 不適合女兒, 不代表不適合其他寶寶, 如寫得有任何不對, 歡迎賜教!
感謝支持!
係呀 … 佢地話 Chester 如果 ok 返既話都係自己上堂 , 所以家長唔可以入去羅 @@@
我排 Sunday 麻 .. 所以耐好多 ..哈哈
依家唯有俾錢試左堂先 .. 睇下 Chester 自己鍾意邊間羅 .. 等佢自己選擇 .. 最緊要佢返 PG 返得開心 !!
我又係好抗拒flash card…
我剛剛都排到啦 , 今年 1 月中排到依家呢 @@
雖然未試堂 , 但 .. 都已經唔知點決定 ….
最主要 … 我又係唔係太 Like Flash …
Chester 依家返緊個間已經教緊 Phonics 而且係唔 Flash 既 @@
我怕呢間太多 Playtime and Flash , 令 Phonics 既時間較少 …
但 … Chester 既同學的媽咪又推介呢間俾我 ..
真係唔知點決定 .. 唉
最慘 .. 佢呢班係無得一齊入去上既 … 即係 … 試完堂好唔好 .. 我都唔會知 @@@
真係俾 Chester 自己決定 !!!!
就咁睇…我都覺得baby buddies好D…
嘻嘻, yeah!
下? 你意思大個班就無得一齊入去試堂? 唔係卦……..
你仲排得耐過我……
但我同靖天上幼兒班, phonics時間得好少咋
唔…..每個家長既期望都唔同
不過呢間商業得黎算係好全面, 樣樣都會教下….
(唔係都唔會咁多人打去排試堂啦~~~~)
baby buddies始終都係”唱遊班”一點, 係真係會輸蝕o的既…………
唔怪得啦…. sunday 同sat 好旺呢………
但係, 你可唔可以入去一齊睇一堂呀?