靖天每周新招 [15個月]
咁快就15個月, 唔制呀!!!! 
15個月第1個星期:
進步中
第一次坐昂平360, 仲係水晶車箱o個款啊! 第一次上天壇大佛, 心經簡林, 同埋大澳 第一次參觀嘉道理農場 每晚回家已經可以自動自覺將襪除下, 然後放進鞋櫃內 (雖然會跌返半隻出黎!) 開始習慣每天早上, 中午(如媽咪放假), 晚上聽故事, 有時更會主動從床邊取出圖書又揭又看 經過兩星期”練習”, 已習慣每次一中一英文故事書 (總加時間約10分鐘), 也開始明白書中部份的語氣及圖案, 因為講到某個程節, 會笑起來, 或會講”驚驚”… 對英文圖書的接受程度大了, 不會一聽, 就喊, 或是講”byebye” 明白什麼叫”唱歌”, 叫佢唱歌, 會哼起音樂來 每晚食完奶叫佢將奶樽放回廚房, 都可以做到 (需家長指引, 因為廚櫃較高) 學識什麼叫”坐低”, 叫佢坐低會輪輪盡盡咁坐下 (呢個14個半月已懂, 忘記記下) 識講”抱”, 想人抱, 就會細細聲講”抱” (雖不是萬試萬靈的) 學懂雞怎樣叫, 見到雞會”喔喔喔喔” 見到小豬會講”豬豬” 早上跟她說”早晨”, 會予以”早晨”一句作回覆 4月12日下午, 到暖水泳池做左個2009下水禮
機會點 搞不清”到”同”要”既分別, 想”要”玩具, 會講成”到” 耐性欠奉, 小小事不如意就發脾氣 仍需繼續努力 半夜夢醒次數增多, 原因仍有待探究
小毛病 從馬灣拜山後, 經常周身”R”, 頸位 / 手臂位已開始有”R”損情況, 懷疑是濕疹發的徵兆
15月第2個星期:
進步中 拍了第4輯個人寫真 俾野佢, 不用提點也可以主動講”謝謝”, 命中率不是100%, 但也有80%
機會點 忽然大脾氣, 會合埋眼大叫大喊, 先假設是因為生病才這樣 幾乎零固體, 奶也只吃到平時的1/3, 也先假設是因為生病才這樣
小毛病 4月13日開始微燒100度, 持續至4月18日早上, 似乎退下來 第一次喉嚨發炎, 整個星期不停的咳, 咳到嘔的情況每晚都會出現
沒有進步中, 也少了機會點, 整個心機時間精神也投放在靖天的生病中…. 沒有閒情搞學習, 搞進步, 只想靖天永遠身體健康!
15月第3個星期:
進步中 可以說已經99%好返曬…. 只是偶然咳兩咳… 明白什麼叫“臭臭”, 會”lin”住個鼻, 講”臭” 識叫”舅父” 竟然自己爬上舅父的床 (約6呎高), 不過尚未由媽咪証實 脾氣忽然好了, 整個人也定了, 應該是醫師的藥 + 病好吧?! (原來)識皺眉頭 (勁可愛!) 
會邊講”摸”, 就邊”摸”你塊面, 仲要輕輕力, 應該真的明白什麼是”摸”了 對故事書需求自我增加, 會主動講”書書”, 想我俾圖書佢看 忽然會飲清水, 100%無添加!!!! 唔知幾時學識扭開水樽蓋, cream蓋…. 學懂自己收拾東西, 尤其是自己亂掉的物件 (仍需提點) 識扮Crocodile 唱Baby Buddies茶點歌, 會搓差肚仔, lam lam脷的樣子
機會點 打爸B的次數越來越多, 爸B每每叫佢錫錫 / 叫佢, 靖天就會一巴打落去 
從日常教佢講野, 似乎靖天仍未發到有”M”, “N”音的字, 例如媽咪個”咪”字
小毛病 飲食仍然令大家好頭痕…. 固體已經不多吃, 連奶也少吃一半以上 4月22日到醫師處覆診, 開了三帖藥, 用作健脾胃
15月第4個星期:
進步中 識得講”Yes”…. 不過發音一般, 成日講左”吔屎”…. 識得講”No”, 仲會揮揮手, 表示”不” 叫佢”喵”人, 佢會申申脷 第一次吃畢大半碗飯仔 (係一粒粒, 不是爛飯模樣的) 晚上訓覺會講”早晨”, 開始有點意識睡前要跟媽咪說”早抖”, 只係尚未分到”早晨” 跟”早抖”的分別 對”辣手” / “熱” 有100%的認知, 知道什麼時候是熱 / 辣, 從而作出反應 對”擰頭”有80%的認知, 問佢要唔要, 佢會以”擰頭”表示, 只係有時擰完頭, 又會要…
對”噢啊”有100%的認知, 當撞板或做錯野時, 會講”噢啊” 對”分享”概念已有100%的認知, 但明白, 唔代表一定會做….. 
對”交換”概念已有90%的認知, 多謝幼潛課程! 依家上堂老師叫交換玩具, 心肝會主動跟同學仔交換, 不再是搶 
對”摸”有100%的認知, 會邊摸邊講”摸”…. 仲會細細力…. (雖然有時還是會重手左少少) 會講”美味” (其實應該係”好味”) 4月30日第一次到訪挪亞方舟參觀 胃口明顯有改善, 已回復未生病前的水平了
機會點 顏色, 圖案仍然完全沒有概念 病癒後不願在大人馬桶便便, 似乎需從新練習 幼潛課堂的專注力每況癒下, 實在擔心下一期心肝能否順利完成 對媽咪的依賴越來越重, 在家能獨立工作的時間又再次減少
小毛病 濕疹似乎又嚴重返, 相信要到劉醫生配返o的藥膏
(350)
哲哲同靖天一樣, 都係叫佢鍚鍚就大巴打落黎, 眼定定咁望住你睇下有咩反應, 好痛呀>.
靖天識講咁多野, 好叻女呀! 我囝囝呢排唔多講野
靖天上堂專注力下降，咪好似小朋友學期初會努力，過後會懶散一樣。
不過我無咩建議可以提供到呢。 @_@
原來靖天都有濕疹，咁又難怪佢成日都R(應該証明到路人甲無由頭到尾睇晒呢個網誌)，見諒見諒。
路人甲有朋友學緊整手工皂，據朋友既實驗對象，係一名因濕疹而水腫既肥妹講，用過實驗品手工皂之後，情況好轉(我唔敢用個「大」字)，最重要係聽聞唔駛再依重頪固醇之類既葯膏。
他朝朋友練成既話，等路人甲送兩舊比靖天洗白白用啦。
記得其中一個濕疹葯既副作用可以引發過敏症例如哮喘，記住唔好用咁多呀。
另外，睇到靖天有咁多姿多彩既生活，我相信咱們三應該係唔會有金融上既財富儲備而有你地三個人溫馨快樂………
(唔怪得你地無錢剩啦… … )哈哈~
“摸”係M音喇! 係你太太太想佢叫”媽咪”姐~
我個女都係… 齋”媽”, 無”咪”~ 算吧啦~
會講謝謝…好叻呀!
時間眨下眼就過架啦 @@ 哈哈.. 好好珍惜呀
無錯, 身體要緊, 有好既身體才能繼續學習, get well soon!
你好!
pinky嫲嫲你好!
超唔捨得~~~
大家都要保重身子!
會講一陣子了
不過依家可以自動自覺講, 算係一個小收鑊
咦? 係喎………..
嗚嗚…. 即係佢唔想叫我做”媽咪”呢…… >
哈哈……..~~~
女仔通常都係bi里巴那既……….
哈哈, 路人甲看事都十分準……. 小女子無話可說…. 嘻~~~
靖天對爸B係咁
哲哲對哲爸又係咁?