曱甴呀…. 曱甴呀~~~~
媽咪對曱甴的驚怕程度, 難以想像……. 
而呢樣野, 卻似乎遺傳了給靖天…….
有一日, 媽咪在家照顧著靖天……
靖天獨個兒玩著, 媽咪又會趁機上上网, 工作一番…….. 
然後, 靖天走過來拉著我……
一般情況, 心肝都會拉著我叫”走”…. 不想我上网之餘, 也想跟她玩吧?!
問她幹甚麼….. 她就拉開我, 走到櫃前……
指著地下……
不停的說:『曱甴…. 曱甴呀…… 曱甴呀….』
(唔係卦, 咁得人驚?!) 再等媽咪細看, 原來係一些毛頭碎…….. 
不過又有少少似小強既~!
我借意叫靖天唔洗驚….. 一手捉著”牠”, 然後帶靖天到廁所沖左佢….. 
心肝看著我, 有點兒迷茫….. 『媽咪, 乜你唔係怕曱甴架咩?!』
『傻啦, 女…… 如果係真既, 我就抱你離開左屋企啦….』 哈哈~~!
但靖天既小表現, 就足以令媽咪覺得佢好搞笑….. 好可愛~~!!! 
靖天知道咩係曱甴, 也該是媽咪的功勞吧?! 
有一次….. 在婆婆家, 看見一隻小曱甴, 媽咪看後就大聲叫著, 仲飛快的抱走左靖天出廳….嚇到當時的靖天不停叫”驚驚”….. 婆婆和爸B也怪媽咪反應太大, 把靖天嚇怕了……
自此, 靖天見到地下疑似小強既物體, 都會叫”曱甴”…… 仲會說”驚驚”……
當然心肝仲未理解什麼是小強, 點解見到要驚吧….. 她的行為, 只是因為媽咪帶給她的經驗, 令她覺得見到小強, 就會驚, 可能好恐怖………
靖天, 抱歉俾左個好錯既信息您, 但原諒媽咪過去有過一些極為可怕的經歷…. 到您大個o的, 媽咪就給您上一課生物課…… 暫時您都”驚”住先啦…. 因為媽咪實在克服唔到面對呢o的一隻一隻好核突恐怖既生物呀~~~~~~!!!! 
(314)
me too @@@
我仲衰 .. 見到識飛既都會閃 @@
所以聰兒見到飛飛都會話要走 .. 仲想喊咁款 @@
直到有一次 .. 只有聰媽同聰兒在 ..聰媽親手 kill 了隻曱甴 .. 然後指住同聰兒講 “駛咩驚.. 你睇 .. 死左羅 !!” (雖然到依家仍然好驚曱甴 .. 哈哈)
仲有一次有隻飛蛾入左屋 .. 聰兒第一個見到 然後話 “飛飛呀..好驚”
我就勇字當頭的 探頭 看看飛蛾 .. 然後扮晒唔驚咁話 “哦 .. 飛蛾咋 .. 唔駛驚既 .. 你過黎睇下”
唉 … 做人父母都已經艱難 .. 仲要希望仔女唔怕呢家野 .. 而要鼓起勇起去克服 …. 真係難上加難呀 @@@
一起努力吧 @@@
我咪又係….. 明明驚到死仲要扮唔驚,….
但有時就咁飛埋黎, 真係控制唔到呢
我連死曱甴都驚…..你叫我扮唔驚, 我諗我真係做唔到 !
我都係架, 哈哈…………..
我自己都係咩都驚一餐的, 諗起第日要係個女面前扮唔驚~ 我真係想像唔到, 或許真的要趁現在好好努力下先得!!!
你趁依家唔識教住, 驚曬佢先, 哈哈!
我琴晚先被曱甴嚇親, 仲擦傷左手臂 T_T
要係BB面前扮唔驚?! 都好難做到… >_
嘩, 你無事麻? 要小心啊!!!!
係呀, 不過你bb會俾力量你架, 哈哈
弊家伙啦!! 我又驚小強, 驚得要死….
我既揀老公其中一個條件就係….唔可以驚昆蟲!! 咁先可以幫我”殺牠死” o架嘛~
哈哈, 好搞笑呀你~