《轉載》: 穿珠仔。蒙特梭利後遺症
某日在找資料, 給我找到這個…………….
在追棒蒙特梭利同時, 也得自我反思一下……. 此為何物!!!!!!???????
已經有百多年歷史的蒙特梭利, 是否真的可以運於在香港這個彈丸之地?!
一年前當小Ｃ還未到兩歲時，蒙特梭利老師建議小Ｃ多穿珠仔，增強專注力。班上有一套特大珠仔教材，有各個形狀，用一條粗繩子穿起。穿好後老師請孩子站起來，看！妳做了一條項鍊！多美。嗯好了，現在妳坐下，一顆一顆珠仔拔下，放回盒裡……對了，繩子也收好……很好，下一位同學就可以玩了。
本來我一個無知師奶，對這又穿又拆的吊詭邏輯，也不覺怎樣－－喂，起碼是蒙特梳利老師說架喎。
大半年後，小Ｃ一早已轉校，一天在班上看見助教在做珠仔手鏈，也要幫忙。那是小Ｃ第一次穿小孔珠仔，卻是毫無難度，專注力雖然沒被懶散的媽媽栽培過半點，卻是一坐就是半句鐘。半小時，何解那條手鏈卻總是這麼短？還好像，咦，越來越短？！走近看看，啊，原來大半年前的吊詭邏輯真的入了腦－－你看你看，爭取先機幼嬰兒教育果真唔講得笑，貴Ｄ都抵－－小Ｃ每次把繩子填得七七八八，便開始一顆一顆拔下，最後連繩子都放回原位，前途真是無可限量。
我知我知，我們應該注重過程多於結果，這個當然。所以，如果是孩子發明的穿來拆去，又或者穿來穿去都是一半天一半地，沒問題，好玩就行，他們自有他們的目的。但如果珠仔一開始便是用成年人指定的方法去穿，去拆，目的又是孩子聽不懂的「訓練妳的小肌肉」、「鍛鍊妳的專注力」等等祕密議程，當中欠缺了實際易懂的理由－－即如穿條頸鏈帶回家呢，就大件事。
這類沒意思沒context的反覆練習，為練習而練習，叫孩子以小小腦袋－－那一個一個中毒未深的腦袋－－用大人的方法out of context地去學一些out of context的技能，不明白自己為何要穿，漸漸地也不再問，為何大人要我穿這個珠寫這個字計這條數作這篇文。
鑑於小Ｃ喜歡穿珠仔－－更重要是，鑑於穿珠仔實在很費時，為娘當然盡快去添置一盒媽媽恩物。當然，最好玩的東西，就是那些你不能輕易得到的。在家穿了拆了一兩次，珠仔就被打入冷宮。
《媽媽阿四》
其實類似問題, 早於個多月前, 已經在腦海中浮現…..
好簡單設了一些教具 —– 斟水 ….
咁將o的水斟曬落o的杯杯到, 跟住點呢?! 最初為左令心肝玩耐o的, 就會自行將o的水倒返落個壺度, 跟住又叫心肝斟多幾次…….
如是者, 到第2次靖天自己玩既時候, 佢斟好曬o的水, 竟然記得將水杯既水倒返入個壺度, 然後先再來一遍…..
當然覺得靖天聰明無比…. (嘩! 媽咪做一次, 佢就識左喇!!!!) 
然後就帶出問題了: 咁第日出街佢斟茶俾人, 斟好左又會否將水杯既水倒返入個壺度?! 
最後如何解決? 我著靖天飲曬o的水再斟過…. 又或是同佢一齊飲… 好讓她明白, 斟出來的水, 就要飲下, 沒了, 再斟………..
這個經驗, 剛好跟轉截的文章相似…………
認識蒙特梭利至今也差不多一年了…. 當越來越多媽媽追棒她的同時, 其實自己已經在想, 她是否真的十全十美? 是否真的沒有缺點?
如果這套教學真的如此完美, 那為什麼我們香港的教育制度不好好跟隨?
又為什麼我上Baby Buddies時, 問Ms Emma在英國此教學是否流行, 她會答我: 並不?!
問題出在哪?
也許…… 從這位媽媽的文章可以略知一二吧………
(2125)
我是路過的^_^ 發現媽媽的問題其實不難, 亦不是蒙特梭利的教育法出問題, 希望分享小小自己的看法。
有關斟水:
Montessori裡的日常生活工作是有分2部分的:1) 前導性工作, 如: 抓, 舀, 倒等 (只著重訓練某一動作); 2) 程序性的工作, 這些工作有steps, 有目的, 實際生活裡是真的有這項工作的
所以2項工作的教具設計便相當不同了.
1) 倒水–如: 2隻透明玻璃杯, 1只放有水, 讓孩子倒來倒去, 目的是讓孩子練習倒水
2) 斟茶–茶壺加茶杯, 目的就是為了斟茶給自己/別人飲嘛, 當中可加的不同難度可包括1個茶壺的水倒成4杯水 (倒, 停, 倒, 停對孩子說是不易的), 用有耳及蓋的茶壺來倒 (這也有別於用普通杯倒水)
還可教甚麼時候會斟茶, 如招呼客人, 再進諧些(4-5歲時)更可教茶道 (怎樣沖茶)etc………遠比只倒水其實布更多東西可教
所以問題是媽媽的教具及示範不當吧……( 媽媽亦說了: 最初為左令心肝玩耐o的, 就會自行將o的水倒返落個壺度, 跟住又叫心肝斟多幾次…….)
其實當蒙師設計一份工作時需要考慮的東西很多, 如用甚麼材料/用具, 示範程序等……Montessori也說, 環境對孩子是最重要的, 所以教具要盡量讓孩子達到工作目的
而且媽媽的觀察力很高, 知道只要一次示範, 孩子是真的牢牢記在心上了…….所以示範時自己也要很熟練及不可能NG的…….
至於串珠, 我估因老師用的是大串珠, 只供練習的, 當孩子熟練後可能有細珠給孩子串後帶回家 (只是個人估計, 而且亦有學校這樣做)
但媽媽也提出了很好的問題, 就算是學校裡/由蒙師說的其實也有可能有問題, 但如果可以由開放些的角度, 提供一些意見讓老師知道會有一些問題時, 老師也有機會改良教具/示範, 以避免同樣問題出現便最好(最初Montessori也是不斷改進教具的)
看似簡單的工作及教具, 對老師來說是很考她們的專業的, 因面對甚麼樣的孩子都有, 孩子建構自己能力又那麼高時, 真的不容許出少許錯, 所以家長能俾意見就最好了^_^
至於Mont是否很rigid…….教同一樣東西其實可用成百種方式教, 看老師是否夠creative設計到吧……不過workload是另一個問題
對不起, 用了那麼長篇幅及你寶貴的時間去看.
最後只想補充, montessori說她發現的只是孩子, 所以成人應用怎樣的態度看孩子及對待孩子才最重要 (而不是幾多的教具ETC…) 家長如能尊重孩子及給與愛便很不同了……….孩子是自己會建立自己的
超感謝你的指教, 十分受用….
我也是一知半解,我不是想行蒙教,只是看見了別的媽媽推介同小朋友斟水呢個games,我只想到段練到bb手碗力,沒想到個中原來有如此大學問,睇你你的文章,先發現……..教小朋友過程中,家長其實也在學習
對啊….. 要思考又思考, 又要實行又實行, 很難耶!
hihi,
你看的網頁, 網主是香港人, 所說的學校也是香港學校.
其實她關於蒙氏的文章我上年看過, 她還有另一篇是關於數楱的, 也是很叫人心思.
我和你也一樣, 對蒙氏也是有一點點懷疑, 也當深思對女兒行蒙是否行對? 但我認同沒有一種教學法十全十美, 也沒有一本天書可以睇到老, 所以只有找好一點的方法, 做父母再按自己小孩的性情來再做多點.
我孩子也是在蒙校讀, 我也覺得蒙是有點rigid的, 在creative方面也是不夠, 但又有自己的優點. 決定行蒙, 也是看重蒙氏鼓勵孩子自主自立, 也可按孩子自己的進度去學習, 而且不重成績沒有比較. (當然也有反對意見, 認為蒙是給有問題的小朋友, 正常小朋友會變得自我)
至於蒙氏不夠的地方, 我會在蒙氏外再加點其他的原素, 希望取個平衡, 至少, 我不想小孩幼稚園階段就要考試測驗. 我想暫時, 蒙也是最好的選擇.
在香港, 行蒙是很迷惘的, 我也希望能和你多多交流, 希望給小朋友找一個好方向.
Hi Gub
好多謝你既糾正同埋分享啊!!
你對蒙既認識實在比我多…. 希望你將來會常來多多指教呢~!
你說的蒙氏教學正好就是我的疑惑…
p.s. 蒙真的會…. 很rigid嗎?! =.=
我諗無一個教學方法會係完美，應該汲取當中有用的地方或理論，再配合孩子需要。好似你咁，用當中的教學意義，但係都去理解究竟個可行性，而且除咗一Ｄ練習外，比多Ｄ孩子自由發揮嘅空間，唔會變成大人講咩就完全跟足，不過教孩子嘅學問，始終無一天會學完，做父母嘅唯有繼續努力學習。
你太誇獎我了, 我才不是;
反而要向你學習”天使教法”呢……..
言言越大越醒, 看著靖天真係好慚愧!!!
我個女讀左一年蒙氏, 係學校穿珠仔係用真嘅珠, 穿完會打結, 比佢當係手鍊頸鍊帶走, 所以我屋企呢d鍊多到不得了.我最近覺得佢專注力同毅力唔夠, 重特登去深水埗買珠仔比佢穿. 斟水係因為要飲, 唔係比佢玩! 佢斟左, 飲完就得,絕對唔係比佢重複做呢個動作為左滿足感, 用水樽斟水落個杯到係為左比佢照顧自己. 如果係玩水, 應該係比兩個樽佢, 由一個倒落另一個, 而且係要用指定嘅樽, 等佢不能混淆, 教具係教具, 日常用品係日常用品, 我係某d教室直情見到老師會係呢個倒水遊戲d水到加入食用色素, 而家有人咁講, 唔知係咪等小朋友唔好攪亂, 玩還玩? 我係兒童無限上左90個鐘家長班, daisy甚至教我地比小朋友學舀呢個動作都唔好用食物(如豆, 米, 通粉), 因為唔想比個錯誤訊息, 令小朋友以為食物可以玩.
並唔係蒙氏係呢方面唔可行, 而係實行嘅人方法有誤, 只係掛住做某一個動作, 而忽略左細節同整體安排, 結果攪到個小朋友亂左.最終只係抄到形, 但係冇左神髓. 我覺得如果家長想以蒙氏教學, 要睇多d書或進修下, 唔好諗住交哂比學校, 又或者學校做物自己就做物. 讀蒙氏同讀任何學校都一樣, 做家長自己唔理解套教法, 又點衡量老師教得好唔好? 啱唔啱? 特別係蒙氏, 係香港持國際牌嘅老師本來就唔多, 好多老師甚至係讀左d短期課程就出來教, 根本就唔係有牌, 自己都未係好熟悉, 點教?
我想知呢間係邊間蒙氏學校…
感謝你的回覆啊!!!
穿珠仔+打結, 我還是在另一家pg都學, 意思同你講既一樣, 要完成, 唔係穿完又拆, 拆完又穿~~!!!
兒童無限以前有90小時家長班, 現在沒有了…. @.@
香港持國際牌既蒙老師真係唔算多, 呢樣又係幾遺憾;
轉載文章所指的, 我想是在台灣… 那位媽媽好似是台灣人不是香港的蒙校啊!
我覺得最吊詭係好多人想送子女去讀蒙氏, 但係自己都唔知係物野. 我最近去睇一間蒙氏學校, 想幫我個女轉校, 學校有個tour比potential入讀的學生家長, 個次大約都有四十幾五十個家長去, 到提問時間, 我驚覺呢d家長問d問題話比我聽, 佢地根本唔知何謂蒙氏教學, 佢地問嘅問題就當蒙氏係傳統幼稚園. 我只係有感而發, 一個小朋友, 返學係一套, 返屋企家長唔理解係另一套, 其實都幾confusing.
香港點解唔流行蒙氏? 因為國際牌嘅老師根本求過於供, 而且學費貴, 我上網睇過, 就算係外國, 蒙氏學校學費都拍得住香港. 再者, 讀蒙氏幼教d人好多都係讀左個學士學位先去讀, 然後再實習先可以攞牌(當然, 香港有好多老師係無牌), 呢樣都係直接影響老師數目同人工(佢地一般薪酬比幼教老師高). 我最近識左一個做律師有兩個仔女嘅人, 用蒙氏教左自己仔女, 佢好鍾意, 結果自己飛去外國讀完蒙氏, 後來實習埋, 攞埋牌, 而家返左大陸某處做一家蒙氏學校校長! 香港要搵蒙氏老師根本唔夠人爭, 因為冇地方冇資源. 大陸開蒙氏, 學校係offer大單位比老師住, 老師子女可免費入讀, 對好多人來講, 重有added benefit, 因為子女可學一口流利正宗嘅普通話!
我覺得蒙氏係香港好難行, 一來小學涵接, 二來我個人比較鍾意ams多於ami, 不過偏偏香港多ami, 少ams; 三來我覺得蒙氏要略改變一下去適應本土文化. Having said that, 蒙氏如果行得好時, 唔應該有版主所講嘅問題. 我有個上門普通話老師, 係本地某連鎖幼稚園的港島東區分校任教, 佢一星期來同我個女上兩次堂(其實係玩, 冇課程). 佢話明顯睇到我個女嘅自理能力比佢係學校嘅同齡學生好, 獨立好多, 而我屋企有兩個工人! 我係返半職. 所以我地重來唔缺人去照顧個女. 呢方面我認為係蒙氏幫到我, 當然我地係屋企都盡量貫徹呢套, 我甚至send左個工人去兒童無限上caregiver班, 等佢理解我想係屋企做物. 蒙氏話每個人innate都想獨立同照顧自己, 當佢做得到就會有成功同滿足感,咁先可以再去intellectual呢步. 蒙氏係要培養全人, 而唔係單單intellectual方面. 所以我個女可以某程度上獨立,我都好滿意. 而家就要行下一步.
真係好鬼詳細……
你第1段帶出既問題正正就係我過去幾個月所見到既東西…. 越黎越多家們找蒙既教室, 學校, pg… 又會好多好多蒙既教具回家… 偏偏用運用方面卻只係一知半解; 自問對蒙仲有好多迷思, 又好多個唔明白…..但偏偏香港想找個專業少少既老師問, 都唔知邊度搵….
你所講香港唔流行蒙既原因, 都係我所想既, 再者, 香港教育政策偏重重分數, 填鴨式似乎繼續係大勢所趨…. 你朋友真係勁啊! 讀完返左國內做校長……. 嘩!!!
不過想問問筆者何以覺得AMS比AMI好?! 但AMI才是”原著”, 課程理論學習都似乎比AMS的更深入更全面…. 出黎既老師理應比AMS更好麻, 不是的嗎?!
好羨慕你可以半職, 全面在家推行蒙給囡囡… 難怪你囡囡有如此好的成績!~~~
其實筆者對蒙已經好深入了解, 何不考個AMS / AMI牌, 好讓我們這班一知半解的媽媽們多個老師麻! :)
相信每種教學都有它的好處及不夠之處 … 媽咪要從中取捨啊 !!
是真的要找個平衡點了………..
沒有一套教學是十全十美的吧! 我們唯有慢慢去观察自己的仔女, 如發覺有問題就再想辦法解決…
一起努力吧!
是, 一起努力, 多交流啊!