荃灣閒逛。沒有爸B的周日
靖天: 『爸B, 你無份去, 係咪好羨慕呢……』
呢個星期日, 係爸B第一次賣甩我同靖天走左去….. 黎緊既好多個星期六, 星期日, 爸B都會咁做….. 
每每想起就唔多開心….. 人家個個都去親子日, 我就孤伶伶的在家等了又等…. 平日已經唔多時間3人世界… 現在放假都唔可以…. 著實真係好難開心….. 
這天… 得我同靖天… 成日流流長.. 做得什麼…… 早上決定先到荃灣一趟…… 
事緣……….
從朋友口中得知Crocs出了一款Hello Kitty的鞋款, 素來對Kitty都沒有特別好感… 但周末經過專門店… 發現童裝款的設計都得得地……
平時粗著也挺好啊… 但價錢就不太爽了…. 
加上專門店太多人…. 還是先回家附近找找看….. 點知返到市中心, 問過2間都無靖天的尺碼……. 
叫職員打落分店問, 又左推右推話唔會即時覆… 
越得唔到, 自然越想擁有…… 仲要… 仲要吉吉島全線Crocs做緊9折再95折 (職員話, 佢地賣埋o個3日, 就會收起所有Crocs產品, 奇怪奇怪!), 新款鞋都有… 實在更加想買佢返屋企…. 
回家死心不息, 試打落荃灣吉之島查詢, 竟然有靖天的尺碼…. 馬上著他們留起一對!!! 
傳說中的限量版Crocs Kitty鞋……
一場來到, 當然打個圈麻… 涼涼冷氣才回家!!!
原來荃灣廣場有個麥兜展覽, 不過時間太早, 未開門呢…….. 唯有在欄外跟靖天拍拍照麻!!
一早去到, 都未開……. 18個半月的靖天, 拍照動件十分怪相啊!
打算去麥當當食早餐, 點知排到…. 出門口~~~~ 
抱住靖天, 買得黎又攞唔到, 陣間無位坐仲麻煩…… 決定到鄰鋪的”好好粥麵“算了….
獨個兒帶著靖天到”餐廳”食野, 印象中唔係第一次….. 但靖天無時停, 又厭食, 要佢”陪”我實在有點兒難度…… 
結果, 叫了一碗粥, 一碟籮匐糕, 一杯餐飲…… 靖天吃了大半碗粥, 和一塊籮匐糕, 已經十分合格了!!!! 
雖然……. 餵左佢廿幾分鐘…….
然後走到頂層的小公園, 打算跟靖天玩一會… 不過天氣實在熱得淒涼, 滑梯都熱得差點兒溶下來….. 靖天”測試溫度”後, 都係玩唔到…. 結果, 2口子失望而回…. 
小樂園其實也挺大的… 如果天氣涼一點來, 都幾好啊!!!
原來韆鞦係咁玩…. 
(天氣熱到, 相機一攞出黎就一層”呵”氣)
咁樣試溫度?! 是誰教您的….
回到商場後, 見到麥兜展覽開了….. 沒有爸B作攝影師, 拍不到好照片, 但媽咪拍也過得去麻… 至少為靖天拍下了”到此一遊”的感覺麻……
趁沒有人見到, 抱左靖天上台拍了2張…
(左中圖) 叫靖天擺pOSE… 佢竟然…. 咁既?! 
見到人”玩詠春”, 佢又有樣學樣….
“火火”… 靖天好耐之前已經懂了… 只因為”辣”過麻!
場內的麥兒確實幾可愛…. 靖天東摸摸右摸摸….. 仲”插”麥兜個鼻添啊!!!
靖天何解現在都不愛望鏡頭?!
這一天, 又發生了一個小爭執…. 有位小哥哥打算拍拍照, 誰知靖天看到”麥媽”的樣子, 諗住走上前摸摸, 點知小哥哥忽然就大發雷霆, 推開了靖天, 仲尖叫起來……
人家的爸媽拉開了他…. 靖天就給嚇呆了….. 好似想同我講: 媽咪… 我又做錯了?!
向她解釋過後, 就提議我們先排隊, 待哥哥影相後到她啊… 靖天沒有扭計, 乖乖的等著…. 應該真係”嚇得好應”吧?!
輪到靖天與”麥媽”拍照了!!!
細心看…. 靖天其實在”un”腳跳舞的~
見靖天開始腳軟軟, 打算回家休息休息了……
回家前, 到了市中心逛逛, 早一天看見迪迪尼又做特價, 想給靖天多買幾件衣服上學…. 滿5件有3折, 其實折左都唔平…. 不過靖天現在穿的迪迪尼衣服也挺好, 洗完又不會變色變形, 所以一買….. 就好幾件了….
買左…. 剛剛10件…. 埋單…. 唔平呢……
是有點兒肉赤… 不過見有o的都幾靚, 出街唔洗煩著乜… 也算吧~~~
真係要…. 想想辦辦開源先得了……
今次買一大個碼, 希望靖天可以多穿幾回…. 折實後的價錢也不便啊!
回到家, 發現爸B回家了…… 原來只是中場休息…..~~~~ 休息一會他又外出了…..
十萬個唔捨得~~~~~~ 不只是我, 還有靖天….
一起身已經係咁爸B…….. 爸B……..
玩玩下, 又走遍全屋找爸B…. 我跟她解釋又解釋, 爸B上班去了, 今天只有我們…. 她想了又想… 說了幾聲”BYE-BYE”…. 又繼續玩….
然後隔左數十分鐘, 佢又走黎問我”爸B呢”…. “爸B呢”…….
最搞笑係… 靖天竟然走到衣櫃, 拉開櫃通, 找爸B…… 
心肝, 難道您認為爸B有咁既能耐匿埋o係櫃通嚇您麼?!
最終還是等不到爸B回家…. 太晚了 (爸B回來已經凌晨12點多)….. 還記得臨睡前, 靖天還在找爸B……
說靖天不愛爸B, 成日打爸B….. 又不對~~~~ 她就是要爸B在身邊, 看見爸B, 她就似安心的… 玩東玩西…. 她們, 彷佛似情侶, 多過似父女呢…… 
第2朝起來, 第一聲嗌的, 還是爸B…….. 好大聲, 好細聲都叫過… 連”老公”都叫埋… 爸B都沒有出現.. 媽咪最後唔忍心, 超大聲的叫了老公, 才知道他在刷牙中…. 見到爸B, 靖天就飛到爸B身邊, 著他開奶, … 爸B又幫她換片…. 她都沒有出聲沒有扭計….
爸B換衫了, 靖天又刻意做些小動作逗爸B注意; 忽然笑得大大聲, 似在引爸B笑……..
然後, 上班時間到了, 靖天顯出陣陣的失落…. 關門後, 靖天又再次不停問我 “爸B呢…”, “爸B呢”…….. (爸B又要上班了….. 
) 然後, 靖天才淡淡的說了一聲”BYEBYE”….. (其實門已關上, 爸B也走了…)
作為太太, 可以盡力忍耐沒有親子日的時間….
但靖天作為女兒, 仲要如此的小BABY…. 又能否接受沒有爸B的星期天?! 不是一個, 而是更多更多個星期天?!
但願, 爸B的工作, 不會太影響到靖天吧….. 沒有爸B, 媽咪也會多帶您外出啊!!! 
(498)
我地唔係一齊玩的朋友, 但喺某次朋友的生日會見過一次咁大把… 無意間發現你的 blog..因為我地個女差唔多大.. 而你又update 個blog 很密, 所以間中會睇你的blog.. …
嗰日, 應該係2 Aug. 喺荃灣, 我同個女喺到影mcmug 時都見到你幫靖天影相.. Anyway, 很佩服你一個人可以單拖帶個女出街..
你好你好….. 感謝你的留言啊!
原來我地囡囡也差不多大, 那就請多多交流吧!
哈哈…. 是一個周日呢, 原來看見了新朋友也不知道…
其實住咁近, 帶她出街也不是太大問題, 要是一些重要節目 / 活動, 那就不行了….. :)
Bertin 爸都係因為工作關係﹐所以唔係成日可以同我地一齊﹐唯有儘量擅用唯一一日既親子日星期日啦。 見靖天如此掛念爸B﹐我相信父女之間感情一定不錯呢…. Bertin 可以已經習慣左爸爸成日唔嚮身邊﹐所以無呢個反應…
對啊……… 只有在其他日子補返囉;
靖天跟爸b….. 似情侶多過似…… 父女呢
靖天的適應力咁強, 應該唔會有太大影響…最緊要爸爸平日能抽返多d時間同佢玩補返数…
對我影響大一點, 哈哈…..
哈哈, 哲哲識火火係因為烈火, 不過都有試過比我地整鬼佢, 辣親既, 呵呵
哈哈~~~!!!
如果weekend老公要返工, 陪唔到我兩母女我都會好失落嫁, 因為我又唔識揸車, 所以唯有同個女留響屋企”牛”菇, 好可憐嫁! 唸起都有啲upset呀!!!
不過揾食無計啦, 係咪?
我好耐無單拖車個女咯, 佢試過發癲, 搞到我專心唔到呢…
嗯, 為兩餐無計….
妳唔上淘寶買衫既? 我幫襯開那個seller都ok嫁, 其他就唔太敢試, 因為試過貨不對辦.
如果靖天90,100會唔會大好多? 我個女有啲款著90都大呀
好啊, 你介紹下麻;
因為懶, 上淘寶有時好嘥時間…….
唔會啊, 90竟然剛剛好….
咁妳搭bus出荃灣呀? 我好鬼無用嫁, 未試個自己同女女搭巴士嫁
坐西鐵…. 但搭巴士回家!
點解唔試下呀?
咁其實靖天都唔會可細粒啫, 90都著到, 我e-mail條link比妳呀, 佢啲quality & price都ok, 不過妳最好先問下佢有無貨先, 因為佢好似唔太勤力update的衫嫁, 其實checkeeduck減價時都好抵嫁, 試過買滿2000.00三折呀, 妳等吓啦, 買定啲one piece裙仔比佢特別日子著都好呀
我都唔知道啊….. 可能size較小?!
好呀, 等我有時間望下先, 謝謝你啊!!!!!
唔打緊 唔打緊 … 聰媽一向都好似單親家庭咁架 .. 聰爸極少絕少 可以星期六日放假 .. 如果靖天爸 b 要返工 . 你又想去街街 .. 搵我吧 !! 哈哈
哈哈, 係咪真架? 見下聰兒都好噃
坐西鐵…. 但搭巴士回家!
點解唔試下呀?
因為我個女太活潑啦, 我怕睇唔住佢呀, 因為我好論盡嫁….所以成日要痴住個老公先得, 我都話我係小女人嫁啦
靖天都係架, 帶定o的小圖書分散下佢, 或者小吃可能有幫助喎!!
其實坐巴士…. 可以學到好多野…..
我都唔知道啊….. 可能size較小?!
好呀, 等我有時間望下先, 謝謝你啊!!!!!
唔好咁客氣啦, 妳個BLOG都幫咗我唔少啦!!!
已經收到了, 感謝你啊!
佢一直著開80架…..
唔好咁啦, 你肯黎留言開心都黎唔切啦
靖天爸爸最近工作好忙嗎?
kitty x crocs 好正哦!! 你唔鍾意 kitty 啫, 都比靖天着下啦~
忙得很耶……..
靖天著, 都cute cute地, 哈哈, 重點有折麻, yeah!
我老公成日要開工,剩低我兩母子,其實都幾唔開心!仲要係我唔識揸車,又住村屋,要帶個仔出街其實幾辛苦,但唔帶我同個仔又悶,所以我D屋企人叫我出去,我多數都應承!但都會想,無辦法要揾食嘛!
原來CYRUS媽媽都係…….
對啊, 要搵食沒有辦法呢…… =.=
聰媽, 靖天媽
約埋我得唔得呀?
我老公成日都要開工,跟住工人放假,一個照顧兩個啦……..成日想同她們去街都唔知去邊好…..
所以找理我去街可以嗎?
我們在大西北啊, 你方便麼?!