忘不了的幼稚園 [賽後檢討]
其實, 一心都打算將此校的”惡行”公開, 正所謂, 佢不仁, 我不義!! 更何況, 這麼一間學校, 實在令人深感忿嬲, 好好的數她一番, 也不失為過…..
只是, 事情戲刻性地來了一個完滿結束.. 為免再有什麼”美麗”的誤會, 唯有有關的內容細節, 一一記下, 但設上密碼, 給自已, 給朋友們, 分享一下….
事情之所以如此戲劇性, 主要是因為媽咪的氣, 在最終回時, 已經下了….
再者, 爸B那一句: 希望學校下次唔好咁做…. 正正就是給大家一個下台階, 要是媽咪堅持下去, 其實, 對大家都沒有什麼意思…. 顧及到自已的情緒在過去的2星期已經被此事弄得很不濟, 為避帶著這種負面的情緒過聖誕, 還是草草的把事情了解好了….
容許再一次在此衷心的感謝一位好朋友… 在我最難渡過, 最無助的一星期裏, 給予我無限的支持…. 縱使只是萍水相逢…. 縱使不是什麼深交…. 名字就不在此公開, 要知道, 靖天媽媽的仇家特別多, 影響人家, 實在要不得!!!!
事情過去了, “阿Q“的想…. 也許, 作為家長, 這麼一個經驗, 實在”得來不易”… 也來得不平凡… 也許, 將來再遇見類似的問題, 靖天媽媽可能更懂得如何處理… 但至少, 經過這一次, 學”精”了….
一位好朋友說: 『你真係好強呀, 你竟然識得打去XXX 嘈~~~』
朋友, 這事實在不宜用讚賞表揚我, 要知道, 事情搞得不好, 牽連的, 不只是自已的情緒, 自已的名聲, 還得賠上女兒一輩子的學業….. 雖說我不介意為此事帶靖天到沙頭角讀書, 但走到老遠, 又何苦?!
在這件事上, 靖天媽媽實在不想讚頌自己什麼, 也沒有什麼值得人家表揚….
可以說, 整件事情, 靖天媽媽深深體會到, 做家長的無奈…….
無奈, 學校可以隻手遮天, 任由你如何爭扎, 都不得要領;
無奈, 政府對家長的保護是如斯脆弱, 什麼”紀錄在案”, 什麼”其實幫不到什麼”…. 對一位需要協助的家長來說, 要知道, 這些說話, 其實很傷害….
無奈, 縱使我能用身體和生命去保護女兒的安危, 但我卻沒有本事用自己的能力, 保護女兒不受到不公平的對待…. 古語有云: 有能者居之!!! 但其實, 這並不適用於學校生活!
無奈…….
縱使政府的官員不能好好的為我爭取一番, 但卻給予我無比的支持… 她們的協助, 其實已經安撫了我不少!!!
陳小姐.. 黃太…. 簡小姐…. 我由衷的感激你們在這件事上的協助與幫忙….. 作為家長, 我深感明白, 幫不了忙, 是政府, 政策的錯, 你們作為執行者, 已經盡了最大的能力, 去安撫和支持我這個無知麻煩的家長…..
………..
……………………
……………………………..
一直以來, 支持『咱們仨』的大有人在, 也就是得到你們的支持, 靖天媽媽才能堅持下去, 寫下去, 寫得更用心, 更仔細, 就是怕你們離我而去….
然後, 一些小小的分享, 原意為可以給大家笑一下, 想一下….
卻沒有想到, 這麼一些分享, 換來的, 是給整個家庭的一種傷害……
忿嬲, 要是你曾經看過『咱們仨』的分享, 然後致電到學校投訴…..
忿嬲, 你不單看過, 投訴過, 還得要將我女兒的名字說出來!!!!
請問你是否知道, 你的一句無知, 換來的是我女兒失卻了一個寶貴的學位嗎?
要是你的目的是不想女兒就讀此校, 那恭喜你, 你已經撤底的成功了!!!!
但香港學校多的是, 你能趕盡殺絕嗎?!
請你撫心自問, 假使你有一個女兒/兒子, 遇上網絡上一位素未謀面的瘋人瘋婦, 然後, 害得你女兒/兒子進不了心儀的學校, 你又有何想法?
難道, 身邊的媽媽們, 都一個一個將網誌私有化起來……
『咱們仨』, 也該要認真的想一想, 該如何打算?!
最後, 衷心的感謝曾經八卦過, 關心過的朋友們….
要不是你們的八卦, 靖天媽媽倒不會有氣力寫下去…..
也感謝你們的支持, 事過境遷, 靖天最終應該也有學校會取錄的, 請別擔心!!!
靖天媽媽的情緒穩定多了…. 感謝一班老闆們不停的”工作轟炸”, 害得連休息的時間都少了, 也莫說是找時間”唔開心”, “嬲”……
但願, 在選校上, 靖天媽媽再不會遇上這麼一些另類被拒的原因….
但願, 女兒能快快樂樂的上學去……
(1072)
I just read this blog. Although I don’t know the details of the story, I can understand your feelings, how unhappy it will be if the chance to enter a kindergarden is lost due to sharing your experiences on blog. Just want to let you know that I appreciate what you did and hope you will continue to share your life with others. You have many fans. Don’t give up!
感謝你的支持!!!
事情已過去, 不提也罷……
但願新一年, 什麼都會順利一點!!!:)
oh…剛剛先睇到呢篇blog…seems too late 去安慰你…I know you are strong enough and can get through and recover quickly.
聖peter都唔收我b啦, 他們仲funny, 用小一入學計分制…我們邊夠分吖…
唔緊要, 我多謝你既支持就真呀!!!
小一入學計分制? 佢當左自己係小學麼?! (o咀!!!)
Hey 靖天媽媽,
Don’t know what happened but i do support you and 靖天, hehe, i’m one of your fans, just didn’t show up much!
Cheers,
Ron Ma
Dear Ron Ma
超感謝你的支持……..
感動啊!
事件終於告一段落, 放開心情, 同妳最心愛既爸b,靖天享受來緊既假期啦!!!
對, 這是假期, 心情已經好多了!
感謝你啊!
希望你既心情已經好番啦﹗雖然我唔係好清楚件事係點﹐但大概應該係有D 無聊人做左D 無聊事﹐影響到你們一家吧。千萬不要為一些無關痛癢既人而唔開心﹐事情已經發生了﹐你已經盡了力去處理﹐相信誰是誰非大家都心裡有數。
學你話齋﹐學校多的是﹐既然呢一家不分是非黑白﹐早點知道未嘗唔係一件好事呢。
嗚………~~~~~~~~~~~
事情過去了……
現在心情也沒有太差咯!
收到哪!! thanks!!
不客氣 :)
你是偉大的媽媽..你很愛她…
今日我姐姐看到一個唔識的新娘好肥,於是她說的婚紗穿得佢好肥………批評的說話真容易說…點解呢?
不不不…… !!!!
通常, 批評, 都比接受批評, 來得容易~
睛天mami – 開始睇你地個blog原於我的小男孩在上年七月開始也在best concept上課….從你的blog中的內容, 令我對學校亦加深了不少的認識.
希望你忘記唔開心的事, 有一個咁叻咁可愛的囡囡我為你自豪….祝你們一家有一個愉快的聖誕及新年!
係”靖”呀…… >.<
原來marcus都係BC既同學仔…… :)
感謝你, 感謝你的支持…
心情也隨著假期, 開心多了!!!：）
嘩~~發生咩事 ?? 咁勞氣嘅 ??!?!?
唔好嬲啦 ~ 祝你們一家x’mas !!
小事小事….. 已經過去!!!!!
你都要聖誕快樂!!!
Hi 靖天媽媽… 留意咗你個blog 都有一年以上的時間啦!!我仲成日都會見到靖天爸b tim 呀!!(係村巴上,因為我地的放工時間都係差唔多呢!!) 由於我都係度煩緊搵n 班的問題,未知..你可唔可以比個password 我?等我都作為一個借鏡(雖然我冇寫blog e 個習慣.. hehe)謝謝你~~email: sandy_mcdull@yahoo.com.hk
竟然成日見到靖天爸b? ……..
佢有無拖住第2個女人呀??????? 有你要話我知喎!!!!
hehe, 記得先奇啦,我都冇乜幾可留言!其實我仔仔都係BC讀緊,我最初都唔認得,後來記起又唔好意思叫你,因為你都唔知我係乜水,好監介嘛 ;p
已補回email啦!
我唔介意俾你叫架喎, 哈哈!! 咁要認識新朋友仔架麻!!!!!
好開心見到你巳經可以完全放底d唔開心既嘢.
但願新既一年, 你們一家日日都會開開心心地過…
因為要過聖誕麻, 哈哈!!!!
多謝你!!!
也祝你聖誕快樂啊!
唔知發生乜嘢事…
套用我老板的講法.. process係唔重要的, 至緊要個outcome.. 所以至緊要的outcome 是幫靖天搵到一間心儀的幼稚園, 其他的process 都不重要..
對小朋友, 應該是”相反”比較好吧? 哈哈!
放心! 一定會!
多謝你啊!
Hi Rainbow,
不知你有否忘記我,因為我懶,絕少留言。雖不知此事來龍去脈,但我絕對支持你的!我現在也正幫小兒申請K1,當中遇到的不明、不忿,我相信我會明白你的感受!很高興你已從新站起來,加油!這所學若拒絕Veronica,只是她們不”識貨”吧了!不用氣!
正為小兒報讀 kindergarten, 希望(若你不介意)讓我可分享你已上鎖的文章,以便我作警惕。萬分感激!
實不相瞞…… 真係唔記得….. orz~~~!!!!
要是你有興趣, 可以分享一下, 但你要留下電郵啊! 或是電郵我?!
其實好想知咩事!
又話會比password我既!原來講笑咋!!
喂喂, 我有email你架………
晴天媽媽~
我是上星期日士多啤梨園的媽媽~
你十個勁~今時今日已見小買小有這勇氣媽媽~
努力~晴天有個愛無限的媽媽~
你打錯左個”靖”字呀….. >.<
多謝你既支持!!! 現在心情已經好多了!
私人留言 (按此查看)
私人回應 (按此查看)
雖然我唔知乜事, 不過事情解決咗就好啦~
我又唔擔心靖天會無學校收, 佢咁叻女.
新一年新開始, 繼續努力啦~
ps: 講多句, 網上私隱真係要好留意, 以我黎講, 任何個人資料(包括姓名)從來都唔會透露, 你以後都小心d啦~
多謝支持!!!
其實, 有無學校收好似已經唔關”叻唔叻”事…. 實在有點無奈……
對於名字一事, 也實在十分無奈…….
名字, 不是應該公開給人”叫”嗎?!……
Sigh!!!!!!!!
願你們一家平安 ^^
但願…..
謝謝你啊!
靖天媽媽：就算你做得再好都會有人傷害你，不用理會他們，只要問心無愧就可以，靖天媽媽我全家支持你，你的小小分享對我真係好有用，而家我好敬服你咁努力為靖天記錄成長日誌，I MISS YOU
你說的, 又有道理…… orz~~~~~~
感謝你的支持, 感謝你的鼓勵…
(感動中)
絕對支持咱們仨！
最痛恨就係唔可以公開天下這間學校的行為及那班無知家長可能永遠都唔知因為咁而傷害到人地，希望大家張心比己，咱們仨咁大方與眾人分享自己的經歷，再係咁落去對大家都無好處。
預祝咱們仨聖誕快樂！
哈哈… 說得太重了….
但還是感謝你的支持!!!
(感動啊!!!)
靖天媽媽,
雖然我只係知啲又唔知啲,但係見到你為咗靖天選學校,搞到咁唔開心,都替你唔開心!其實我好明白你的感受!有時我睇到一啲媽媽O既言論,我都好忿怒!點解佢哋可以講埋啲說話,去傷害人哋呢?佢哋有冇諗過,佢哋唔止傷害咗媽媽,仲傷害咗個小朋友!雖然自問,我並唔係一個非常好O既媽媽,但係我絕對唔會咁樣去傷害人家~而家好多家長,都唔會理會別人感受!唔好講話去教育佢哋O既子女啦~你唔好再咁唔開心,更唔好為咗佢哋而咁嬲!開開心心咁同靖天,靖天爸B過聖誕!我哋會繼續支持你哋一家架!
預祝你哋咱們仨有一個開開心心O既聖誕!MERRY CHRISTMAS!
很感謝你的支持…
更感謝你的明白……
現在已經好多了…………
死, 近期私事忙未得閒睇你地既blog, 發生咩事呢? 竟然有人咁缺德靜靜雞做埋d咁既野? 係咪有利害衝突所以先會咁?
不過諗返轉頭都係好事, 就算呢間學校最後都收你, 比靖天入去讀都可能比老師或者家長同學戴有色眼光去睇你地, 咁樣都唔會讀得開心, 香港好既學校大把, 唔一定要呢間既…(雖然我唔知你講緊邊間)
都係既~!
多謝安慰~~
靖天媽媽, 我是”小靖靖”的媽媽 (我的兒子名字也有”靖”字, 你是如此稱呼他, haha). 雖經常看你的blog快很少留言. 估到少少, 竟然同個blog有關!!
無論如何, 待人不公平的學校, 根本不值得你去心儀了. 靖天咁叻, 一定會搵到一間又好又適合佢的學校取錄. 佢到時返學必定會開開心心! 希望你們過一個好愉快的聖誕節, upload多d文章同我地分享啦!
哈哈, 原來都有個”靖”字, 那就是”靖”字派咯!!!!
謝謝你的支持….
現在心情好多了…….
但願不會再有什麼麻煩事吧…….