靖天, 這天好艷福咯!!!

靖天第2年過拆禮物日, 就沒有了爸B……

爸B的忙, 實在…… 有點兒過份, 也有點兒那個……

最慘既, 係忙到癲, 紅簿仔還是紅紅的…..

所以呢, 辛勤工作跟$$$$ 絕對不是成正比的……

.

既然爸B要上班, 那媽咪就得要自己找節目咯!

難得一一相約, 當然要應邀麻…

可惜遇上天氣不佳, 早早訂下的計劃只能擱置, 商量又商量……

這天, 決定到港島玩玩…..

.

不用坐巴巴, 不用跟人迫….

因為一一爸爸做了一天柴可夫…..

還客氣得到市中心接我們, 又送到我們回家樓下…..

實在是萬分感激!!!

這位爸爸雖說不懂路, 但他的不懂路, 跟爸B差十萬九千里啊!

爸B不懂路, 是真的不懂, 而且會走錯路… 翻幾圈才到…

人家的爸爸的, 不懂路, 卻又順利極速的到達….. 實在很詭異……

.

泊好車, 安頓好, 才中午12點…

在附近找了一家餐廳, 先來個午餐….

今天, 還有朗朗一家啊!!! 跟朗朗只有一面之緣, 也快一年沒有見咯!!!

這天, 是2男1女….. 朗朗 + 靖天 + 一一……. 卡住卡住, 每個小朋友 只相隔2個月, 感覺很特別….

靖天: 『牛油搽面包係我既最愛!』

貴價餐廳, 咪就因為聖誕有糖送囉….

 
檸檬, 也是靖天最愛啊!

飯後, 靖天竟然已經跟朗朗哥哥手拖手的…..

還在餐廳當失路…

直至見到餐廳外的小玩具, 朗朗才爭脫靖天….

小朋友們玩著… (其實無咩玩…)

最後, 被我們拉走了….

餐廳門外, 有一個小小的遊戲間…. 3個小朋友, 今天第1個交流啊!

沒有打算拍聖誕佈置, 3小無猜卻又走到佈置面前搞東搞西….

結果, 大家都在幫自己的寶寶拍照咯!!!!

難得靖天”有feel”… 媽咪當然要多拍一點麻……

還加上一一… 感覺, 更是美好!

咦咦咦…. 拖手喇!!!

沒想過, 靖天會站著拍照啊!

加埋一一…. 又一對兩小無猜啊!

靖天: 『不如玩匿埋丫?』

靖天: 『朗朗呢? 一一呢?』

走到廣場地面…..

他們又再手拖手起來……

婆婆: 『你估3個係咪同一個阿媽?』

姨姨: 『唔會麻, 3個好似差不多年紀….. 』

婆婆: 『又幾鬼過癮…』

媽咪也覺得三小無猜手拖手的, 很開心, 很甜蜜….

但要一位女性, 每隔2個月生一個寶寶, 就真有點難度咯!!!!

兩男一女 = 嬲….

手拖手…….. 三小無猜啊!

一一: 『陣間我地去邊玩呀?』
朗朗: 『你話事啦, 你最細…』
靖天: 『不如去遊樂場丫!』
一一&朗朗: 『男人講野女人收聲!!!』

點都唔肯放手…. 拖得好實啊!

這天其實很大風… 大風得有點恐怖….

慶幸給心肝穿上披風, 實在是剛剛好… 既不影響活動, 又能擋風…

媽咪鮮有如此英明麻… 在衣著上….

聖誕時節, 竟然有餐廳出到”派玩具”招攬客人?!

多謝Auntie Kelly… 這是靖天與媽咪今天第1張!!!

遠遠看到這3條…….唔知乜野….?!

靖天莫名奇妙的興奮起來….

靖天: 『渣住丫….』

媽咪: 『哦, 好啦, gogogo!』

靖天: 『呀~~~ 哈哈~!!! 呀~~~』

愛… 靖天 …. 這種大情大性….. 

完全唔理解, 心肝何以興奮成咁?!

聽到靖天的大叫聲? 看到她極度興奮的表情嗎?

搶玩具, 仍然是他們今天主要的交流活動…

每次靖天都有份….. 果真是一位”社交小孩”……

千叮萬囑唔好打交, 唔好搶野…

結果? 心肝全都食言了!!!!

快要將她鎖在家, 不讓她外出…..

靖天: 『借黎玩下啦…』      朗朗: 『唔得! 唔借呀~!』

已經很久沒有來赤柱…. 感覺有點不同了!

靖天: 『如果可以落水就好咯!!』

一啖沙糖一啖….

朗朗跟靖天的交流, 實在用此形容就沒有錯….

冷靜一回, 他們又拖起手來咯!!!!

靖天: 『朗朗哥哥, 你要拖實我呀, 你媽咪叫你照顧我架!』
朗朗: 『係喇係喇, (仲搞到我跌玩具) 都話女人茶煲架啦!!』

朗朗比較怕醜….

連爸爸問他是否怕醜, 他都答案: 『係呀!』

心肝想親親哥哥, 也不得要領….

雖說女追男, 隔重紗, 也得要人家接受才行麻!!!

心肝, 繼續努力吧!

靖天: 『咁耐無見, 有無掛住我呀? 不如…. 親親丫? 』
朗朗: 『唔好啦… 爸爸媽媽望住呀! (怕醜中, 依家o的港女真係猴擒)』
靖天: 『好巴閉咩… 大把人恨都恨唔到呀!』

心肝這天, 帶了一枝沒有泡泡的泡泡槍….

臨出門口前, 媽咪已經再三要求靖天不要帶玩具出街… 但給靖天拒絕…

以為她拿一會就算…

卻竟然到中午時間都拿著不放…

心想: 「女仔之家攞咩鎗, 麻鬼煩~!」

結果…. 身為男子漢的朗朗和一一看到, 當然狂搶一番……

愛既反面就係恨…. 一轉背, 兩口子又變成仇人咯!!!

靖天….. 不過遺憾, 不懂打格仔, 朗朗要出鏡咯!

朗朗: 『我年紀又大過你, 又肥過你, 你唔夠我爭架喇!』
靖天: 『俾我玩一陣啦, 我架…. 媽咪~~ 媽咪~~~』
一一: 『唔關我事架…. 嘻嘻!! 都係行開o的….』

終於一人一玩具, 和氣收場!

靖天: 『分得兩份玩具仔…. 算數! 好過無~!』

靖天: 『贏左場交, 輸左條仔….. (點算好?)』

在廣場旁玩了大半小時, 風實在很大….

大家都怕小孩吹親, 只得轉移陣地…

離開前, 走到一個小小的…..石階?

心肝又再古靈精怪起來…

完全不理解何以她想睡在石頭上… 卻又玩得投入, 連身旁的朗朗也給影響了…

還好, 靖天媽媽不怕髒… 心肝想玩, 就玩好了…..

靖天大個女咯! 拍這些照片, 很有”味道”!

靖天: 『石仔呀~~』

靖天: 『不如訓陣丫….』

仲要大大聲話訓陣先….. 真係無佢修…..

分道揚鑣, 一媽上廁所期間, 靖天… 又跟…. 一一……

一一性格比較內儉, 所以呢…. 靖天輕易得手咯!

記:
這處是商場的暗角, 媽咪早一天經爸B教導下, 終於學懂理用光圈, 閃燈, 快門…結果, 黑漆漆的環境, 都給拍得光亮起來, 也沒有了”爆”的那種感覺… 實在很有滿足感!! 連爸B也稱讚 (還是暗串?) 媽咪終於開曉….
Nikon….你知道我越來越愛你嗎?

靖天: 『一一… 無見你一排, 高大左, 又靚仔左喎!』
一一: 『洗乜講, 有食奶架麻!! 仲晚晚搽cream訓覺架!』

靖天: 『咁不如錫一啖丫?!』(得米!)
一一: 『有人錫, 又豈會拒人於千里…. 嘻! 又幾甜喎…』

離開赤柱廣場…..

我們轉移陣地……………….

玩沙去…..

(431)

Comments

comments