(思想成熟的) 冷笑話數則…
靖天: 『嗚~~~~~~ 我認真架!』
終於可以坐下來, 想想這陣子靖天的小笑話……
有些很激心, 有些很窩心, 有些又實在搞笑……
心肝, 您的嘴巴, 雖不會吃什麼好東西, 但總是能逗得我們哈哈大笑啊!!!!
話說有天, 媽咪請了好友帶寶寶上來一聚…
只是這位小寶寶, 不甚俾面…. 就是不停哭…. 休息一會, 又哭過…. 
哭累, 抖一會, 又再哭….
靖天沒有多理會這位小寶寶, 很專注的看她的人魚公主….
終於, 寶寶斷斷續續的哭聲, 惹怒了我們家的小主人了…………
靖天 (斜斜的嬲睥小寶寶): 『又喊? 乜咁煩架!』
我們都呆了….
惹得我們兩位媽媽不停的笑……. 
靖天… 這樣說很沒禮貌, 是沒有家教的行為……
但…. 您的真心話, 我們卻十分欣賞呢!!! 
靖天晚上睡覺, 都習慣了媽咪在身旁….
也因為濕疹的緣故, 她愛上了”搔背脊”…….
這天晚上, 她又要我們幫她”R背脊”…..
媽咪的手, 從靖天的腳掃了幾下, 她就狠狠的打了媽咪幾下….
靖天: 『唔好搞呀! 我唔要你呀!』
媽咪: 『 (扮喊) 嗚嗚嗚~~~~ 做咩打我呀, 靖天您唔要媽咪喇? 嗚嗚嗚~~~』
知道自己搞錯的靖天, 立即跑到我們床上, 攬著媽咪…
靖天: 『我唔係呀! 我要你架! 我以為係爸B (隻手)咋麻!』……
一早已經知道心肝誤會了!!!
只是想不到, 她會這樣回答媽咪的哭訴……..
一個”以為”….. 表達得很好啊! 
靖天對爸B, 都是若即若離的….
70%時間, 她都”唔要爸B”……
這天, 又不知因為什麼小事, 大聲的說: 『走開呀! 我唔要爸B呀!』
爸B(假裝)哭了…. 
爸B: 『您真係唔要爸B喇?』…..
靖天: 『我要呀! 我要爸B呀!』
爸B: 『但係您頭先話唔要我喎…..』
靖天: 『我要爸B架! 我頭先講錯咋麻!!!』
靖天, 您講錯?….. 自己知自己講錯, 您的反思能力認真強啊!
放學時, 靖天想拉媽咪回到教室砌LEGO….
靖天: 『媽咪, 一齊入去砌LEGO啦!! 一齊啦!』
媽咪: 『唔好啦… 我唔識砌架, 您去砌啦…』
靖天: 『入去砌啦…. 你識架, 你識架! 你好叻架麻, 係咪? 一齊玩啦』
逗得媽咪哈哈大笑!!!!
係… 媽咪好叻.. 但似乎心肝您比媽咪還要叻啊!
很懂得鼓勵別人呢~~~
一次跟聰兒郊遊, 兩小無猜又不知發生什麼事,….
靖天: 『唔好搞我架車呀! 我會嬲架!』
聰兒: 『我唔小心咋麻!』
媽咪: 『聰兒唔小心咋, 您唔好咁啦~』
靖天: 『哼! 我會嬲架麻!』
媽咪: 『咁聰兒唔小心, 你原諒佢啦, 好無?』
靖天: 『好! 講SORRY丫!』
結果, 聰兒被靖天氣得哭起上來!!!
我們還真是第1次聽到心肝要求人家說『SORRY!』……
實在是…. 靖天, 您咪再搞笑啦~~~~~~ 
.
(451)
靖天把口真係超” 勁”呀, 笑屎我….
佢超曳就真!
根據足球評述員所指既：
呢場波真係可以用一個字唻形容 — 精彩！
hahahahaha!!! 你形容得好搞笑呀!
其實靖天識得鼓勵人地識得要求人地say sorry…
都係靖天媽同埋老師們ge功勞…
當然都要讚下靖天做得好做得岩呢…
但係好似唔係幾洽當… 講得…..
真系人细鬼大呀~同埋伶牙俐齿,系咪似妈咪呀,讲野咁叻既…
我唔認同!!!!
因為….. 因為……….
我覺得anna b 先係真正既叻同埋伶牙俐齿!!!!!!
(幾時有機會俾我見下…… )
晴天大個女喇！每則笑話，總帶給人歡樂！
係”靖”呀!!! ><
嗯…. 佢地既說話真係好搞笑……
真叻女呀!
古靈精怪就真 ^.^
靖天講野真係勁呀….
得把口….. @.@
oh,真係笑c 我喇!我相信靖天每日都帶到好多歡樂俾你倆&一眾fans ^.^
有時會好激心架, 都唔知點俾反應佢;
真係比佢氣呢，突然咁精靈，不過有時諗起都會回心微笑，靖天你好鬼馬呀
又鬼馬, 又曳咁囉…
真係又嬲又笑架!
靖天真係好叻呀, 識得表達好多野~~
所以越黎越曳囉……
第一張相, 靖天超可愛呢!
古靈精怪, 無佢修呀!
靖天的表達能力真係超強. 梓朗到依家都未能好好用語言嚟表達自己所以成日都發脾氣…
男仔麻, 你知會慢少少架~~~
靖天既自辯能力好強啊~~!
仲識叫人say sorry.. XD
係囉… 搞到我地唔知好嬲定好笑;