母女仨的日子@ 產後第一次
這是她她她的第一次…….
坐月的期間, 縱使爸B要工作, 也會有婆婆, 或是傻姨來幫忙照顧巧巧或是靖天…
那媽咪的擔子, 就不會那麼重…….
說到底, 傷口沒有完全復原, 體力也還沒回到未懷孕時…..
有幫手, 當然好!
.
坐月後, 婆婆和傻姨, 已經沒有多理會我了…..
而且, 爸B外出工作都在周末, 叫婆婆來幫忙, 她就開始諸多推搪…
更開始說一些”難聽”的話…… 
也許, 婆婆只在開我玩笑, 遺憾, 
我是真心的想有人幫輕一下, 才這樣懇求…….
得到的回覆, 總是令人難受, 那就不靠別人好了! (請工人幫忙的念頭再次萌起)
這天早上, 靖天要到家附近的中心上興趣班…
大清早就起來, 弄弄彩虹牌, 然後安排靖天換衣服, 準備出門口!
暖好的彩虹牌, 一起拿出去, 送靖天上課後, 才到快餐店給巧巧吃奶…..
然後再等靖天放學, 才回家去!
托賴, 兩姊妹都十分合作…… 
因為早前買下的BB車不太適合, 結果這天, 
還是要用靖天那又殘又爛又舊的車仔….
還以為靖天會大吵大鬧, 不讓妹妹坐上去…
她卻又出奇地合作, 更沒有因為要讓妹妹坐自己的BB車, 而哭鬧起來!
謝謝您, 靖天姐姐!!!! 
.
下午, 本來想帶靖天到公園走走, 誰不知天公不造美….
一整天都下著毛毛細雨….
天氣還忽然冷起來! 
這個天氣, 當然留在家最好…..
.
結果, 媽咪忙靖天, 忙巧巧, 忙家務, 已經忙了大半天….
前一個晚上, 又因為巧巧不大合作, 起床了兩次….
所以到下午, 已經支持不住….
餵飽巧B, 逗她安睡後, 索性自己也一起睡….
靖天也跟著一起上床…. 初時還是喋喋不休的說東說西….
大半小時後, 已經跟大隊睡起覺來……
她她她… 就這樣睡了2個小時!!!
.
然後, 我先起床, 弄彩虹牌, 然後較水給靖天洗澡…..
巧巧也慢慢起床, 要吃奶咯!
晚餐只點了外賣….. 實在沒有氣力再到街市買餸煮飯….. 
.
忙了一整天…..
晚上, 媽咪終於可以偷懶一下… 坐在電視機前, 看”華麗”…..
靖天從雪櫃拿出雪糕, 古靈精怪的等待媽咪點頭….
巧巧超棒的睡了一整天, 沒有扭計, 沒有製造麻煩…….
這就是她她她第一次沒有爸B的周日……
預估, 未來數個月, 沒有爸B的日子, 都會這樣渡過….
極度沉悶, 無聊, 但卻沒有辦法!
媽咪和靖天, 都在靜靜等待, 巧巧長大一點, 有力一點….
那她她她, 就可以出動咯!!!!!!! 
.
(375)
好厲害的媽媽…所以我不嬲都話,女人比男人能幹^.^
哈哈…… 睇咩情況咋
我又不太介意沒有老公相陪的日子, 反正佢只係有破壞冇建設, 不停整蠱阿囡要我收拾殘局!哈哈!
哈哈…… 好搞笑呀!
我老公都係我放假時佢返工，所以我經常一拖二，每次落樓下行轉，都心裡祈求阿仔要合作，唔好攪事呀 !!! haha…
哈哈……
如果我生第二個睇怕都唔使出街了。平時帶梓朗出去已經追到我氣咳。
照顧兩個還要做家務真係好辛苦呢。有無諗過請鍾點姨姨幫下手呢。
太貴喇……太貴喇……
超能媽媽，換著是我應該無氣力去埋家務了~
靖天吃雪糕的相很有大爺FEEL喎，哈哈!!!
我都無力, 但都要做…..
(佢不嬲都係大爺黎架)
我email咗你,你看她們可否幫忙
收到呀, 謝謝
兩個寶寶都咁細, 過多一段時間會好些。
希望啦;
加油呀!!!!
我都期待第2個bb出世後,我係會點…(完全無人幫忙的日子)
你都要加油呀! 我支持你!
靖天媽媽,你真係好勁呀!可以湊得店兩個小孩之餘仲可以兼顧家務,給你10個讚呀!!
同樣有兩個小孩的我,單係喂人奶已經人都顛了,同埋陪大仔時間都少左好多。希望快快捱過呢個艱苦期啦!你都要加油呀!!
我唔想做家務架, 但我真係無辦法…
我都想快O的捱過, 謝謝你
一個帶倆個小豆定真是很辛苦的! 点解婆婆不幫忙那麼可憐呢? 麻煩麻麻來幫忙可以嗎? 你要加油呀!!
因為婆婆唔得閒囉, ORZ~~~~~
靖天媽媽，加油呀，還要辛苦一段時間，不過時間真係過得好快，好快就可以帶兩姊妹去公園玩架喇。
妹妹去公園玩….. 好似好遠咁, 嗚;