靖天幾時可以真係離家出走呢?! 呢一日趁有少少時間, 就將架學行車推左出走廊.....靖天即刻好無奈.... (靖天: 媽咪..... 又玩野喇.....第日我真係走路你唔好喊~)  

越走越快的靖天, 呢一日, 不停咁叫爸爸......足足叫左成日... 仲要超興奮.... 

又真係企得幾型既....... kakakakakakaka~~~不知天高地厚既靖天, 總係鍾意做o的自己根本做唔到既野....唔知點解要單手扶住企.... 仲要轉手扶野....見佢搖下搖下, 就鄧佢"牙煙"....

 wE ArE rEAdY .... ～靖天也來參加奧運會～ 為左迎接奧運, 市中心搞左個米奇米妮既運動會, 咁靖天當然要著返件"中國"衫, 為中國打打氣啦~~~~ 今次真係整得好令........ 難怪吸引咁多人去~~~入場: 梗係o係跑步上熱熱身先~中國, 加油!!! 中國, 加油!!!!靖天: 單槓表現... 好攰耶!!!(走曬色啊...

靖天真係越黎越似男仔......著左呢件迷彩既夾衣, 真係睇唔出佢係一個女仔.... 靖天睇咩睇到咁認真?!靖天: 口痕痕, 咬下奶咀先~~ 唔知有咩吸引到靖天?!靖天: 都係含住佢好o的~~~~靖天: 我要做下掌上壓操fit o的自己!! One More, Two More...

靖天最令既時候, 就係佢每日訓夠........或者因為有足夠既睡眠, 又食左奶, 所以特別精靈....靖天: 爸b早晨, 媽咪早晨~~~靖天: 影我7-3面丫, 唔該, 我呢邊面令o的......靖天: 我呢個pose 得唔得呀? 有無做"毛豆"既潛質呀?

難得出九龍, 咁都要影返幾張相交貨架..... 難得去到九塘咁遠, 又約左舊朋友, 梗係著令o的,....條牛仔褲雖然話係6m, 但心肝竟然係著得有難度... 著上去好似好緊咁.... 唔鬼理, 點都要著一次先, 之前o係泰國買左幾件polo, 終於都著得落.... (雖然大件左少少, kaka)靖天與鋼琴 - 唔知靖天會唔會有一日, 真係識彈琴呢!?媽咪識...

睇靖天笑, 其實真係一件嘗心樂事....只有爸b逗到靖天笑, 仍然係一個迷......雖然有少少唔抵得, 不過作為一個徬觀者, 睇自己心愛既女兒笑到咁開心未嘗唔係一件快樂事....... 大動作既爸b, 逗得靖天超開心!!!!然後爸b變得細動作左, 但靖天仍然係笑到好誇張.....

唔知點解, 靖天只會對爸b係咁........每次爸b同佢玩"bu喳"佢都會笑到好大聲...... 但同一個遊戲, 我一模一樣咁玩, 心肝就會..... 望住我呆左咁.....好似o係度話: 媽咪你好低b, 唔該停一停~~~~已經試過好多次, 都係咁......吳靖天您真係好鬼偏心, 要訓覺要食奶就搵我, 玩就搵爸b...... 有無咁既道理呀?  ...

靖天有一個咒語, 就係每晚一過左十點......一過左十點, 心肝就只會同爸b玩, 唔要爸b服侍...簡單黎講即係搵我笨...... 呢一晚, 佢又黎料..... 抱上手一陣就喊到十彩, 仲要作曬嘔咁....magmag, 如果你見到呢段片, 我想問: 夠勁未?

一段早前gathering錄低既短片.... 正所謂, 女追男, 隔層紗~~~靖天既主動實在令我讚嘆......唔知道第日大個佢睇返呢條片, 會唔會嬲呢?

不過其實一山還有一山高........朋友們唔多信靖天會嗌破喉嚨, 咁呢一日, 就錄低左少少.....只係同佢換條片...... 佢都可以咁, 大大聲咁嗌, 唔知佢想點?!

紙巾, 雜誌, 公仔, 紗巾........乜都食一餐~唔會放過任何一個機會.......誓要塞入口......

呢套公仔係爸b知道我鍾意, 買俾我, 點知.....靖天當左套公仔係佢, 望到小雲就興奮到....其實佢只係貪圖小雲頂紅色既帽同埋宇宙大王既.... 兩條觸"蘇"咋~~~

靖天一日一日咁進步.........依家鍾意坐住咁玩玩具......可惜, 坐唔夠一陣, 又顧住玩, 平衡唔到.......

唔知幾時開始, 靖天學識"o趙".......空氣~ 仲要o趙到好似人地食香口膠咁.........

老人家話, bb  bu 口水, 就會落雨架喇~ 咁靖天bu到咁........ 又難怪會打風喎~ 心肝足足bu左一分鐘........咁bu法, 想唔落大雨都幾難啦~ kekekeke

真係好鬼大力...... 難道真係咁痕?! 您咁大力, 會唔會咬損o的牙肉架?咬完牙膠仲要搶我部相機..... 認真手多多! 

如果有一日, 屋企發生地震, 咁靖天識唔識逃生呢? 為左訓練靖天o係地震時俾壓落黎既石頭或者重物壓住可以逃生我地就從這個訓練開始......

好多BB已經識得捉住自己既腳仔黎玩, 但愚蠢既靖天...........雖然仲未識得表現食腳指既絕技, 但係佢已經唔知O係邊學埋O的臭男人既技兩: 捽腳指!!!!仲要擧到高高咁捽............靖天: 您........痕就用手啦~~~

近呢個星期開始, 靖天又學識一樣野.......唔知佢係咪覺得好過癮, 總之佢得閒就會咁樣咆吼.........不過, 又真係叫得幾搞笑..............  

o係一個媽咪既網誌入面見到, 佢好心俾左條link我......等我幫靖天扮下靚先~~~~~野性小老虎!!!!!! wild~~~~~~~ 個人認為個髮型襯曬呢個look!爆炸頭既靖天~~~~ 無計, 靖天無乜頭髮, 梗係想佢生多o的~~~仲要搽到馬騮忽忽咁, kakakaka!!!!

徇眾要求, 靖天再表現親鴨仔~不過今次唔係親親嘴嘴, 係親親patpat~~~  

嚴格黎講, 係食左一半就唔食既靖天.......依家餵靖天食奶, 仲慘過去死咁..... 鑊鑊都搞起碼成粒鐘, 都未必會成功......食到成口奶靖天: 我係唔食呀.... 媽咪唔好迫我! 靖天: 好煩呀.....靖天:影咩喎, 未見過bb唔食奶咩?!靖天: o的奶奶都唔好味, 都係手指好味o的!靖天: 爸b快o的起身救我啦!

您睇下您, 邊忽似女仔?! 呢一日, 靖天訓醒, 平時會勁講野既佢, 今日唔出聲......原來..........綁到實曬既床圍都可以俾佢拆左出黎.......您對咩手黎?!

係時候要教下靖天做個閱讀者, 等佢第日讀書都叻o的.........  唔用flash card, 唔上playgroup, 實行自家創教靖天! 好多媽咪會俾bb上playgroup啦, 或者玩flash card啦, 或者講故仔啦.......呢o的方法當然好, 但係我選擇自家創既教學方式....呢個方法實在係平、靚、正!!!!!相信靖天經我番心...

原來唔好見到o的頭髮, 先有少少似......... 因為一田大特價, 所以就落左沙田..... 今次都係靖天第一次落沙田咋~~~對上一次, 佢都仲未出世...... 嘻嘻!!!!所以今日一於同靖天扮靚靚, 又帶埋相機, 如果無落雨就去snoopyland影返幾張相......果然天公造美..... 雖然唔係出太陽, 但都無落雨!~~~ 靖天妹妹, 您露底呀...

靖天好衰架, 都唔似我既~ 曾幾何時, 我真係覺得呢個女同我好似樣,尤其是對眼..........可惜身邊10個有9個都話心肝似爸b........ 激氣! 點知靖天越黎越大, 佢真係越黎越唔似我~~~~精精地您快o的似返我.......您再咁似爸b, 我唔錫您架喇~ 幾時好似媽咪咁識單眼呀? 我地快o的扮sala-moon啦..... 不過您唔笑既~

自從學識反身後, 靖天就日反夜反....... 呢一日爸b又影到佢反完身, 又再反~~~~ 

靖天真係好鬼猴擒..... 第日對住男朋友仔唔好咁.....話說靖天婆婆買左隻鴨仔俾靖天玩...... 誰不知靖天一見到個鴨嘴就啜住唔放...... 一o的儀態都無....真係醜死怪!

好醜怪既靖天....... 扭計時真係好鬼煩~~~ 仲要喊到鬼死咁大滴眼淚o係塊面度.......懶淒涼咁......  

各位知道靖天講緊乜既, 就話我知啦..... 呢個早上, 靖天o係床到不停咁講左半個鐘野......搞到我o係隔離房都忍唔住去睇下咩事.......平時望住個相機都唔點出聲既佢, 呢一日佢竟然對住鏡頭不停咁講野.....但我就完全唔知佢講緊乜...... 正所謂, bb話真係好鬼難明....

好難得錄到靖天真係笑到卡卡聲....... 平時靖天都係笑到見"牙"唔見眼, 好少會笑到出聲......對上一次聽到已經成個月前....... 難得今日靖天心情大好, 叫下佢個名都笑到騎騎聲, 真係好難得~  

呢一日, 咱們仨就一齊去街買玩煮飯仔~~~ 靖天第一次入街市..... 依家o的街市真係舒服, 開行個冷氣, 涼浸浸咁買餸, 一滴汗都唔洗出, 真係一件嘗心樂事, 哈哈!!去到街市已經差不多6點, 過左繁忙時間, 唔係心肝同佢架戰車都唔洗旨意入到去~~~ 仲要落毛毛雨, 梗係帶返個套安全o的! 買完餸喇, 不過靖天個樣子好似好不滿咁~

要引靖天笑, 真係好難....... 呢一日放左工, 就同靖天玩.......點知個串妹, 唔蘇我....... 錄左好多次先錄到佢對我笑一對, 正衰女包!!!