靖天: 「我幾時6歲?! 我要讀小學!!!」

2011年, 區內某名小學 (新校)

家長: 禾想問呢, 我兩個仔女, 係孖生既, 咁佢地邊個會有”首名子女”既分呢?
校長: 如果係孖生應該兩個都同分既, 不過我會幫你clarify左先!
家長: 唔係喎, 佢地其中一個出世先架喎!
校長: err… 但都係差不多時間 (大約回應)
家長: 佢地差左10個月架, 但同年囉, 咁都係孖生架麻!
校長: (下刪)

.

2012年, 區內某傳統名小學

家長: 禾想問呢, 你地有無誇境交通服務架?
校長: 唔好意思, 我地無安排呢個服務既…
家長: 咁如果我自己過左境後, 坐車黎返學, 咁你地收唔收呢?
校長: err… 咁如果派到入我地學校, 我地當然歡迎啦!

.

家長: 禾想問呢, 我o係呢個校網區, 租一間房去抽既機會有o的丫, 定我買一間樓抽到既機會大o的呢?
校長: 其實我地只係睇地址, 只要屬於呢個校網區已經可以了!
家長: 即係我租間房有個地址就可以?
校長: 要係呢個校網區囉 (下刪)

.

家長: 咁禾想知道呢, 如果我首輪報名, 唔揀你地學校, 因為你地學校好多人揀架麻, 我又怕唔中喎! 到大抽獎(第2輪)時, 我再填你地, 到時唔收, 我黎叩門, 咁我係咪都有同等既機會架? 其實禾我巧有誠意架, 不過你地咁多人揀, 禾首輪揀學校時, 唔想嘥左個機會麻!
校長: (用了近千字重新解釋派位的機制及流程) …. 其實如果你首輪揀無咁熱門既學校, 可能已經收左, 咁收左就唔會再有第2輪選校既情況出現架喇….

.

媽咪只在上年和今年, 參觀過4間小學的升小講座,

一次, 是在場沒有家長發問;

一次, 是只有靖天學校的家長, 發問平均但正常;

餘下那2次, 則出現以上數個「精彩」的提問!!!

.

記下來, 只作輕鬆分享, 媽咪也曾經被爸B說問無聊白痴問題, 但媽咪卻認為, 在問與答的過程中, 可以看出老師和校長的心思, 對咱校的了解…

試過媽咪於某校 (又是區內某名新校, 以大機構見稱)的主任, 學生是否多功課, 但該主任竟然支吾以對, 最後細聲說: 「唔係咁清楚低班情況!!」…

又或是遇上一些較”tough”的老師, 一句便說: 「學校唔覺得中英數各2-3樣 (每天) 叫多囉!」….

這好影響參觀者 (家長 – 我)的感覺啊!!

.

.

過去一年多, 多位網友也私下留言, 問過媽咪能否分享一些升小策略, 選校心得, 或是「靖天讀邊間?」……

是感謝, 大家對媽咪的信任, 希望可以多看一點文章?!

但很遺憾, 經過3年前那次選幼稚園, 惹起牽然大波, 最後要投訴至教育局, 又要找爸B請假陪同協助解釋處理, 媽咪已經怕了….

而且, 經過4年多, 媽咪已深深體會, 今時今日的學校, 甚至教育機制, 都是以「學校選學生」, 多於「學生選學校」….. 當家長的, 其實很被動!! 當然… 家長有權選擇「唔讀」!!

再者, 靖天並不是出色的孩子, 學什麼, 做什麼, 都需要付出很多的努力, 沒有其他小孩子的自省,… 更沒有簡單如「我愛做功課!」的習慣, 幾乎什麼都沒有…..

當她媽的, 可以怎樣? 還是要繼續迫到她有天從廿多樓躍下來才滿意嗎?

媽咪不想添加不必要壓力, 也不想女兒這幾年要活在「單一目標」中….

然後….

咱們決定放棄,…. (大概也會在遲些日子, 整理一下思緒, 給自己紀錄一下)

.

所以, 「咱們仨V2」不會出現什麼「選校攻略」, 「面試必殺技」的分享…

寫這些的, 人家不看還好, 看了還覺得自己掉臉!!!! 咱們何得何能寫這些分享?!

所以…. 就簡簡單單記些生活小事好了….

沒有頂級的名小學陪伴她6年, 其實也可以活得開心自在, 也可以學有所成吧?!

很自憐的一番話…..

但卻又真的是媽咪心底一直想說的…..

.

(316)

Comments

comments