在職媽媽, 偉大!!! 在職媽媽, 萬歲!!!
做人媽媽甚艱難, 尤其是要為生活, 為糊口, 為小寶寶的媽媽!
前陣子, 面書瘋轉: 「請別認為在家顧小孩很爽!!!」 [CLICK HERE]
內容得到各全職媽媽一致推崇, 連不是全職, 只要是”女人”, 都投以高度的讚賞!
看過內容…
其實不外如是…
只要是有女孩, 曾經在家24小時全天候 (沒有工人姐姐或長輩) 照顧過寶寶的, 一定可以感同身受!!
只是..
我奇怪: 「點解唔寫一篇, 係”請別認為放工後還要照顧小孩很爽” 的文章?!」
.
沒有做過深入研究….
但直覺, 香港生了小孩, 而又要外出工作的, 比全職當媽媽的, 應該比較多!
然而, 一個家庭, 可能有公公婆婆爺爺嫲嫲, 最後再加一個工人姐姐…
已經有調查發現, 香港小孩, 部份的照顧比例, 是1:7!!!
那麼, 就請先撇除這班在職媽媽的環境因素……
1:7 的照顧比例, 絕對是爸B媽咪所渴求啊!!!
而就算沒有1:7的黃金比例, 那在職父母回家有工人姐姐幫忙照顧, 也是很普遍的一件事…
香港… 生活艱難!!!
.
.
當全職媽媽的, 老是認為, 應該跟「全職家庭主婦」分開一點!
全職媽媽, 理應是全職當一個媽媽, 不用打理家務, 不用準備膳食, 就是每天24小時的, 照顧自己的小孩, 這才叫做全職媽媽!
但… 香港有多少個家庭, 是這樣?!
好了, 要當全職主婦, 就是靖天婆婆那代… 什麼都是一個女人負責…
照顧小孩, 煮飯, 洗衫, 掃地, ….. 所有所有跟家庭有關的, 都是那個媽媽的責任!
那怎樣當一個全職媽媽, 卻不是當一個全職主婦?!
.
最後一類, 就是生了小孩, 但又可能因為某些問題, 一定要外出工作…
上班的時間, 小孩給親友 (甚至放在育嬰院) 照顧…
下班就接回小孩, 再回家準備晚飯, 然後整理小孩的功課, 繼而再打理家務….
上床的時間, 大概是午夜後吧?!
.
哪一類的女性較多 (未婚沒有小孩的不算), 不知道….
只知道, 最後的一類, 其實…. 也蠻辛苦啊!
.
.
過去, 身邊都會不停看到, 聽到有全職媽媽, 或是全職主婦抱怨, 自己的時間小, 24小時照顧小孩還得要準備家務事, 身心疲倦,…
最熱門的說話, 不外乎~~~
「放低佢兩秒就喊到死, 我想去個小解都去唔到呀!」….
「做全職媽媽24小時都要睇住個BB, 夜晚又要擔心佢”負”被, 無一晚訓得好架!」….
「煮飯? 點煮呀? 佢會喊架麻! 不停喊, 我真係集中唔到煮飯囉!」
……
……
……
這些抱怨一出, 定必惹來大眾的鼓勵, 支持…. 「全職媽媽好辛苦架 / 最偉大係全職媽媽 / 你要我全職湊仔我真係唔得囉 /…..」
.
其實…. 只要那個小孩是你親生的, 無論要忍受10級陣痛”痾”出來, 又或是被醫生打針再劏一刀”拿”出來…..
只要是你的孩子, 其實你就可以了!!
暫時, 沒有聽過湊仔湊到真係掉左個仔落街既新聞….. (產後抑鬱或有精神疾病除外)
.
.
再看看那些在職媽媽下班沒有工人/長輩幫忙的情況….
是的!! 在職媽媽返工可以HEA, 可以吹水可以上FB, 坐車可以訓覺休息煲劇….
又有足一小時的午飯時間…
普遍人總是說: 「全職媽媽無呢O的福利架!」
但6時正放工, 接回小孩再回到家, 7時正!!
這時, 你就要準備晚飯 (當然, 可以外賣的!)…
然後, 你跟先生怱怱吃過晚飯, 一個去洗碗做家務, 一個就幫忙照顧小孩, 檢查功課, 又或是做一個所餘無幾的親子時間…
這時, 應該也快到10點, 小孩子差不多要準備上床了!!
.
待小孩上床後, 可能又要走到廚房廁所, 繼續忙清理, 忙打掃….
要是那天好運一點, 就可以有些私人時間, 看看電視, 上上網….
然後, 已經是凌晨12時….
又差不多要上床, 準備第2天的生活!!!
別忘記, 這類型的父母, 晚上其實也要當夜班….
小孩哭了, 或是有什麼不適, 個人絕不認為, 要上班的父母, 會置之不理吧?!
.
在職媽媽, 用她下班的時間, 將整天要做的家務工作, 濃縮了!!!
又是的, 曾經有朋友說: 「你日頭返工HEA左, 放工梗 係要忙返架啦!」
超對! 但… 濃縮出來的工作, 是需要跟時間競賽….. 這又何嘗不是另一種壓力?
我想, 沒有一位這類的父母, 會懶懶行處理家務事, 擾攘自己至天明也不休息吧?!
.
.
『咱們仨V2』, 就是最後一類型…..
上個月, 見到一全職媽咪, 她就拋下一句: 「你就好啦! 淨係返工, 又唔洗煮飯洗衫, 又唔洗湊女.. 我辛苦到暈呀!」
媽咪苦笑…. 不語!!
朋友叫: 「叫婆婆煮埋飯麻, 或者叫佢幫手買餸!」
媽咪想: 「婆婆不是我們的工人, 她沒有義務要這樣辛苦!!! 要她照顧巧巧已經令她很疲倦, 為何還要將”自己的晚飯”交託親生媽媽處理?! 最大的重點: 請婆婆煮飯湊孫, 成本更高!!! 
」
.
是的, 藍天媽媽, 是要上班的!!!
上班的時間, 並不是天天忙碌…. 也有足一小時的午飯時間….
兩姊妹齊拆屋!
不停安撫, 否則難以煮飯
但…
放工我要立即飛奔回家接回兩位愛女, 然後跑到超市買餸準備晚餐, 回到家, 也不理得小女兒是否哭著扭抱, 就是要9秒9的脫光靖天衣服, 跟她先洗澡…..
同時間, 就要準備飯餸….
目標, 是待爸B晚上8時回家後, 可以立即用餐….
家姐的破壞力實在可怕!
這是妹妹的破壞力!
吃過飯, 一方收拾洗碗, 另一方幫小女兒洗澡, 再看看大女兒有沒有什麼家課或學校事務需要處理.. (N2班的大女兒, 有時也要溫習一下)
然後, 大家可以安坐梳化上, 看一會電視, 又或者爸B跟女兒們玩玩遊戲….
這時, 媽咪已經要拿出工具, 弄彩虹牌……
完事後, 已經是10時半… 又要趕鴨仔了!!!
待兩公婆可以正正式式坐下來的時候, 大概是晚上的12時….
一廚房餸菜等著我
但求吃得飽, 吃得健康(一點)就滿足
這樣的生活, 不辛苦嗎? 不緊張嗎?
作為在職媽媽, 這陣子還得要擔心產後被栽員的問題…
然後, 兩位女兒的發展, 或是生病問題…. 這是當任何一類型的媽媽一定會擔心的!!!!
那, 我要擔心兩個問題啊?!
一堆衣服要整理
.
看這日誌的, 有的全職, 有的在職, 有的未婚…
我只想給自己打打氣, 跟情況相似的媽媽們, 說聲: 『加油!』
不要老是跟人家加油, 給人家鼓勵…
有些時候, 總的要看看自己對家庭, 對子女的付出, 替自己說聲: 『加油! 』
不要老是看人家有多棒, 也得要給自己一些肯定和認同啊!!!
.
要是情況許可, 哪個媽媽不希望可以全天候的陪著子女成長? 哪個媽媽不希望全天候的在家主持家務?
不要老是說: 「要我對住隻生番, 我寧願死!」
死…… 捨得嗎?!
那隻”生番”, 是你一點一滴的養大, 辛辛苦苦的照顧成長啊!!!
.
記憶中, 爸B媽咪鮮有會說: 『湊2件仲要煮飯洗衫, 好辛苦! 好唔想做! 』這些話….
因為……
再辛苦, 我都是享受著的..
家, 每個人都有份兒的, 而我慶幸, 咱家有一個, 願意做家務, 願意幫忙的爸B…. 在他不忙碌的時候, 其實是幫輕了….. (大概是因為這樣, 爸B一直拒絕請工人姐姐?! 
)
.
.
全職媽媽偉大…
在職媽媽同樣偉大….
只要是當一個「問心無愧」的媽媽, 其實已經是很偉大, 很棒!!!
.
文章只是一則抒發,
喜歡的可以留一個”LIKE”, 不喜歡的勿插勿留言!
違者必刪!!!
.
(857)
情況一樣，支持。
Thanks thanks;
我生左第2個後..4個月之後就比人栽員啦..之後就一直自己睇2件..無請工人…好辛苦, 但值得架…慢慢睇住佢地成長
大家一齊加加油!
確係有D滾動….我一直都覺得自己唔係一個好媽媽..做得唔夠人好…謝謝你的分享
絕對係一定要LIKE!!!!!!!!
是的，每天都是趕鴨子的生活，其實一點也不爽，但路是自己挑的，只得無怨無悔。一起加油吧！
向所有為子女無私付出的父母致敬!!!
(我應該有份吧 hehe)
一直有睇妳o既blog, 我係ftm, 係覺得辛苦, 但見妳係working mom, 又無請工人, 都鄧妳辛苦!! 好同意妳所講: 覺得辛苦, 但唔會resign, 唔會諗resign, 也無得resign!! 因為我們都最愛我們的小朋友!! 加油!!
這個話題總是沒完沒了的
如果要說 ..
在職媽媽上班有一小時午膳可以 Hea …
那上班時間須要看客戶 看上司 的臉色 …
食死貓又如何 ???
遇到小孩考試測驗又同時趕交 report 呢 ???
身心其實都會很疲啊
其實 . 辛苦與否 ..
不在乎 全職還是在職
當媽媽的若果是全心全意為家庭為孩子
有那一個會是不辛苦 ??!!!
全職與在職的媽媽 都有著同樣的辛苦
只是疲的位置不同而已
加油吧 !!!
我要上班,有請工人姐姐的,以錢換來一點點輕鬆,完全明白妳的感受,因為工人姐姐都會放假的.另一方面,要管理工人姐姐都會帶來煩惱,怕她對兒子不好,不夠細心等.我每天回家都七點多,大細仔都要餵飯,跟住玩,沖涼,睇功課等,和妳不一樣的是,不用攪清潔,做飯,洗碗,摺衫,洗奶樽,抺地和換床單等.我知道攪清潔是多費時的.如果妳不請工人,可有其他方法找回一點點時間?找婆婆幫手煮定晚餐或者到婆婆家吃完晚返才回家?請鐘點姨姨攪清潔等?
“不要老是看人家有多棒, 也得要給自己一些肯定和認同啊!!!”。。。講得好！在職全職都好，為了我們的孩子一齊加油吧！！！
藍天媽媽,我睇到巧巧幅相拿住個觸感球,我想問下可以係邊度買到??係吾係有分SIZE呢?? 多謝你回覆!
有時個囝/囡仲要係你最忙亂既時候扭/喊/發脾氣,考驗爸爸媽咪返咗一日工所淨無幾既EQ…但係佢地一錫,一笑,一hug,就咩都唔記得架喇…
爸B係一個80年代出世既人, 家境只係中下階層. 父母一樣需要外出工作, 早出晚歸. 在沒有工人的照顧下, 一樣健康成長~ 階因”人係可以被環境適應的”.
我不是看不起那些有工人姐姐的家庭, 但很不舌聽到那些請左工人還說在家有幾辛苦有幾想死, 和說出生左小朋友呢幾年就當自己坐緊監既父母.
無人會想坐監, 如果生小朋友照顧小朋友係當坐監的話, 請你地三思而後行!
我地從來都唔會叫辛苦, 沒有苦那有甜? 我大膽講一句, 現在香港人富裕左. 所以好多野都要其他人代勞, 好多事都想用錢解決. 就係呢個心態, 大家已經變得”好唔捱得”, 少少事就恕天尤人.
借林家棟在電台的一句”而家D 90後唔好, 係因為你地D 80後唔好, 唔識教好佢地”
希望大家都反思一下~
不要老是”叫苦”~ 努力吧~
(不喜勿插)
支持你…
我都係無請工人…但我好ddd,,就係晚飯到99家食…
應該話路是自己選擇…唔好咩事都抱怨
生得小孩…生活係點,自己都要接受
我都係在職媽咪….亦同版主一樣,沒有其他人OR工人幫忙湊我的寶貝女兒…
工作上…連一小時LUNCH TIME都可能沒有…因為我係有時間限制既員工,不能加班,每日要趕去接女兒放學以及買新鮮餸菜回家弄晚飯,所以我會盡我能力係WORKING HOUR做哂我既工作…BOSS有時心情唔好…實有說話比我聽下啦!(都幾難聽TIM架…樣樣都用我工作時間有限來攻擊,冇法…在職媽媽就係咁…要默默承受,通常呢種情況,做人就要睇開一點,自然冇咁難受—->因為用左EQ)
放工回家…又要爭取時間弄愛心晚餐…飯後又要同老公分別做一輪家務…同女兒做下功課,傾下計,真係每日都上演”爭分奪秒”架!!
** 但..我可以話我好喜歡每日放工接回寶貝女兒回家的一刻..因為我一定要她跟我來一個抱抱,親一下我這個媽咪…用上她既可愛又嬌嗲語氣叫我一聲”媽媽”…真係咩動力都因為她而一一回來
~~各位媽咪,你地都要識得享受下,唔好覺得兒女有多煩…其實哪個小孩會唔扭計,會唔聽話丫RIGHT!佢地大左…就唔會好似小時候咁嗲你…而家要珍惜下呀!
加油呀!各位靚媽!
我們跟你們是同一類, 亦沒有請工人姐姐, 雖然只是生了一小孩, 同樣感受到你要照顧兩個的辛勞.
是的, 全職媽媽跟在職媽媽同樣有疲累的時候, 只是在乎位置上的不同, 只要是自己的兒女, 不應抱怨辛苦, 否則不生也罷…
靖天媽媽很捧…我係車人媽..雖然我有工人姐姐..但我每日放工去買餱..回家給她煮..到家後忙於照顧姐弟 ..幫忙家務..9:30pm 才可以躺下休息下..弄細仔為樂…雖然真的沒有私人空間..但見她們的笑容..真的值回票價..小小苦..比起其他人已經很好了..大家一起加油唷
好開心睇到一篇講在職媽媽的，每次我同那些全職媽媽講我好想做全職，佢地就會話做全職幾咁辛苦，其實我都想話在職都好辛苦架。
每朝晨咁早起身執書包，餵奶俾細女，叫大女起身，刷牙，食早餐，換校服（係要佢自己著，唔係幫佢喎），跟住執好自己返工，喺公司俾老細話，俾下屬激，同事之間爾虞我詐，工作係有壓力架，有幾多份工係輕鬆架。放工接對女返屋企，係，我有工人幫我做家務，煮飯，但佢亦是我壓力來源之一。要有親子遊戲，一個睇兩個，溫書，仲未計俾嘛嘛縱的苦惱，有親子功課就唔駛瞓，其實在職媽媽也很辛苦，真的要加加油啊。
非常有同感, 我也是一腳踢媽媽, 有兩件無工人無人幫手, 每天同時間競賽, 就算幾累, 或那日病得溫溫dun dun 都無得休息… 最怕就係個女病, 一病無學返自己又要硬着頭皮打返工司請假, 個女入院更要請幾日假, 真係兩難!
請不要只看到自己的偉大, 所有做媽媽的都不容易!
靖天媽,我都有兩個小朋友在家，好明白那種與時間競的心情，每天放工就趕趕趕趕返屋企，趕食飯，趕沖涼，趕做功課，趕瞓覺，小朋友睡了就趕冼碗，趕抹地，趕晾衫，做完d嘢已經十二點幾，除了身體疲累，還有精神疲累，上網和睇劇，只有在車上面或lunchtime做。總之，各位媽媽，大家加油加油。
《集體回覆》
想不到, 文章都有人支持…
謝謝你們!!!
記得, 要多多支持, 多多交流啊!