受著學校教育, 靖天的想法, 都十分「正面」

某天接靖天放學,

看見靖天跟2個女同學, 被老師訓話中…

放學時, 媽咪立即問靖天:『頭先做咩俾老師鬧？』

靖天: 『邊個呀?』

媽咪: 『你呀!』

靖天:『我無俾老師鬧喎！』

媽咪:『無?! 你同XXX同埋XXX 被老師捉住鬧喎?』

靖天: 『老師都無鬧我地!!! 老師係提點我地咋!!!』

媽咪: 『 …….. …….. 咁老師提點你咩呢?』

靖天:『我地頭先去完廁所, O係廁所掛住傾偈唔出黎, 老師見到咪叫我地出黎, 提我地唔好匿O係廁所傾偈囉~~~ 同埋唔好O係課室拖住手行咋麻!』

媽咪: 『咁都唔叫鬧?』

靖天: 『都話老師唔會鬧我地咯!　佢提點我地咋～』

從靖天K1開始, 已經被老師”洗腦”教育,

這不是鬧, 是提點;

這不是罵, 是提醒;

日子漸久, 靖天也完全接受了「老師唔鬧人」的方程式…

是的, 靖天學校的老師, 真的不會兇巴巴的鬧學生 (至少媽咪沒見過!),

媽咪其實曾明言, 想班老師兇一點對靖天, 好讓她知道對與錯的大分別…

只是, 老師有她的教學模式和方法, 怎會單聽一個家長之說….

結果, 靖天也將這方程式更良: 『老師係唔會鬧我, 淨係得媽咪會鬧我架咋!』

.

.

上課期間, 跟其他女同學匿在廁所聊天不上課,

這可真大罪!!!

媽咪也十分吃驚, 何解應該只出現在小學甚至中學階段的行為,

會提前發生在只有5歲半 (K2)的靖天身上?!

這豈不是再一次暗示給媽咪知, 一年後靖天上了小學, 「好日子」大把等著媽咪去受?!

.

女兒…

您何時可以變回一個正常守規的女孩子?!

.

(101)

Comments

comments