嘩嘩嘩, 等左成個星期, 今日終於去拆線喇~

琴晚休息左一整晚, 唔洗當更, 因為老公知道我太辛苦…… 佢話佢搞掂, 謝謝你呀, 老公仔~~  訓到7點幾, 靖天喊, 見老公辛苦左成晚, 到我出馬喇!   其實我都好”需要“佢…… 實在太…….”硬“喇…….

搞左一個鐘, 佢訓左我又拿拿聲上床再恰多陣….. 事關天氣太凍喇….. 唔想起身!!!

跟住訓到十點度, 我知心肝差不多醒, 我就拿拿聲起身刷牙洗面食早餐, 不過都係佢快o的, 當我準備好早餐後, 佢又醒左, 仲要喊到拆天…….  都係唔夠佢快添…..

叫老公睇住陣我拿拿聲食埋件蛋糕就黎料喇!!!

因為今日要出去覆診+拆線, 所以決定餵耐少少靖天…….. 一餵就餵左差不多1個鐘喇….  雖然好想餵落去, 但真係要換衫走人喇, 唔係就遲到喇……

好唔捨得靖天……. 自己走左去…… 有少少唔開心添~ 唯有早去早回啦~~

去到巫e生度, 出奇地快, 等左半個鐘度就到我地喇,同巫e生講下湊b經, 跟住就拆線喇!!

私家果然係私家, 生完都有照聲波照, 哈哈……..  check下子宮有無問題先, 又check下四周有無異樣先, 再check埋o的….. 量正唔正常先…… 一切正常, 咁黎料喇!! 好驚呀!!!!

不過巫e生真係……勁溫柔……. 然後拂一拂蘭花手….. 搞掂!! 真係一o的都唔痛喎!!  呵呵!!!好野．．．．．．．．．． 真係嚇死人喇!!

同巫e生講起BF既問題…… 又講起屋企人既”雙重標準”….. 佢就不停安慰我….. 仲同老公講叫佢俾多o的支持我…. 聽聽下, 我又喊喇, 真係無用~~~   但係真係好窩心…. 一個e生, 都會講一o的咁體貼既說話去安慰個”病人”……. 謝謝你呀, 巫e生!!!!

拆線後既感覺: 好似真係無咁扯住, 無咁緊…… 腰都彎得多o的, 嘩哈哈!!!

(59)

Comments

comments