每日一扭
繼早幾日學左”如何令寶寶安睡”後………
爸b同埋媽咪我真係慢慢對靖天嚴加實行呢個政策…….
不過就唔係萬試萬靈…… 命中率約有80%啦~~ 
不過過程真係好殘忍…….要由佢喊, 就算喊到面又紅, 耳又紅……都要由佢不停咁喊….. 到咁上下先安撫下佢, 佢再唔停, 先抱下佢……… 有時望到佢o的眼淚, 真係心都痛埋…… 
但係呢, 實施左幾日, 基本上每日都會有一次係失靈的……. 
策略失靈時, 心肝就會狂喊, 完全唔會理你點安撫佢, 點tum佢…….佢都係話知你死, 繼續不停咁喊…… 
直至5分鐘, 10分鐘後, 你讓步抱起佢, 就會即刻收聲…… 然後, 佢就會慢慢, 乖乖咁訓覺……
不過一次半次…… 算啦…… 我都唔想心肝以為我唔要佢, 跟住佢又唔睬我, 咁我點算?!……
我唔得無左靖天架喎…….
所以最終爸b都妥協左, 我地決定一步一步黎…….. 唔再迫靖天……
靖天啊靖天, 希望您有一日, 真係可以學懂獨立訓覺啦~~ 
(93)
係啦,慢慢黎,因為我都睇過D書,話如果太任由佢喊,會令佢覺得唔SECURE,大個個人冇咩安全感!
我睇完你篇文, 嘗試過, 命中率係零…..我個女, 都係不停喊….乜辦法都唔得,even抱都唔得, 死未?!
哈哈, 我地再繼續交流下………