唔經唔覺, 咁就一個月喇………

我心愛既靖天已經一個月大喇…… 時間過得真係好快…….

睇住心肝呢個月既轉變, 真係百般滋味, 縱使只係短短既一個月….

最開心, 莫過於身邊既人話靖天佢大隻左……. 呢一句, 真係俾我一枝好大既強心針……

同佢換片時, 望住佢大脾仔再唔係香雞腳, 變成田雞腳…. 做媽咪既我, 總有一份滿足感…..

見到爸b同佢沖涼時, 佢手臂仔開始變成一節節, 証明, 我既心血, 無白費…..

我真係餵得飽我個女……. 佢真係大隻左~~!!!!

黎緊星期三, 就要去健康院磅重打針, 亦都係派成績表既大日子…… 究竟我既靖天重左幾多?! 對我黎講真係好重要…… 因為佢既重量, 足以可以塞住好多人把口…….

除此之外, 心肝既視力似乎…….都有點點兒改變…… 開始感覺到有人影o係佢身邊, 我企o係佢隔離, 佢會眼定定咁望住我….. 雖然佢未必知我係佢媽咪, 但佢既眼神…… 總係令我感覺到愛既存在………

有時佢嫣然一笑, 對我呢個新手媽媽黎講……. 係一種鼓勵, 一種動力…… 好似o係度話: 媽咪, 你要加油……. 要堅持……

我哭既時候, 佢又好似感受到我既唔開心….. 會呆呆的凝視我…… 好似o係度話: 媽咪唔好喊, 靖天會乖乖…….

總之……… 呢一個月, 只係短短既一個月, 我已經感受到做人媽咪既甜酸苦辣……但我仍然係好享受……..亦都樂在其中……. 我期望住, 未來每一個月…… 能夠見到我心肝快高長大, 健健康康, 乜野都唔再重要…….

========================================

為左隆重其視, 呢一晚, 靖天既公公婆婆, 爺爺麻麻等…… 就o係屋企樓下搞左個滿月宴, 都係想坐埋食餐飯, 見証靖天既長大…….

婆婆同埋公公, 仲有舅父仔同埋姨姨

麻麻爺爺, 仲有叔叔, 叔公, 太麻

靖天: 你乜水!?

靖天: 當我咩….. 我係公主黎架, 你地咁抱我架!!!

靖天: 包米好重呀…… 攞開佢啦~

(93)

Comments

comments