今日去完健康院…. 又俾左自己一枝強心針…..

今日去到健康院, 因為一o的餵母乳既問題, 見我地個姑娘叫我去個咩咩小組到問下姑娘, 由於要示範俾姑娘睇下個姿勢o岩唔o岩 (唔洗示我都知o岩啦…. 呵呵! ) 咁就要整醒我個靖天喇….. 姑娘真係好粗老….係咁o係度搖我個靖天…. 唔洗1分鐘, 我心肝就當堂醒曬…. 勁!

一埋身, 姑娘就讚心肝佢食得好叻…. 又話我餵得好輕鬆, 絕對不成問題, 亦都唔會無奶俾心肝食喎……  其實……我夠知我心肝叻啦, 早o係佢o係e院我第二次餵佢, 我就知佢識得食, 又無nipple confusion…. 所有既技術性問題都解決左…… 爭在係, 我呢間工廠, 產量唔夠咋麻~~~

姑娘話係唔會無架喎…. 緃洗唔谷唔實, 都一定會有奶…. bb既吸啜能力係好神奇咁話喎….

姑娘仲叫我唔好再俾奶粉佢食….. 要兩個鐘頭餵一次….密密餵…… 加上睇埋佢重量, 佢無可能唔夠食….  … 雖然補過奶粉, 但只係幾次, 唔會太影響個磅數喎! 所以彩虹牌著實係…食得飽心肝啊……

好啦, 既然姑娘咁講….. 我就決定唔再補奶粉俾靖天, 密密餵佢…… 同埋要學下訓晏覺….

雖然我都知自己奶量可能緊緊夠心肝食… 下個月返左工就唔可以全人奶…. 不過我呢個窮媽媽會盡最大既能力俾我心肝最好既野……

我仲問姑娘有無可能追到去中碼…..又問食奶粉真係會食得bb肥o的…. 點知就俾姑娘話o係佢地角度係無大中細碼bb之分, 只要跟住條生長線咁去就ok….. 而且bb既重量有50%既遺傳….. (咁死啦, 我做人媽咪, 本身都唔多吸收既!) 重既bb唔代表身體好(咦? 會唔會得罪好多媽咪呢?!) , 大家望到既只係體重, 咁又望唔到其實bb本身既營養有幾高….. 姑娘仲好肯定話食人奶既bb, 營養一定高過食奶粉既bb, 所以叫我唔好再睇住bb既體重做人…..  

其實…… 我咁問只係想由姑娘把口話俾我媽咪聽 (早知帶埋我99黎, 話埋佢知!!!) ……. 唔好再成日攞我心肝個體重黎話我…. 成日要我塞奶粉俾個女食…… 我餵唔餵得飽我個女, 我自已好清楚…

我懷胎十月, 辛辛苦苦咁經營, 又捱一刀咁生佢出黎…… 我會唔會要我個女餓親先??? 你可以唔支持我, 潑我冷水, 但唔好成日話我餵親個女!!!!!!!!!!!!! 我個女食幾多, 著幾多, 我呢個做媽咪既心中有數!!!!  個女重左, 讚都無讚我一句話我餵得好….. 我平心靜氣咁同佢解釋條生長線係咩….. 佢又唔聽….. …… 就算聽左, 又點呢!? 佢又明唔明? 理解唔理解?

上一輩既人….. 係咁架啦….. 好出奇呀!!!

總之, 我仲有一滴, 我都會俾埋我個女……..!!!!

仍然堅信, 世上最寶貴最好既食物, 給自己既兒女, 就係母乳!!!!

(87)

Comments

comments