靖天回家了…….
呢一日, 就好似返返去初初o係e院生完您, 去育嬰室餵您一樣……..
前一晚, 無左您, 雖然一覺訓到天明…… 但起身後, 爸b上班去, 您呢? 您可能還在婆婆的懷中睡得正甜……. 成間屋只得我一個….. 感覺認真不好受……
八點起身, 拿拿聲刷牙洗面, 跟住搞下間廠, 
make-sure佢運作正常無阻塞, 上网check左email, 清左公司野, 我就拿拿聲換衫過去您婆婆度…….就好似當初o係e院, 媽咪一早起身梳洗好, 去育嬰室餵您一樣…….. 
上到您婆婆家….. 第一時間見到您眼仔碌碌, 真係想喊出黎……. 抱住您, 問左您一句: 我係媽咪呀…..您仲認唔認得我呀…….
當然您係唔會答我啦, 您只係眼仔碌碌咁望住我….. 千言萬語…….
其實呢一日, 媽咪我已經無曬事, 只係個胸好痛好痛 (梗係, 前一晚俾人咁大力按黎…..) 
所以真係好想帶您返屋企……
去到夜晚, 爸b都上埋黎喇….. 見爸b精神都還可, 不是太病, 所以我就決定接您回家喇!! 
就算辛苦o的, 我都想您陪住我……… (係啊, 您爸b話我好痴身喎, kakakaka) 如是者我地就又拿拿臨幫您執行李返屋企喇…….. 就好似o個陣我同您出院時咁….. o的感覺真係好奇妙……. 
希望……. 今次只係one & the only One…… 唔好再有下次啦~ 
(33)
你可以訓到天光就好啦~我上次病左~都唔可以呀~唔知點解自己隔一陣就醒~好掛住個女~
我地做媽媽既都係甘樣~真係攪笑
可能真係攰, 同埋知道…… 只要到天光就可以見到個女卦……哈哈;