究竟點解會咁輕?!
朋友既bb女剛出世….. 聽聞話有8磅…. 
其實知道一刻真係幾唔開心….. 心諗: 人地話咁易就生個8磅既bb, 我個女呢…..成個月, 都仲未有8磅….. 個心, 好酸…… 
成日會問老公, 係咪我既問題 (當然佢會話唔係啦…..) 
曾經都有身邊既親人, 半怪責我唔知係咪亂食野, 搞到個女咁輕磅……
我都會諗: 係咪我既錯……….
然後, 呢一日我又走去問我個中醫…. 點解點解……..
初初中e都費事睬我 (話說呢個中e好玩得), 然後又自言自言話:
『你又咁心急…… 身體個機能都未係最好, 就要生bb, 咁梗係會咁架啦….』言則, 即係我本身個身體底子唔夠好, 所以先生個奀妹……
跟住佢又話…….『陀又陀得比人輕鬆, 無病無痛, 生又生得舒服, 復原時又比人快, 你仲想點丫……』
佢講完之後, 我回心一諗: 咁又係既…… 真係陀住心肝時, 係初頭少少病外, 十40個禮拜都好舒服, 無病無嘔乜都無, 食得又訓得…… 到生o個陣, 我話俾人聽開刀但唔痛, 都無人信…… 跟住都坐月復原期間, 又係精神交奕奕, 更加可以順利咁餵到心肝 (雖然個量唔多) 我仲想點……..
再者, 要將依家呢個靖天 (7磅有多), 放入我個肚, 真係好難想像個肚會幾咁大…… 究竟我塞唔塞得落…….
或者……. 我本身既體質, 真係唔配有個重磅bb………
唯有俾心機, 令佢變得肥頭得意…….. 靖天, 您要加油!!!!
(185)
重唔重磅唔係最緊要的, 最緊要靖天健健康康啦~ :p
有好多 BB 一出世就有好多問題, 相比起o黎, 你o地一家已經好幸福了!
嘻嘻, 我見妳都唔係肥開o既, 我諗斷估靖天第時都唔會好肥掛~
只要佢唔係真係輕到過o左同齡BB 體重o既 lower limit 就得啦
小敏, 你o的口吻真係好似一個e生……哈哈;
不過多謝你, 真係好受用…….
yy, 可能我又餵人奶…. 其實我自己對自己都無乜信心……..
你個中醫真係幾攪笑wor!
係啦, 唔洗同人比, 人地唔好既野你唔知姐, 有邊個會將自己唔好既野同人講先得ga
我都曾經怪過自己0架, 點解人地陀得咁好, 我仲要搞到個胎盤都有問題個女唔吸收…..但係,我真係盡0左力啦, 我真係冇對唔住我個女, 雖然我都會怪自己曾經喊過好多次, 但其實我真係做晒我所做0既 0野了, 事實佢都係咁, 我都真係好無奈, 試問有邊個媽媽想見到自己個bb咁樣呢?!所以, 你都唔需要唔開心, 因為佢一定會知道我地0既苦心, 唔係媽咪唔鍚佢, 媽咪都為0左呢樣0野唔開心喊過, 相信佢一定會明白的, 而且, 我地0係佢出世之後好努力地做個好媽媽, 佢一定會感受到的!
我0地一起努力吧!不要忘記我個女出世比你個女更輕添啦, 而家咪慢慢長番d肉囉, 總算有點安慰啦!
唔洗同人比既~~重又一定健康既~~最緊要健康ja~~
見到靖天一日比一日精靈~健康~就已經好好架啦~
maggie, 我明白既………; 但都會心酸架麻;
愷蔚…. 係喎, 好可愛架佢
係呀, 睇到佢笑, 腳仔郁郁, 真係好安慰……