邊個同我爭?!
做咩成曰都有人同我爭靖天……….好反感~~~ 
頭號人物, 梗係成曰要幫我湊住心肝既…..
成曰話心肝點點點……又話我點點點….. 最經典如下: 「 」
「嘩, 無見您幾曰, 乜你醜樣左咁多架…… 」 — 言下之意好似暗示我搞到個女好醜樣咁?!
「吳靖呀吳靖…….. 您以後就叫吳靖啦…. 」 — 心肝叫吳靖天, 唔係叫吳靖…… 做咩成改個咁肉酸既花名?!
當我話心肝扭計時…. 佢就會: 「可能掛住我呀…. 你湊佢過黎丫麻~~~ 」 — 算點?! 喊下就掛住您? 如果我個女係咁養唔熟, 咁我唔要喇!!!!!
有時O係屋企做埋公司野先湊返靖天, 又會話: 「捨得打黎喇咩? 你依家唔洗要個女架啦… 」 — 我唔洗做咩?!~~~ 我都想唔洗做, 淨係湊女煮飯洗衫呀, 我得先得架~~!!! 你幫我睇住幾個鐘O者… 洗唔洗咁講野? 陣間你又咁同我個女講, 個女真係以為佢阿媽我唔要佢, 咁點呀?!
正所謂…….. 講者無心, 但聽者有意!!!!
唔好乜都叉能住我一番得唔得???? 
唔好成曰離間我同個女得唔得????
爸B已經開始表示佢既不滿…….真係好難做….
又暗示俾”第2號人物”湊會好O的… 有幾好?! 我完全睇唔到有幾好…… 兩位”高手”都係不相伯仲咋…..
我幾時先可以真真正正咁擁有我既靖天?! 
幾時先可以曰曰夜夜對住佢, 陪住佢, 教育佢?~~ 自已既女兒, 我真心希望可以自已教返…… 我真係有好多野想話佢知…同佢分享… 教佢點做…
(132)
haha, 我唔鍾意講反話架麻………
我都係同yy一樣咁諗wor，係要講反話架嘛，我都成日話弘傲醜樣豬haha~你已經好過我架啦，比你媽咪湊有d咩都可話佢，我奶奶湊就唔得啦!
老人家話你個女醜樣可能係講緊反話呢, 算啦,我話你個女唔醜就得啦,靖天不知幾靚女眼大大~~~
係囉…其實我都覺得如果可以自己湊真係好好多…最少你唔會有依家唔開心既事…個女有d咩至少係自己教出來,唔駛後悔!!
不如你同你老公商量下啦…!!
駛少d冇話唔得架!!!!!
但有D野…MISS左就係MISS左…
(BB既成長呀!!!)
支持你呀!!!!
你真係識TUM人架. 衰鬼~
我完全明白….. 但深知無可能
真係好難做…
第1號人物應該係你媽咪啦, right? 自己媽咪, 唔高興都可以出兩句聲. 但奶奶的話, 幾唔高興都只能忍….
如果你同你老公都有同感,一係大家傾下你唔好做啦!最多駛小d,用小d,唔可以陪伴自己個b成長,真係搵幾多都冇用,加上俾得你媽咪湊就冇得出乜聲,佢點教亦好難控制到,奶奶更加啦!再唔係請工人,不過個風險仲高!
哈哈, 林師奶真聰明~~~
唉…….. 出得幾多句丫, 費事嘈交……..
所以你話係咪自己湊最好呢…….
可惜….. 點洗小o的, 都係唔掂………