生? 唔生? 生? 唔生?
身邊好多人知道我生左靖天後, 都叫我快o的生第二個…….
其實有左靖天之後, 真係無再諗生第二個………
自己既時間已經唔多夠用, 唔想生多個之後, 我少理左靖天呢個女…… 我希望生得佢出, 就全心全意咁照顧佢, 將所有最好既野, 同埋我既愛都俾佢….. 唔想抱住有人我有, 又或者係拿拿聲生多個第日唔洗煩既心態去要小朋友……..
但係今日收到有個既係上司, 又係朋友既電話…….
J: 講樣唔開心既野俾你聽丫…….
我: (好驚, 以為又做錯野), 咩事呀……..
J: 我個BB……無左呀…….
我: (好意外) 下…….點會咁架…….
J: 可能前兩日個FUNCTION操勞得濟, 第二日就有少少流血, 拿拿聲去睇E生, 佢話無左…..
我: (啞口無言)……. 你……. 唔好唔開心啦…… (下刪幾百字)
呢個上司係一個好靚女, 好本事好能幹又係萬人迷既女士……. 有事業有錢….. 開心無架子….. 佢就係因為見我陀BB陀得咁開心, 生個B女出黎又咁靚咁精靈, 就一早心思思咁造人, 縱使已年屆高齡產婦……..
雖然只係有左4周, BB無聲無息咁走左……
但我可以想像, 佢係有幾心痛, 有幾傷心…...
收線後, 我就即刻諗, 我依家成日話唔生唔生,
但其實好多人想生又未必有……. 生BB始終都係講緣份, 究竟我會唔會有一日我又好想要多個BB時, 但上天就唔再俾我呢個機會…….?!
生, 與唔生……..究竟應該如何取捨?! 
(120)
後生女,唔怕wor~~想生就生啦
我都好想生2個…
就係因為你呢O的CASE, 我先覺得, 有能力有機會生, 就要珍惜囉~
唔會卦~
順其自然就得啦，唔駛諗咁多既，我話想要第2個啫，但可能個天都唔想我有呢!
想生咪生law~唔洗諗甘多既~~
係你就係你架啦~~緣份呢家野真係話唔埋
我分享下咋, ……….. 衰婆!
隨綠啦~ 要來的咪生囉~
係呀,雖然我把口都成日話唔生唔生,不過第2時先算啦,時機到咪生囉, 將來0既事冇人會知嘛,係咪先,哈哈~~
haha……要來?唔係咁邪麻
haha~~ 你真係丫!