靖天整手蠟
一直都好想幫靖天整返個手蠟腳蠟做個紀念….. 終於O係靖天100曰之前既星期曰, 我地就約左間公司上門幫靖天倒模喇~~~~
約左2點上黎, 呢位哥哥仔好準時, 1點9就到左喇!!
入到黎就即刻同靖天SAY HI….. 好NICE啊!
跟住佢就開始準備喇…….
睇下靖天笑得幾開心….. 衰妹, 見到靚仔就笑到咁甜!!! 
靖天: 咩黎既呢?~~ 粉紅色, 咁似奶昔既?!
靖天: 杰撻撻….. 痴住我隻手仔好唔舒服呀…. 得未呀?!
靖天: 得未呀, 哥哥, 我打喊露喇!
靖天: 爸B你咁都好影既!
靖天: 好悶呀….. 囉得隻手出黎未呀…. (無聊之際, 靖天O係度玩口水)
靖天: 搞掂!!!! 36著, 走為上著!!!!
(132)
我地係哲哲一個月大時整的…但佢依家3個幾月我地都未比, 你就知我地幾懶啦…一味拖!
咁你真係懶到出汁喎~~~~
未有呀….. 要等成個月架;
要成個月架…….唉;
我都有幫哲哲整手, 可惜我懶…仲未比張相人地, 個相架有排都拎唔到lu….
唉, 唔好話你, 我老公都未俾啦, 哼!
見仔就笑, 呢個女應該都養唔熟架喇~~~
無架, 塞佢隻手入個模到, 跟住等佢乾, 囉返出黎就OK架喇………..
hi, 我阿女都有整手蠟呀, 阿女係兩個月時整, 佢無靖天妹妹咁好笑容, 一開始整隻手時呆左, 跟住就喊啦, ha….ha……靖天妹妹真係好叻叻………P.S. 我阿女細靖天妹妹兩日, 阿女係1月4日出世。
靖天真係超攪笑
睇佢第一張望到哥哥
笑到開心到個樣呢~~~
wahahahaha
但整手蠟隻手唔係要定 ga meh?
點控制靖天隻手 or 啲手指唔好郁O黎郁去?
係 wor, 靖天細阿女兩日…. 傻左 tim…..
我阿女而家好d啦, 同佢搭時, 係咁同d陌生人eerr, 人地都唔睬佢, 佢就 rr 到人睬佢, 真係吹漲….
尼個哥哥一定氹得靖天好開心, 係咁笑….
個手蠟腳蠟有無相睇下呀?
第一張相靖天個樣好似你老公呀!!! 係呢? 幾時有製成品睇呀??
becky, 應該係靖天細你個女兩日呀, 傻瓜…..
係呀, 個哥哥都勁讚靖天好乖好叻, 佢話佢上一個客, 見到佢一入門口就喊到收唔到聲…… 喊足全程, 但係靖天就一見到個哥哥入屋首先好奇跟住就好興奮…….. (呢個女養唔熟架, 一見係”仔”就笑……)