返左成日工, 已經好攰…….. 加上同老公又……..  心情真係唔多好……..

係咁忙係咁忙…….收工就一枝箭咁去搭車

排到村巴, 點知上上下無位, 咁咪企返o係原位等囉……. 點知車到, 架死村巴o係後面位置停車, 咁原來o個度已經又成條隊有人等緊……. 排我前面o的人梗係唔理咁多, 照上啦, 咪勁俾人詁我地打尖囉…… 本來好想爆粗 (關我地叉事, 我地排緊架啦!) 點知已經有好多人出左聲, 慳返!

上到車就怒訓……….

知道架車到左屯門, 但未落得車咪再合埋眼囉……點知打開眼時, 竟然已經過左籠, 去緊第2個站…….  唉……. 心諗: 算啦, 都過左籠咯, 唯有下站落車轉的士回家啦~~~

落左車, 又9秒9咁仆上架的士, 講到明我去XX花園!!!! 途中仲安慰自己, 算啦, 坐架的士可以去到屋企樓下落…… 十幾蚊豪俾佢…….

點知去到十字路口, 架死的士竟然直去……. (我屋企要右轉架!!!!)

我即刻大聲同司機講: XX花園喎…….

呢位人兄真搞笑, 佢竟然話: 下? XX花園咩? 你唔係去XX體育館咩……

咁我唯有答佢: 唔係呀, 去XX花園呀…….  佢好唔好意思咁講左句唔好意思, 仲要繼續行喎, 咁我咪話: 你停車啦……..(正如有個巴士站)

呢位司機真係超低能, 佢反問返我, 遠唔遠呀……..?!

已經極度無奈既我, 唯有答佢: OK啦……..

佢就停左車俾我……. 落車後, 又死死氣咁行返返屋企, 條路, 仲遠過我平時落村巴O個度……

正所謂, 黑起上黎真係有條路…… 好彩都平安返到屋企……. 我幾驚行行下連屎都踩埋…… 又或者仆一跤……. 咁就真係要買六合彩…..

(96)

Comments

comments