食手指就個個BB都識…..但食到咁, 又算唔算係食呢?!

靖天好耐之前已經識得將隻手放入個口到….. 但佢唔係啜, 亦都未叫做上癮, 所以由最初唔俾佢食, 到依家唔過份都由佢……..

不過呢兩星期靖天婆婆話靖天”嘔”牙仔喎…. 因為靖天O的便便似呢個情況, 又話佢好似牙痕咁成日想搵野咬, 如果我地俾隻手指佢, 佢仲會咬住唔放, 擺入個口度係咁磨係咁磨.... 跟住就會好冧……… 同埋佢成日都流口水啦, 一大PAT一大PAT咁流出黎…..

某日同一位媽咪傾開, 佢都話靖天既情況中曬……. 應該真係”嘔”牙仔……..

同其他朋友講起, 都話無可能, 因為靖天4個月都未夠, 叫我唔好發夢喎……

講真, 我無發夢, 著實靖天幾時出牙仔, 我都唔覺得有咩問題, 反而我真係唔想佢咁早就出牙仔添……….  靖天婆婆話, 當年我都係咁, 3個幾月就”嘔”, 一路”嘔”到成歲先出第1隻…… 其間又會發下燒咁…. 總之就好麻煩……..

咁靖天真係遺傳我, 都唔出奇丫 (但幾時”嘔”牙仔都有得遺傳..? 唔會卦?)

ANYWAY……… 都錄低左靖天食手指既罪証!!!! 佢仲要衰到食食下發現我錄佢, 佢就好唔好意思咁放返隻手出黎……仲要O係塊面度抹……. 天啊!!!!! 心肝, 你O的濕疹剛剛好返咋, 係咪又想黎過呀?!

(83)

Comments

comments