思念。故友
因為性格上有嚴重既缺陷, 所以一直以黎, 交心既同性朋友, 真係好少……..
讀大學時, 遇到一位女同學, 第一次見佢就覺得似曾相識, 問佢係咪小學, 甚至幼稚園同學, 又唔係喎, 但總有種親切既感覺~~~~~ 相反, 佢同樣覺得我好面善, 或者, 呢O的就叫做緣…….
然後, 讀大學既3年, 返親學都好似糖痴豆咁……. 著實, 佢亦都影響左我好多, 例如邊度買平衫啦, 邊度食好野啦, 仲介紹左個一流既髮型師俾我 (但勁貴, 又勁遠)………
最記得O個陣去韓國, 一件厚衫都無, 點揀點睇, 都買唔到, 佢就借左佢件大褸俾我, 又借左幾件厚衫厚褲俾我………. 依家諗返, 真係好窩心…..
係好朋友同意, 但亦都係我假敵……. 妒忌佢細細個就有得四圍去, 妒忌佢唔點讀書, 都可以囉個FIRST HONOR, 妒忌佢有個好叻教識佢好多野既男朋友 (雖然大過佢”少少”)………
隨住當年唔見左個電話搞到無曬朋友既CONTACT, 加上ICQ息微, 呢位摰友唔興上网所以無佢MSN, 畢業後, 就漸漸咁疏遠……
仲記得舊年結婚, 因為好想話佢知: 我結婚喇, O個曰仲要係你生曰黎架!!!!! 
著實真係用過心, 去搵返佢, 例如特登裝返個ICQ 叫佢, 不過無回覆; 問返一O的O係MSN十世都唔傾偈既大學同學有無佢電話, 結果都係徒然…. 
直至近期”面書”既興起, 又再次搵呀搵, 搵呀搵, 不過似乎, 呢位摰友, 一係就無開A/C, 一係就連名都改埋…………….. 
其實”面書”可以話係一本”尋人”黃頁, 一O的當年恨透我既人, 都走黎ADD我, 可想而知, 佢既网絡係幾咁大, 如果咁都搵唔到, 我估, 可能呢一世, 都無乜機會再搵返呢個舊朋友~~~~~~
Carol, 好肉麻咁講一句: 真係掛住你~~~~~~ 好懷念以前讀書同你落TST 係咁行街買野; 好懷念你陪我走均沙田旺角大埔就係想幫我搵到雪鞋; 好懷念同你一齊行山既曰子……..
如果有一曰, 你可以睇到呢篇文章, 記得留言…….
真心真心真心咁, 好想與你一聚!!!!!
(261)
我其實都有些舊朋友想找返, 都係不知不覺咁淡忘同冇連絡, 諗返起真係好可惜, 所以依家我要好好珍惜身邊既朋友, keep contact, 我好珍惜你地ga~~
祝你早日找到carol啦
要搵一個人, 似乎真係要講緣份………
係呀﹐人越大就越念舊﹐越o黎越珍惜我地o既舊朋友。不過﹐有時緣份o既野係好難講o既﹐如果你地有緣份o既話﹐也許你地有機會再見呢。
係, 有緣千里能相會……..
仲乜甘話自己呀, 雖然未見過你本人,但字裏行間都覺得你好有正義感兼樂於助人呀,儍更更甘好可愛吖
有正…….義……..感………?????????
何以見得?!
多謝分享！~~~
MichelleI, agreed what you said! At least, I could feel Rainbow is not a selfish person. She was always willing to share what she knew.
好大頂高帽……..令我受寵若驚…….
好感人呀!
我都有個小學年代既好朋友失散咗!!
大約10年前度我哋仲keep住書信聯絡 (佢移民咗去加拿大), 寫下寫下….越覆越慢, 後尾仲……
跟住大家搬咗, 於是我哋既書信聯絡都斷埋.
我同你一樣, 試過喺面書 search佢, 不過都搵唔到. 加拿大唔通唔興上網既…..??
有緣始終能相會, 我信架………