被magmag炸中了…….. 仲要遲左咁多先寫, 實在抱歉…..

1./ 你寫 blog有多久? 最初為什麼會有寫 blog的念頭?

其實寫blog既日子都算長…….大約係兩年前搞結婚既時候, 見人地個個開個blog講結婚咁過癮, 自己就開返一個, 寫低結婚既鎖事, 等自己一個回憶….. 之後有左bb, 就再決定開個blog, 記得懷孕既一點一滴, 好想第日心肝睇返, 知道以前佢媽咪陀住佢係點…… 慢慢習慣左, 到今年生左心肝, 就決定開自己最後一個blog, 將咱們仨既一點一滴都記低曬….. 俾自己, 俾靖天, 留一個回憶….

其實以前都有blog既習慣, xanga都有寫過一段時間, 但全部都係一o的好負面既野, 呢個blog從來都無人知道, 只係俾自己一個發洩既media……但隨住自己越黎越幸福 (kakakaka) xanga個blog都俾我荒廢了……

2./ 寫 blog至今, 最難忘的事是什麼?

其實寫blog至今一直都好平凡, 無乜特別事….. 有時都會好激氣因為打成篇野因為自己一個唔小心就del左…… 但講到最難忘, 可算係”咱們仨”呢個blog突破左十萬瀏覽….. 好難想像一個咁小品既日誌, 可以o係短短幾個月入面有十萬人瀏覽過…… 著實係一個鼓勵, 一個推動, 令自己更加想每日都update, 寫低身邊既一點一滴 

3./ 你覺得寫 blog最重要的元素是什麼?

最重要係個心囉….. 寫blog好隨意, 好個人, 寫乜都得…. 寫自己又得, 寫人地又得, 讚人又得, 鬧人又得….. 真係好視乎用咩心態去寫~~~

4./ 請用一個詞語/東西形容你的 blog. 為什麼會有這樣的想法?

(呢題可唔可以唔答…… 好難……)

一個屬於自己既資料庫卦….. 放左自己好多既心得同埋資料, 尤其是呢6個月入面, 咱們仨主要都以靖天為主, 佢既成長, 佢既發展……. 其實好希望有朝一日, 佢唔再係資料庫, 而係一本”笑話”, 記錄好多咱們仨既趣事….

5./ blog在你的生活中擔當什麼角色?

一本小說, 一套真人show….. 甚至係一份報紙; 著實連報紙我都無咁神心日日睇住, 但係朋友們既blog就真係日日更新….. 哈哈~~ 無左blog, 好似唔知點咁; 亦都好想藉住寫blog, 給自己一個機會認識更多新朋友……

6./ 你覺得和 mysinablog的 blogger們有著怎麼樣的關係?

所認識既sinablog blogger都係媽咪級, 就算唔係媽咪級都係一o的認識左好耐既网上朋友, 好親切, 好真誠…….

好, 誰來接棒?

我問過magmag佢話唔洗一定搵人接,
咁就等有緣人見到去接啦…….
(因為我想既人都已經俾人tag曬……)

(119)

Comments

comments