無知靖天 VS 野蠻小氣媽咪
當無知的靖天, 遇上野蠻又小氣的媽咪時…… 
傳聞早一陣子, 靖天婆婆就同我講, 話心肝佢叫左”MAMA“叫左成日, 仲話中間仲會叫”媽咪“….. 我懷疑之際, 靖天個傻姨 (即係我細妹), 又加把嘴話佢都聽到好清楚心肝佢係叫緊”媽咪“……. 可惜我一聲都聽唔到…… 咁當然唔算數~ 
然後, 打風當日, 靖天唔知做乜, 係咁叫”爸爸“, 足足BABABABABABABA左十幾個鐘, 由朝叫到黑…… 咁我咪同靖天講: 叫媽媽得唔得呀?! 可惜個衰妹仍然係BABABABABA咁應我…. 
實在係極度無癮……..
忟忟地, 夜晚咪唔鬼理佢, 尤佢爸爸抱個夠…….
然後心肝見到我唔理佢唔抱佢, 就足足扭左成個鐘….. 係咁喊, 係咁喊~~~
佢爸B梗當然係無曬佢計啦….
既然佢叫爸爸叫得咁過癮, 咁即係佢要BABA唔係要MAMA啦~ 咁咪等爸爸照顧佢囉~
當然最後心軟既係自己…….
抱起靖天後, 足足成個鐘佢都唔願訓, 就淨係趴左O係我心口, 唔郁, 條氣又束曬…. 其實心入面, 挺難過, 心諗: 係咪對佢太harsh?!
靖天, 希望您知道您自己究竟需要邊個…… 
***************************************
其實小朋友咁細個, 講說話多是無意識既發音, 但唔知點解靖天”爸”足全日, 個心真係好難受, 點解佢唔可以”媽”我成日?!
係小氣….. 真係好小氣, 亦都好橫蠻…….
係咪越愛得深, 就越會咁唔理智?!
(136)
我有時都會因為QQ痴爸爸多D, 而有少少唔開心架, 我覺得好正常啫~
哈哈, 大少少識性時仲只叫爸爸真係會幾嘔血
哈哈… 靖天媽﹐大人不記”小人”過~ 小小靖天相信係唔係有心o架﹐有時D 人仔只係隨口發音o者﹐唔一定有特別意思o既﹗好快靖天就會真真正正叫媽咪o架啦﹗
傻啦, 洗乜小器,講真, 佢0地真係冇意識叫之嘛, 等佢再大d再只叫爸爸先整頓佢啦
佢叫爸爸, 咁咪爸爸湊佢囉, ………哼
我期待住……..
咁我小氣麻…… 呵呵
我個女痴我多o的架, 但就偏偏叫爸爸….. 叫不停…..