靖天上學了@ Playgroup 第一課
靖天踏入第8個月, 就上左佢人生既第一堂課…. Playgroup Lesson 1~~~
3點半準備時到…. 仲有好多同學仔未到啊~~ 於是同dr poon傾下偈, 靖天又出奇地乖…. 唔出聲, 無扭計, 坐左成十幾分鐘直至齊人開始, 佢先開始要我地抱…都算係咁…..
全程個幾鐘…. 靖天就好乖咁, 上堂, 聽書, 一齊玩…… 到完結時先至扭眼訓…..
靖天今日既表現真係比我想像中好好多好多倍…… 希望未來既課堂, 靖天都好似今日咁, 有好表現~~!!! 
老師既魔力真係大…. 未見過靖天咁乖咁坐住…
幾留心聽書……..
開始實踐遊戲…. 靖天算係8個小b入面最活躍既幾個咯! 
靖天練習完第一部份後, 老師講課時佢又要加插意見…. 第日返學會咁麼?
然後, 當各同學仔學習點”爬”既時候, 靖天就呆呆咁坐左o係人群中….
當同學仔都o係度玩波仔時, 靖天已經靜靜悄咁…. 有左佢既新目標: 黃色波波~~~
然後就黎左一幕”搶玩具”….. 同學仔攬實個波, 靖天都仲要走埋去搶…真失禮~
最後, 靖天仲俾老師捉左去玩學行……
(141)
原來靖天跟dr poon上堂, 我都好期待啟仁的第一課
見到佢d playground都好受歡迎
靖天幾時開始食奶咀家? 佢有無啜手指呀? 我阿B (2個月大咋) 開始食手指呀, 好煩丫……
請問 playgroup 對BB有用嗎? 邊度有playgroup 揾到呢?
多多指教丫~
你好; 靖天出世都係約2個月度就食奶咀…..因為我唔想做佢人肉奶咀, 唯有…. 出此下策囉;
佢就好少食手指, 因為已經有奶咀安撫左佢喇麻….
我so far都係上左一堂pg, 未知有無用, 但有個機會俾佢見多o的bb, 我又可以同其他媽咪交流下咁, 都係一件好事既….
呢個pg 係一個bk 0801既媽咪搞架, 如果你有興趣可以留意下”幼潛”……
靖天咁叻比 dr poon 選中，我諗佢真係會好快識行囉！^^
咁o岩得咁q o者……. xdxdxd
你都識dr poon?
係咩? 哈哈….. 你地0712 既bk會有無搞?