獨自一人
記得n年前有一個廣告….. 係賣V.S.O.P…..
大約故事係咁~~~~
女主角O係廣告入面話: 佢好錫我架…. 我去邊佢都陪我既, 行街啦, 睇戲啦, 乜都俾我話曬事… 但係一講到呢樣, 就無我份喇…… (然後男主角同成班fd o係背後出場…)
女主角: 佢話呢o的野男人先至o岩feel喎…….
廣告係賣緊V.S.O.P……. 估唔到n年後我仲記得…..
呢一晚, 因為c6既好好好朋友生日, 所以又變埋成班一齊fever….
當然, 仲未飲得酒既我再加個小公主….. 梗係唔會有我份…. 
有時, 都唔知應該係支持佢去應酬? 還是應該事事管住佢?!
明知飲酒對身體唔好… (唔知佢仲記唔記得”You are Overweighted!~~@@~~), 飲完酒仲要半通頂, 第2朝實無曬精神陪我同靖天….
唔嬲唔理, 但又做唔到叫佢”去啦去啦, 你玩得開心o的, 唔洗理我同個女架”…..
女人…… 永遠都係麻煩的動物…… 
(153)
唔知點解﹐呢方面我睇得好開﹐我唔多管個老公。
成日覺得如果兩個人一齊要管住綁住﹐無意思。自己都係好重視私人空間既人﹐可能同老公都係雙子座﹐所以好明白人係需要去放鬆下至過得人世﹐只要大家都知道條界線嚮邊就得啦。 尤其男人平日出去打仗﹐到放工去飲兩杯同朋友吹下水都係減壓既方法之一﹐咪體諒下佢地囉﹗
我老公一個月都有一兩晚打通宵麻雀…..
男人有時…..都要放下佢出去玩下…..
靖天媽媽,
一次半次, 唔好咁介懷啦~~~~
becky
我都係, 想佢玩, 但又唔想, 比佢出, 口話冇野, 但語氣又唔多al like, 哈哈
有感而發o者…….
係咪女人通病? xdxdxdxd
大肚時真係好唔開心….. 自己一個孤伶伶咁佢就出去玩…
到依家靖天出左世, 就好好多, 至少我有心肝陪住我麻… 嘻嘻
你老公巧幸福呢……… 呵呵;