香港食海鮮來來去去都係鯉魚門, 西貢, 屯門三聖, 流浮山….

細細過跟過老豆去鯉魚門…. 第一次食象拔蚌刺身, 真係好食到唔停得口, 自從深深愛上…

西貢海鮮….. 一個字『貴』, 但就好有特色…. (成排海鮮檔任你揀)第一次去食係大學時行完山同成班同學去… 唔洗俾錢, 乜都好味啦!!! 之後同屋企人去過幾次…. 貴得黎, 亦都唔錯!

屯門三聖海鮮… 最近自己啦, 幾時去食都得…..o的海鮮都好多種類, 亦都唔貴… 買多幾款又送o的蝦呀, 螺呀俾你咁… 算係咁啦; 食過”海天“….. 成棟酒樓… 自己買海鮮上去俾人煮, 都幾貴架, 無計啦, 人地係酒樓黎架麻… 之後去過”屯門閣”上面o個間唔記得叫乜名… 個格有小小似執左既”雍雅山房”, 但係$$$就貴到嚇死人… 最抵食又最好味, 莫過於”冬菇亭”…. 大排檔咁款, 雖然環境9流, 但都叫有冷氣唔洗熱丫… 亦都算不上好污髒….. 最重要係佢煮得真係幾好味, 價錢亦都好大眾化…..

最後係流浮山…… 琴日去下白泥見經過, 約左個fd去試下….. 完全有俾人劏既感覺…幫襯左一間叫”雄記”既物體, 服務九流, 海鮮價格貴到可以食法國餐 (208蚊斤瀨尿蝦, 112蚊斤超細粒既螺, 連流浮山最出名既蠔, 佢都夠擔死同我講話唔好食叫我唔好買…..) 唔係開左位, 我真係想返屯門食麥噹噹!!!

好啦, 問佢有無餐牌, 想點幾個小菜…. 佢竟然話: 我地呢度無菜牌…. 你食咩就嗌啦! 嘩….. 咁你話幾錢都得架啦!

最搞笑係問一個阿姐揚洲炒飯幾錢… 佢話$45, 點知第2個阿姐走埋黎大大聲話,$55先o岩…. 雖然我抱住個女, c6個樣又傻下傻下咁….. 都唔好禁住黎搶丫!!!

結果3個人叫左3個海鮮, 一個小菜, 2個飯, 埋單550個大洋……. 天啊!!!! 我仲要係因為個fd同埋c6 就住唔食俾我食, 我先覺得有”飽”既感覺…..

咁大個女, 從來都未試過食到好似今餐咁, 個心拿住拿住咁痛….. 好似俾人劏左好多下咁…..

呢度奉勸各位卜友, 如果想食海鮮, 千祈唔好去流浮山…. 真係巧得人驚架!!!!

(4717)

Comments

comments