牛bb好? 定虎bb好? 還是兔bb好?!
呢排無所事事… 又o係度諗, 生多個好唔好?!
雖然唔太相信什麼八卦命理, 但係生肖上, 就偏偏會有o的”動物” 自己唔係咁”好”…..
再加上想湊夠佢一屋四人都係一月出世….. 個命中率就真係… 難上加難…..
牛bb呢? 好似急左o的喎….. 到1月既牛bb出世時靖天先得2歲… 好似有小小囉苦黎辛?!
虎bb呢? 靖天屬豬.. 咁究竟係呢隻老虎bb會食左靖天? 還是靖天會扮豬, 食住隻老虎弟弟/妹妹?!
兔bb呢? 未來幾年最”好”既生肖, 好似生出黎既bb會溫文o的, 襯返靖天, 又襯返我同c6喎… 但係如果生1月既兔bb, 到時靖天就足4歲… 而我呢…. 好老耶…唔好啦….. 
然後, c6就問我: 你真係想生架……. 咁當然, 一直都只係想”一個就夠曬數”既我… 好似真係無乜所謂, 但正所謂, 有仔趁嫩生…. 唔通到左十幾年後自己人老珠黃先話想追多個咩… 
時間係一個問題, 錢又係一個問題, 對靖天既關愛會否大減更加係一個問題…….
唔知幾時又有金多寶………? 
中左就咩問題都解決曬啦! 
(277)
諗諗下就真架啦
咁快就唸第二胎喇,不過你決定要都真係要plan吓先嘅,嘩…如果係兔bb,到時靖天都幾歲囉,可以幫手睇吓細佬妹,都幾好架
heehee我都話你會改變主意!
關愛唔會少既, 因為靖天多左個細路妹, 有手足之情嘛
我就認真諗過….我真係唔會生了,實在發生太多野,所以我心理真係承受唔到第2個啦
我同個妹同細佬都無手足情…. 我都唔望靖天會有咯…….
你一早都話左唔生啦……
真係諗諗下架咋…..
好過到想生時就…. 乜都亂咁囉…
佢幫手? 咁細個?! 真係諗都無諗…..
人地諗下咋麻….. >.
咁我唔諗喇……. >