首為人母, 當然希望自己既女兒可以事事盡美….

已經8個半月, 雖然只係一個半職媽媽, 但係對靖天既時間亦都唔會太小, 始終份工無乜出色 (即係多時間啦!) 準時返工, 準時收工, 好日都唔洗OT, 放工就返屋企陪靖天… 同佢一齊呢8個幾9個月, 發覺好多野, 唔係你想點, 就可以點……

想心肝出世有7磅? 無得特止仲要俾e生估計既少左一磅…..

想心肝食好多奶? 去到6個幾月先食到7安一餐…

想心肝4個月就食固體? 拖拖拉拉去到6個月佢先肯食幾啖……

想心肝7個月講媽咪?! 發夢無咁做…….

想心肝拿拿聲出好多牙? 吽牙屎就有……

但係當你無期望佢去做既時候, 偏偏佢又會嚇你一驚~~~

無諗過咁快識爬…. 好似6個幾月已經”懶”下”懶”下…

無諗過要自己企起身…. 已經企左個幾兩個月…

無諗過咁快會行… 扶住野已經可以慢動作咁行來行去…

無諗過自己囉奶樽食奶…. 8個月已經可以囉住食曬成枝…

當每日o係度思考靖天仲需要咩教育, 需要咩訓練, 需要上咩堂既時候, 原來佢已經o係不知不覺間, 隨佢心意, 慢慢咁長大……

做父母者難免會將自己既小朋友同其他bb做比較, 比較下邊個大隻o的, 比較下邊個飲奶多o的, 比較下邊個識轉身先, 識爬先, 識行先, 識say hi, say bye先, 比較下邊個識講爸爸媽媽先….. 當發覺自己bb”技不如人”時, 心入面總會有種戚戚然既感覺…..至少, 我係~~~

每次當發現心肝有”機會點”時….. 個心就會有半刻失落, 然後”魔鬼“就會o係我耳邊講: 點解我生個女咁蠢? 唔通佢真係咁無用? 咁第時大個點算? ….. 心入面仍都難免會自責: 點解我唔好好教導佢? 點解我唔買多o的書俾佢睇? 點解唔我抽多o的時間教佢講野? 點解我唔同佢上超級pg? 然後, 又會有隻”天使“又會出現話: 就算佢係智障, 佢都係你個女o者……

咁又係……. 人比人比死人….. 佢係我女兒, 又唔係我既”磅”, 唔需要秤來秤去, 磅來磅去既…

或者, 呢個就係我既”機會點”….. 由始至終都係…

o係幫助心肝變得更出色既同時, 我都要好好咁反思下, 點解去改好我呢個”機會點”…..

==================================

機會點 = 缺點?!

以前會話有咩缺點, 有咩唔好…然後入左前公司做, 發現, 其實呢一切都係”機會點”, 一個可以改好, 變好既點子….

缺點一向都比較負面, 我地小用o係同事身上, 反之會用上”機會點”三字, 中性一點, 容易接受之餘, 亦都俾對面知道, 其實你係仲有得改, ……

難怪前公司可以成為全球最大既連鎖快餐店 (雖然佢依家唔sell呢樣)…. 佢係有佢一套, 勁!

(116)

Comments

comments