媽咪有”機會點”, 咁靖天呢?!

雖然3歲定80, 雖然靖天3歲未到, 但係, 佢既性格似乎都開始成形…

上完第4堂既PG, 我就發現, 靖天有一個好大好大既機會點….. 呢個機會點, 由佢6個月開始已經發現, 今日, 終於肯定, 佢真係”有問題”…..

呢樣野就係無．耐．性．…..

無耐性衍生既問題, 當然係臭脾氣啦……. 一唔鍾意就會忟, 會大叫, 會喊, 會扭計…. 情況似乎越黎越嚴重……  

事緣係上堂時, 去到臨尾我地將個膠圈套左落心肝隻腳到, 睇下佢有咩反應, 佢想囉返出黎, 點知攞極都攞唔到, 好快, 佢就開o係度呻吟, o係度叫……. 最後, 當然係大喊啦… 試左兩次, 佢都好抗拒, 完全唔會去諗下用咩辦法整返個圈出黎…..

然後呢, 我又手多將個圈套左落第2個bb到…..  呢個bb 坐左o係度望左好耐, 跟住佢就開始嘗試用手拉返個圈出黎…. (呢個時候靖天仲喊緊……. ) 不過佢拉錯方向, 搞到越拉越上,….. 試左差不多2-3分鐘都唔成功, 但係呢個bb就全程叫都無叫一句, 淨係不停咁拉下, 又思考下…… 最後dr poon幫幫佢後, 佢就自己將個圈拉左出黎….. (呢個時候靖天係仲發緊忟緊)

咁有耐性既bb, 唔讚點得呢……

上左4堂PG, 發現好多bb都可以好乖咁坐o係度, 至少5-10分鐘, 定定咁玩,或者聽下我地講野…. 反之靖天? 好似要佢坐多秒都攞佢命咁….. (唔通佢patpat真係生刺?)

上星期同朋友食飯, 席間靖天又黎料… 朋友都問我: 怕唔怕佢大個會好野蠻….

連一個外人都感覺到靖天既”異樣”….. 做佢媽咪, 實在難免會憂心, 佢再大個o的, 脾氣會唔會真係仲差? 仲無耐性? 小小事就發忟憎…..?

心肝依家已經係”佢要得到就無人可以阻止“, 唔俾佢? 咪大叫大喊仲要局到自己成面紅曬… 已經試過扭抱唔抱佢, 咁佢就足足扭左半個鐘, 喊到聲沙, 咳, 作嘔, 務求係要我抱起佢為止….) 

或者, 我真係寵壞左您? (當然靖天婆婆已經係寵緊佢…. 聽聞靖天婆婆係唔會俾靖天大叫, 同埋喊…. )

但係佢咁細個, 似乎真係乜都做唔到….. 又唔知係咪真係”臭四”….依家教佢, 佢又明o的唔明o的…. 但到佢大個先教? 會唔會遲左o的?!

靖天, 雖然媽咪想您似我…. 都唔洗似到咁足?!  (又聽聞, 靖天同我兒時係一模一樣, 一個模咁cup出黎…..)

靖天, 您知唔知媽咪擔心您多過介意您咁?! 您再係咁落去, 第時返學點算? 老師實話係您錯架喎… 到時真係dayday見家長都唔掂啦…..

您幾時可以乖返小小, 唔好咁扭紋呀?!  

(97)

Comments

comments