『咱們仨』@ 首試BB餐廳
話說沙田開左間bb餐廳, 都係n個月前既事… 終於的起心肝帶靖天試下…
上星鈅六上完堂就入左沙田, 去到6點零鐘, 剛剛係靖天既開飯時間,
咁就拿拿臨搵間餐廳啦….
不過o係角落頭…. 位置認真麻麻, 但個外觀就好吸引…
未入去已經人山人海咁… 無計, 一個bb, 就至少2個大人+1個bb車
o的位又真係一個跟一個.. 唔迫有鬼…
仲要初時入到去, o的bb o係o的位度…食奶… 
都幾混亂…..
===餐廳實際情況===
終於搵到位, 塞左佢入去坐一坐先~!
靖天: 今日我著曬裙咁黎呢間BB餐廳… 睇下叫乜野好先~
靖天: 我又唔識字, 媽咪你又玩野…
巧得意既餐牌…
最後同靖天叫左個合8個月BB食既咩咩併白飯魚粥餐…
承惠29個大洋~~~
靖天食佢既第一口喇!!
靖天: 嘩….. 媽咪你俾咩我食, 好難食呀~~
媽咪: 你放過我啦….
靖天: 喂, 姐姐, 你煮O的野好難食, 我要投訴呀!
靖天: 你地班大人都唔彩我既, 咁難食, 睬你都傻, 走為上著…
靖天: 走唔甩, 等我用奶咀塞住自己把口!
靖天: 你唔洗問喇, 媽咪….. 我行動已經話左俾你知…
靖天: 我o係呢度奉勸各位朋友仔一句:
千~~祈~~唔~~好~~俾~~你~~地~~既~~媽~~咪~~
帶~~你~~黎~~呢~~間~~餐~~廳~~食~~野~~呀~~
因為個餐又小, 加上靖天又唔肯食曬, 最終都係要… 補奶~~~
食完奶精神喇, 就o係度撩人玩…..
臨走梗係影返兩張相留念先啦~~~
媽咪: 靖天, 笑…..
靖天: 媽咪, 點解我整唔到你o個個V字既…
爸B: 靖天, 笑……
靖天: 你地好煩呀, 我無眼睇你….
(327)
我都帶過天朗去食, 佢咁鐘意食嘢都食到發脾氣喔! 可想已知係幾難食吖~~~~
咩有間咁既野ga? 間野好似幾靚, 但咁多bb, 會唔會好吵? d野食….比靖天影響到我覺得好似好難食咁, 哈哈
搞錯呀, 開左好耐架喇, 你住附近唔知架咩…..
少少吵咁囉;
其實唔係難食, 怪味o的咁囉
嘩, 真係好多人呀….
真係咁難食?!
我仲打算搵日帶qq去試下添, 睇黎可以慳返啦, 哈哈!!
尼間餐廳其實都幾有 gimmick …..
不過啲 baby food 啱唔啱小朋友食就……
我覺得可以接受架, 不過就唔o岩靖天食咁解囉….
係呀, o個陣都好hit架….
可能咁o岩我柬呢個唔o岩靖天食囉, 無諗過o的粥會有蕃茄酸味架麻…….
陰功……………….