都唔知有幾多年, 無同同性既朋友出街….

上星期本來已行過花園街, 之後2K話好想去行, 仲要狼C到一個射波一個請假, 當然我會捨命陪君子…. 可能KAT加左人工做左大忙人, 無得去wet仲要睇住我地”曬”…. kat… 你今日搽左防曬未?

真係有諗過帶埋靖天出黎, 不過老友記唔帶, 費事靖天又食奶又換片阻住佢地發癲, 所以都係…  不過上班時間走去行街撇低心肝, 應該衰唔曬喔!!!!

不過因為上星期已經出左少少血, 所以今次無咁”餓”….  反而對岸兩位阿太就… 好似痴左線咁… O係聯合已經癲痲地, 落到花園街再癲….. 跟住仲要去埋旺中, 超癲~~~ 全日係咁買係咁買…. 

落到花園街買多左兩件衫仔過心肝, 跟住都無乜可揀….. (上星期揀曬)…..

之後行到去旺角中心見到o的衫都幾好, 買返兩件補下倉 唔洗成日著t-shirt咁悶…..

 諗左好耐買唔買, 因為條裙都偏緊, 怕著左pat豬腩肉飛曬出黎…點知返到屋企試, 又無喎…. 雖然著唔到”洗衫板”o個種感覺…. 好過無啦… 生完係咁上下架喇~

好誘人既恤衫..主要目的都係諗住用黎色誘老細… (kakakaka) 又或者….淨係著呢件, 下身唔著任何leggings或者裙咁出街….?! 索爆呢….  (不過唔會有人信卦?!)

去到旺角中心, 真係不期然令我諗起….自己返左上東門… o的sales妹妹, 嘩…個個o的廣東話都唔咸唔淡…. 仲要原來可以講下價……  入到其中一間boutique, 見個sales妹妹咁過癮 (為左想証明上面條裙佢都著得落我一定得繼而引我買, 佢仲用軟尺度佢腰圍俾我睇…勁!) 咁梗係殺下價先啦…..  

以前鍾意返大陸買衫, 都係貪佢可以講價… 真係開心過買衫~~~~ 估唔到旺中都變左咁…. 真可愛!

行到六點半 (夠鐘放工~!) 就極速返屋企…..

不過餓鬼yy竟然, 又閃返去花園街行多轉…. 真係巧餓喎……

magmag呢? o係我買最後一件衫時已經閃左…… byebye都唔講既, 嗚嗚…..

(125)

Comments

comments