上個幾星期, 靖天麻麻帶左靖天回娘家”見人”……

去到又見到爸B個舅父舅母…. (即係靖天舅婆啦~~~~)

雖然佢係靖天既舅婆, 不過年紀都唔係太老咋….

傳聞佢當年識左靖天舅公後就火速結婚…… 婚後無幾耐就生左大仔, 然後三年抱兩, 跟手生埋個細女, 之後就做佢既全職媽媽生涯…..

不過呢位舅婆向來都語出驚人….尤其是我生完靖天後….

o係靖天3-4個月大時, 佢一見到靖天就抱左佢走… 成餐茶既時間都無交返俾我… 埋單仲抱埋我個女越行越遠, 99又行得慢, 搞到我唔知等埋99好, 定係追住個女好…..  “當年”佢最經典既係, 知道我產後要返工, 已經批死我個女唔會痴我….. 激到我扎扎跳!!!! (我生前就最憎人話我個女唔跟我!!!!)

到今時今日, 佢又係一見到靖天就想抱走佢…. 當然, 今次佢唔會得逞啦~ 因為有爸b頂住麻…..  咁多個月無見, 靖天舅婆仍然係語出驚人…..

舅婆: (見到靖天扭計要我抱, 然後我一抱就收聲) 下? 你個女咁痴你既?
我　: 係呀, 佢比較痴身….
舅婆: 下 (表現得極度驚訝)… 但係平時你返工唔係你湊架喎…..
我　: ……. 咁夜晚同放假我都會湊返架麻…. (我自有我辦法令到我心肝咁”愛”我啦, 車!)
舅婆: 哦……

跟住靖天warm up左, 就走去撩個表姨 (只係得小一)玩, 舅婆讚佢唔怕生保, 跟住靖天麻麻又多口話: 係啊, 佢上堂都係咁架…..

舅婆又問: 下? 上堂? 好細咋喎……..

99都無再出聲, 因為o係99角度佢覺得我催迫得靖天太緊要….. 可能佢都唔贊成我俾靖天上堂, 不過…… 個女係我既, 佢個仔又做左我既人 (wakakakakakak!!!) 即係我話曬事囉…. 

不過舅婆呀舅婆, 依家上playgroup好平常架咋, 唔水太驚訝….. 你咁後生, 要up-to-date喎…… 難怪你對仔女…會變成咁…..

記得新年時見佢個細女, 好可愛, 好甜, 好斯文…..但係聽爸b講佢出左去做野後就成日”sasa滾”唔再理對仔女….. 結果? 上到靖天太婆屋企, 佢個細女就黎料…. 係咁話靖天: 男人頭, 無頭髮, 又叫我肥婆…..

真係巧得人驚…. 最得人驚既係, 佢爸爸o係度睇跑馬, 佢媽媽就o係度吹水…… 兩位父母完全無動於衷…..

開始有點兒擔心, 幾年後既靖天, 會係一個點既小朋友?!

(105)

Comments

comments