難得一家三口北上, 梗係要shop shop佢…..

因為之前已經o係香港買左兩轉衫, 令到購物慾大大降低, 加上媽咪同阿妹都話依家深圳無得講價, 一心都諗住行下就算……

點知原來我真係太……… 無知!!!!! 所謂無得講價, 係因為人地已經落到個價好低好低, 唔洗講!!!! 點解佢地講野成日都一舊舊架….. 激c我喇!!!

最經典o係香港睇中條褲, 聯合賣好似70蚊, 去到旺中賣65蚊, 跟住落到葵芳賣60蚊, 咁最後我50蚊拍左板….上到東門, 入到間boutique, 見到條一模一樣既褲, 佢開價99…. 梗係閃, 點知個sales妹妹話: 你o岩唔o岩呀, (我走緊….) 你o岩我30俾你啦, 埋黎啦, 埋黎啦…. 三……十……..蚊……….?????????  天啊!!!!! 買貴一半…… 早知係咁, 就唔好咁心急入貨住啦~~~

結果? 都買左幾件衫…..

20條牛仔褲, 唔買走寶~

閃令令既TEE….. 講價到30…

最厚綿裙一條…. 多謝30個大洋…. 質地仲好好添……

呢條裙又係一個經典….
話說入到去, 我問個姐姐幾錢, 佢又係開99,
我話有無得平, 咁佢例牌問我幾多, 我隨意開左個30俾佢
(開完個價老公碌大隻眼望住我… )
咁佢又好自然還價叫我俾多5蚊佢…. 當然我係選擇企硬, 30!!!!
諗住拎轉頭問下老公35 好唔好 (見條裙質地真係幾好….),
諗住都話好啦, 35…點知個女仔以為我走, 就即刻話好啦好啦, 30啦30啦…
佢還價同up頭話30時間相差都唔夠10秒…. 洗唔洗咁心急呀?!

不過都知道閒日去買野班姐姐妹妹會鬆手好多 (無客麻), 加上唔知係咪經濟真係差左, 所以佢地好似好緊張咁… 無所謂啦…. 橫掂我有著數~~!!!

本來想買鞋, 但係揹住心肝真係唔多方便, 加上又無鞋款 (o的boot 仲未”當造”….) 都係有機會再上黎shop shop…….

其實仲有好多衫想買, 明知平, 但都無落手…… 因為o係香港買得太多, 無乜彈藥了…  不過我知道, 好快我地又會再去過….. 因為…… kekekekekekekkeke!!!

(80)

Comments

comments