小惡霸靖天
靖天狀態好時, 真係巧鬼惡……
雖然靖天同喬喬已經見過一次, 唔知係咪見喬喬斯斯文文好好恰, 呢一日, 靖天竟然…..
搶完人玩具仲要o係度吶喊….
可憐喬喬就…. 喊到收唔到聲….
見喬喬仲係咁喊, 靖天竟然走埋去……
想um住人地把口, 跟住又扯人頭髮……
雖然同pinky係舊同學 (竟然可以o係bk相認返….. 
), 不過都唔好意思啊…. sorry啊, pinky, 希望靖天無嚇親喬喬啦….. 
有時, 真係唔知靖天咁既行為, 係好, 定唔好…… 
成為佢媽咪, 當然明白同知道, 靖天係無心, 亦都無咁大既意識去”蝦”人”打人”, 但係靖天麻麻琴日睇完條片已經即刻打俾爸b, 提醒我地要小心教靖天…..唔好搞到佢變得野蠻無禮貌…..
好想問一句: 可以點教?
靖天婆婆平時o係屋企不停”NO“靖天, 我已經好唔鍾意…… 點解要NO先? 爬多步都話危險唔好?! 摸呢樣又話污髒……
好想問: 點解靖天去攞佢想要既野, 我要NO佢先?…….. 我唔知咁樣NO下NO下, 到佢長大時, 佢仲識唔識自己去爭取自己想要既野架喎……..
係咪人地阿媽黑面NO靖天, 我就要o係人地面前教女先? 什至打佢先? 
係咪咁樣先可以平息到外間既批評?!
99既電話, 令我去反思, 究竟平時靖天同小朋友玩搶人野, 打人 (定摸人?!) 而我又唔去NO佢, 係o岩定唔o岩?! 還是我應該唔再俾咁多自由佢, 唔準佢掂野, 摸野, 乜野都限制佢, 佢曳就打佢, 鬧佢, 咁就會教出一個”乖巧有教養”既小朋友?!
(275)
Chester 其實都好大脾氣架 !!
之前都有動手打人既記錄 (唔知係打定摸) , 我見到 , 當時也沒有立刻 no 他 .. 只會細聲同佢講 .. 唔係咁大力架 .. 然後再 catch 佢隻手輕輕摸多一次個位小朋友 , 等佢知道摸既力度是有多大 !!!
習慣了 .. chester 都沒有這麼大力去摸人羅 !!!
放心, 我真係冇野~
果日如果qq唔係同靖天搶玩具,
可能唔會咁,
唔可以完全話靖天蝦人,
同埋我都認為要俾d小朋友自己嘗試面對問題,
所以你見我果日都由得佢, 冇出手幫佢,
其實我同你唔係真係由得佢地架,
我地只係係應該出手時先出手啫,
咁就唔係種壞佢地,
而係俾機會佢地自己學習, 探索~
多謝你明白同埋體諒啊, pinky~~~
教仔的確是一門大學問, 不過我都相信教仔不在人前這一個道理
因為小朋友仲未理解到咩叫岩咩叫唔岩..
唔識分乜野對佢地有害..乜野係危險…
所以當你發現有o的potential既情況可能有機會發生…
就要俾個warning佢…
靖天一定唔會明白…亦都會唔鐘意…
但如果大部份人都係要”賴”過先學精…
咁靖天有幾多本錢去”賴”呢?
哩個純料係risk o既問題…
因為bb仔身體機能比較弱….又唔係太識表達自己…
所以大部份人都寧願限制佢o地既活動
or硬格教導佢o地去避開risky o既野..(係咁話”no”)
去避免take risk…
當然bb都可以有自己o既想法..求知慾同埋感受…
問題係…..任意bb做自己想做o既事…
同高度管制…對佢日後o既發展影響有幾大呢?
好多人….可能都會有種…覺得自己小朋友時唔生性…唔xxxx….or做咗xxxxx…然後令自己好似有o的缺失….(例如趺親整到個身有好醜樣o既疤痕..)
問題係…你願意bear哩個risk…同埋…你願意有機會讓靖天付出代價去換取教訓嗎?
講返打or摸其他小朋友o既問題…
靖天擬似打另一位bb…
你o既考慮係…對bb or 媽媽有歉意…
但唔會因此而太過阻止靖天o既行動….
咁不如調轉唸…
如果靖天有一日遇到一個脾氣比靖天更更更更差o既小朋友…
靖天走埋去…可能會俾人打返轉頭架喎…….
(唔使誇….一下推到靖天向後跌落地已經夠危險)
講到哩到…我會將事情歸類為risk management…而唔係教學o既問題…
師姐…….好玄, 但理解同明白;
我諗, ONCE 靖天唔係打到人流曬流….又或者有意識地去offend人地, 我都好想”睇下”佢點….
係一門大學問啊
聰媽你呢個方法實在好好啊, 我都要學下你咁….:)